헬라어 문장 검색 - ΠολψβίΗιστορί05́073́

(폴리비오스, Histories, book 5, chapter 73)

Πεδνηλισσεῦσιν. οἱ δὲ Σελγεῖσ κατὰ τὸν καιρὸν τοῦτον, στρατηγὸν ἐξαποστείλαντεσ μετὰ δυνάμεωσ, ἤλπισαν καταπληξάμενοι ταῖσ τῶν τόπων ἐμπειρίαισ ἐκβαλεῖν τὸν Φάϋλλον ἐκ τῶν ὀχυρωμάτων. οὐ καθικόμενοι δὲ τῆσ προθέσεωσ, ἀλλὰ πολλοὺσ ἀποβαλόντεσ τῶν στρατιωτῶν ἐν ταῖσ προσβολαῖσ, ταύτησ μὲν τῆσ ἐλπίδοσ ἀπέστησαν, τῇ δὲ πολιορκίᾳ καὶ τοῖσ ἔργοισ οὐχ ἧττον, ἀλλὰ μᾶλλον ἢ πρὸ τοῦ προσεκαρτέρουν.

τοῖσ δὲ περὶ Γαρσύηριν Ἐτεννεῖσ μὲν οἱ τῆσ Πισιδικῆσ τὴν ὑπὲρ Σίδησ ὀρεινὴν κατοικοῦντεσ, ὀκτακισχιλίουσ ὁπλίτασ ἔπεμψαν, Ἀσπένδιοι δὲ τοὺσ ἡμίσεισ·

Σιδῆται δὲ τὰ μὲν στοχαζόμενοι τῆσ πρὸσ Ἀντίοχον εὐνοίασ, τὸ δὲ πλεῖον διὰ τὸ πρὸσ Ἀσπενδίουσ μῖσοσ, οὐ μετέσχον τῆσ βοηθείασ.

ὁ δὲ Γαρσύηρισ ἀναλαβὼν τάσ τε τῶν βεβοηθηκότων καὶ τὰσ ἰδίασ δυνάμεισ ἧκε πρὸσ τὴν Πεδνηλισσόν, πεπεισμένοσ ἐξ ἐφόδου λύσειν τὴν πολιορκίαν·

οὐ καταπληττομένων δὲ τῶν Σελγέων, λαβὼν σύμμετρον ἀπόστημα κατεστρατοπέδευσε. τῶν δὲ Πεδνηλισσέων πιεζομένων ὑπὸ τῆσ ἐνδείασ, ὁ Γαρσύηρισ σπεύδων ποιεῖν τὰ δυνατά, δισχιλίουσ ἑτοιμάσασ ἄνδρασ καὶ δοὺσ ἑκάστῳ μέδιμνον πυρῶν, νυκτὸσ εἰσ τὴν Πεδνηλισσὸν εἰσέπεμπε.

τῶν δὲ Σελγέων συνέντων τὸ γινόμενον καὶ παραβοηθησάντων, συνέβη τῶν μὲν ἀνδρῶν τῶν εἰσφερόντων κατακοπῆναι τοὺσ πλείστουσ, τοῦ δὲ σίτου παντὸσ κυριεῦσαι τοὺσ Σελγεῖσ.

οἷσ ἐπαρθέντεσ ἐνεχείρησαν οὐ μόνον τὴν πόλιν, ἀλλὰ καὶ τοὺσ περὶ τὸν Γαρσύηριν πολιορκεῖν·

ἔχουσι γὰρ δή τι τολμηρὸν ἀεὶ καὶ παράβολον ἐν τοῖσ πολεμίοισ οἱ Σελγεῖσ. δι’ ἃ καὶ τότε καταλιπόντεσ φυλακὴν τὴν ἀναγκαίαν τοῦ χάρακοσ, τοῖσ λοιποῖσ περιστάντεσ κατὰ πλείουσ τόπουσ ἅμα προσέβαλον εὐθαρσῶσ τῇ τῶν ὑπεναντίων παρεμβολῇ.

πανταχόθεν δὲ τοῦ κινδύνου παραδόξωσ περιεστῶτοσ, κατὰ δέ τινασ τόπουσ καὶ τοῦ χάρακοσ ἤδη διασπωμένου, θεωρῶν ὁ Γαρσύηρισ τὸ συμβαῖνον καὶ μοχθηρὰσ ἐλπίδασ ἔχων ὑπὲρ τῶν ὅλων, ἐξέπεμψε τοὺσ ἱππεῖσ κατά τινα τόπον ἀφυλακτούμενον·

οὓσ νομίσαντεσ οἱ Σελγεῖσ καταπεπληγμένουσ καὶ δεδιότασ τὸ μέλλον ἀποχωρήσειν οὐ προσέσχον, ἀλλ’ ἁπλῶσ ὠλιγώρησαν.

οἱ δὲ περιιππεύσαντεσ καὶ γενόμενοι κατὰ νώτου τοῖσ πολεμίοισ ἐνέβαλον, καὶ προσέφερον τὰσ χεῖρασ ἐρρωμένωσ.

οὗ συμβαίνοντοσ ἀναθαρρήσαντεσ οἱ τοῦ Γαρσυήριδοσ πεζοί, καίπερ ἤδη τετραμμένοι, πάλιν ἐκ μεταβολῆσ ἠμύνοντο τοὺσ εἰσπίπτοντασ·

ἐξ οὗ περιεχόμενοι πανταχόθεν οἱ Σελγεῖσ τέλοσ εἰσ φυγὴν ὡρ́μησαν.

ἅμα δὲ τούτοισ οἱ Πεδνηλισσεῖσ ἐπιθέμενοι τοὺσ ἐν τῷ χάρακι καταλειφθέντασ ἐξέβαλον.

γενομένησ δὲ τῆσ φυγῆσ ἐπὶ πολὺν τόπον, ἔπεσον μὲν οὐκ ἐλάττουσ μυρίων, τῶν δὲ λοιπῶν οἱ μὲν σύμμαχοι πάντεσ εἰσ τὴν οἰκείαν, οἱ δὲ Σελγεῖσ διὰ τῆσ ὀρεινῆσ εἰσ τὴν αὑτῶν πατρίδα κατέφυγον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 5, chapter 73

(폴리비오스, Histories, book 5, chapter 73)

상위

목록

SEARCH

MENU NAVIGATION