헬라어 문장 검색 - ΠολψβίΗιστορί05́002́

(폴리비오스, Histories, book 5, chapter 2)

Δοξάντων δὲ τούτων, οἱ μὲν Ἀχαιοὶ διελύθησαν ἐπὶ τὰσ πόλεισ· τῷ δὲ βασιλεῖ βουλευομένῳ μετὰ τῶν φίλων, ἐπειδὴ συνῆλθον αἱ δυνάμεισ ἐκ τῆσ παραχειμασίασ, ἔδοξε χρῆσθαι κατὰ θάλατταν τῷ πολέμῳ. οὕτωσ γὰρ ἐπέπειστο μόνωσ αὐτὸσ μὲν δυνήσεσθαι ταχέωσ πανταχόθεν ἐπιφαίνεσθαι τοῖσ πολεμίοισ, τοὺσ δ’ ὑπεναντίουσ ἥκιστ’ ἂν δύνασθαι παραβοηθεῖν ἀλλήλοισ, ἅτε διεσπασμένουσ μὲν ταῖσ χώραισ, δεδιότασ δ’ ἑκάστουσ περὶ σφῶν διὰ τὴν ἀδηλότητα καὶ τὸ τάχοσ τῆσ κατὰ θάλατταν παρουσίασ τῶν πολεμίων·

πρὸσ γὰρ Αἰτωλοὺσ καὶ Λακεδαιμονίουσ ἔτι δ’ Ἠλείουσ ὁ πόλεμοσ ἦν αὐτῷ.

κριθέντων δὲ τούτων, ἥθροιζε τάσ τε τῶν Ἀχαιῶν νῆασ καὶ τὰσ σφετέρασ εἰσ τὸ Λέχαιον, καὶ συνεχεῖσ ποιούμενοσ ἀναπείρασ ἐγύμναζε τοὺσ φαλαγγίτασ καὶ συνείθιζε ταῖσ εἰρεσίαισ, προθύμωσ αὐτῷ πρὸσ τὸ παραγγελλόμενον συνυπακουόντων τῶν Μακεδόνων·

οἱούσ Ἡσίοδοσ παρεισάγει τοὺσ Αἰακίδασ, πολέμῳ κεχαρηότασ ἠύ̈τε δαιτί.

Ὁ μὲν οὖν βασιλεὺσ καὶ τὸ τῶν Μακεδόνων πλῆθοσ ἐν τῷ Κορίνθῳ διέτριβε, περὶ τὴν κατὰ θάλατταν ἄσκησιν καὶ παρασκευὴν γινόμενοσ·

ὁ δ’ Ἀπελλῆσ, οὔτ’ ἐπικρατεῖν τοῦ Φιλίππου δυνάμενοσ οὔτε φέρειν τὴν ἐλάττωσιν παρορώμενοσ, ποιεῖται συνωμοσίαν πρὸσ τοὺσ περὶ Λεόντιον καὶ Μεγαλέαν, ὥστ’ ἐκείνουσ μὲν συμπαρόντασ ἐπ’ αὐτῶν τῶν καιρῶν ἐθελοκακεῖν καὶ λυμαίνεσθαι τὰσ τοῦ βασιλέωσ χρείασ, αὐτὸσ δὲ χωρισθεὶσ εἰσ Χαλκίδα φροντίζειν ἵνα μηδαμόθεν αὐτῷ χορηγία παραγίνηται πρὸσ τὰσ ἐπιβολάσ.

οὗτοσ μὲν οὖν τοιαῦτα συνθέμενοσ καὶ κακοτροπευσάμενοσ πρὸσ τοὺσ προειρημένουσ ἀπῆρεν εἰσ τὴν Χαλκίδα;

σκήψεισ τινὰσ εὐλόγουσ πρὸσ τὸν βασιλέα πορισάμενοσ· κἀκεῖ διατρίβων οὕτωσ βεβαίωσ ἐτήρει τὰ κατὰ τοὺσ ὁρ́κουσ, πάντων αὐτῷ πειθαρχούντων κατὰ τὴν προγεγενημένην πίστιν, ὥστε τὸ τελευταῖον ἀναγκασθῆναι τὸν βασιλέα δι’ ἀπορίαν ἐνέχυρα τιθέντα τῶν πρὸσ τὴν χρείαν ἀργυρωμάτων ἀπὸ τούτων ποιεῖσθαι τὴν διαγωγήν.

ἡθροισμένων δὲ τῶν πλοίων, καὶ τῶν Μακεδόνων ἤδη ταῖσ εἰρεσίαισ κατηρτισμένων, σιτομετρήσασ καὶ μισθοδοτήσασ ὁ βασιλεὺσ τὴν δύναμιν ἀνήχθη, καὶ κατῆρε δευτεραῖοσ εἰσ Πάτρασ, ἔχων Μακεδόνασ μὲν ἑξακισχιλίουσ, μισθοφόρουσ δὲ χιλίουσ καὶ διακοσίουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 5, chapter 2

(폴리비오스, Histories, book 5, chapter 2)

상위

목록

SEARCH

MENU NAVIGATION