헬라어 문장 검색 - Πλυταρ́Αρατυσ́40́

(플루타르코스, Aratus, chapter 40)

Ἠτρέμει γὰρ οὐδὲν οὐδὲ ἔστεργεν ἐπὶ τοῖσ παροῦσιν, ἀλλὰ καὶ Σικυωνίων αὐτῶν καὶ Κορινθίων ἐγένοντο πολλοὶ καταφανεῖσ διειλεγμένοι τῷ Κλεομένει καὶ πάλαι πρὸσ τὸ κοινὸν ἰδίων ἐπιθυμίᾳ, δυναστειῶν ὑπούλωσ ἔχοντεσ, ἐπὶ τούτουσ ἐξουσίαν ἀνυπεύθυνον ὁ Ἄρατοσ λαβών τοὺσ μὲν ἐν Σικυῶνι διεφθαρμένουσ ἀπέκτεινε, τοὺσ δὲ ἐν Κορίνθῳ πειρώμενοσ ἀναζητεῖν καὶ κολάζειν ἐξηγρίαινε τὸ πλῆθοσ ἤδη νοσοῦν καὶ βαρυνόμενον τὴν ὑπὸ τοῖσ Ἀχαιοῖσ πολιτείαν. συνδραμόντεσ οὖν εἰσ τὸ τοῦ Ἀπόλλωνοσ ἱερόν μετεπέμποντο τὸν Ἄρατον, ἀνελεῖν ἢ συλλαβεῖν πρὸ τῆσ ἀποστάσεωσ ἐγνωκότεσ.

ὁ δὲ ἧκε μὲν αὐτὸσ ἐφελκόμενοσ τὸν ἵππον ὡσ οὐκ ἀπιστῶν οὐδὲ ὑποπτεύων, ἀναπηδησάντων δὲ πολλῶν καὶ λοιδορουμένων αὐτῷ καὶ κατηγορούντων εὖ πωσ καθεστῶτι τῷ προσώπῳ καὶ τῷ λόγῳ πράωσ ἐκέλευε καθίσαι καὶ μὴ βοᾶν ἀτάκτωσ ἑστῶτασ, ἀλλὰ καὶ τοὺσ περὶ θύρασ ὄντασ εἴσω παριέναι·

καὶ ταῦθ’ ἅμα λέγων ὑπεξῄει βάδην ὡσ παραδώσων τινὶ τὸν ἵππον. οὕτωσ δὲ ὑπεκδύσ καὶ τοῖσ ὑπαντῶσι τῶν Κορινθίων ἀθορύβωσ διαλεγόμενοσ καὶ κελεύων πρὸσ τὸ Ἀπολλώνιον βαδίζειν, ὡσ ἔλαθε πλησίον τῆσ ἄκρασ γενόμενοσ, ἀναπηδήσασ ἐπὶ τὸν ἵππον καὶ Κλεοπάτρῳ τῷ ἄρχοντι τῆσ φρουρᾶσ διακελευσάμενοσ ἐγκρατῶσ φυλάττειν ἀφίππευσεν εἰσ Σικυῶνα, τριάκοντα μὲν αὐτῷ στρατιωτῶν ἑπομένων, τῶν δὲ ἄλλων ἐγκαταλιπόντων καὶ διαρρυέντων.

αἰσθόμενοι δ’ οἱ Κορίνθιοι μετ’ ὀλίγον τὴν ἀπόδρασιν αὐτοῦ καὶ διώξαντεσ, ὡσ οὐ κατέλαβον, μετεπέμψαντο τὸν Κλεομένη καὶ παρέδοσαν τὴν πόλιν οὐδὲν οἰομένῳ λαμβάνειν παρ’ αὐτῶν τοσοῦτον ὅσου διήμαρτεν ἀφέντων Ἄρατον.

οὗτοσ μὲν οὖν, προσγενομένων αὐτῷ τῶν τὴν λεγομένην Ἀκτὴν κατοικούντων καὶ τὰσ πόλεισ ἐγχειρισάντων, ἀπεσταύρου καὶ περιετείχιζε τὸν Ἀκροκόρινθον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Aratus, chapter 40

(플루타르코스, Aratus, chapter 40)

상위

목록

SEARCH

MENU NAVIGATION