헬라어 텍스트

Polybius, Histories, book 5, chapter 88

(폴리비오스, Histories, book 5, chapter 88)

οὕτωσ ἐχείριζον νουνεχῶσ καὶ πραγματικῶσ τὸ γεγονὸσ ὡσ μὴ βλάβησ, διορθώσεωσ δὲ μᾶλλον, αὐτοῖσ αἴτιον γενέσθαι τὸ σύμπτωμα. τοσοῦτον ἄγνοια καὶ ῥᾳθυμία διαφέρει παρ’ ἀνθρώποισ ἐπιμελείασ καὶ φρονήσεωσ περί τε τοὺσ κατ’ ἰδίαν βίουσ καὶ τὰσ κοινὰσ πολιτείασ, ὥστε τοῖσ μὲν καὶ τὰσ ἐπιτυχίασ βλάβην ἐπιφέρειν, τοῖσ δὲ καὶ τὰσ περιπετείασ ἐπανορθώσεωσ γίνεσθαι παραιτίασ.

οἱ γοῦν Ῥόδιοι τότε παρὰ τὸν χειρισμὸν τὸ μὲν σύμπτωμα ποιοῦντεσ μέγα καὶ δεινόν, αὐτοὶ δὲ σεμνῶσ καὶ προστατικῶσ κατὰ τὰσ πρεσβείασ χρώμενοι ταῖσ ἐντεύξεσι καὶ ταῖσ κατὰ μέροσ ὁμιλίαισ, εἰσ τοῦτ’ ἤγαγον τὰσ πόλεισ, καὶ μάλιστα τοὺσ βασιλεῖσ, ὥστε μὴ μόνον λαμβάνειν δωρεὰσ ὑπερβαλλούσασ, ἀλλὰ καὶ χάριν προσοφείλειν αὐτοῖσ τοὺσ διδόντασ.

πρὸσ δὲ τούτοισ εἰσ τὰσ θυσίασ δέκα τάλαντα καὶ τὴν ἐπαύξησιν τῶν πολιτῶν ἄλλα δέκα, χάριν τοῦ τὴν πᾶσαν εἰσ ἑκατὸν τάλαντα γενέσθαι δωρεάν.

καὶ μὴν ἀτέλειαν τοῖσ πρὸσ αὐτοὺσ πλοϊζομένοισ ἔδοσαν καὶ πεντήκοντα καταπέλτασ τριπήχεισ.