헬라어 문장 검색 - Πλυταρ́Αρατυσ́25́

(플루타르코스, Aratus, chapter 25)

ὁρῶν δὲ τοὺσ ἀρίστουσ τῶν προσοίκων αὐτονομουμένουσ, Ἀργείοισ δὲ δουλεύουσιν ἀχθόμενοσ, ἐπεβούλευεν ἀνελεῖν τὸν τύραννον αὐτῶν Ἀριστόμαχον, ἅμα τῇ τε πόλει θρεπτήρια τὴν ἐλευθερίαν ἀποδοῦναι φιλοτιμούμενοσ καὶ τοῖσ Ἀχαιοῖσ προσκομίσαι τὴν πόλιν· οἱ μὲν οὖν τολμῶντεσ εὑρέθησαν, ὧν Αἰσχύλοσ προειστήκει καὶ Χαριμένησ ὁ μάντισ ξίφη δὲ οὐκ εἶχον, ἀλλ’ ἀπείρητο κεκτῆσθαι καὶ ζημίαι μεγάλαι τοῖσ κεκτημένοισ ἐπῆσαν ὑπὸ τοῦ τυράννου, κατασκευάσασ οὖν ὁ Ἄρατοσ αὐτοῖσ ἐν Κορίνθῳ μικρὰσ παραξιφίδασ ἐνέρραψεν εἰσ σάγματα·

καὶ ταῦτα περιθεὶσ ὑποζυγίοισ σκεύη τινὰ παρημελημένα κομίζουσιν εἰσ Ἄργοσ ἀπέστειλε. Χαριμένουσ δὲ τοῦ μάντεωσ προσλαβόντοσ ἐπὶ τὴν πρᾶξιν ἄνθρωπον, οἱ περὶ τὸν Αἰσχύλον ἠγανάκτησαν καὶ δι’ ἑαυτῶν ἔπραττον, τοῦ Χαριμένουσ καταγνόντεσ.

αἰσθόμενοσ δὲ ἐκεῖνοσ ὀργῇ κατεμήνυσε τοὺσ ἄνδρασ ἤδη βαδίζοντασ ἐπὶ τὸν τύραννον· ὧν οἱ πλεῖστοι φθάσαντεσ ἐξ ἀγορᾶσ ἀπέφυγον καὶ διεξέπεσον εἰσ Κόρινθον. οὐ μὴν ἀλλὰ χρόνου βραχέοσ διελθόντοσ ἀποθνῄσκει μὲν ὑπὸ δούλων Ἀριστόμαχοσ, ὑπολαμβάνει δὲ τὴν ἀρχὴν φθάσασ Ἀρίστιπποσ, ἐξωλέστεροσ ἐκείνου τύραννοσ, ὅσοι δὴ τῶν Ἀχαιῶν ἐν ἡλικίᾳ παρόντεσ ἔτυχον, τούτουσ ἀναλαβὼν ὁ Ἄρατοσ ἐβοήθει πρὸσ τὴν πόλιν ὀξέωσ, οἰόμενοσ εὑρήσειν τὰ τῶν Ἀργείων πρόθυμα.

τῶν δὲ πολλῶν ἤδη διὰ συνήθειαν ἐθελοδούλωσ ἐχόντων καὶ μηδενὸσ ἀφισταμένου πρὸσ αὐτόν, ἀνεχώρησεν ἔγκλημα κατεσκευακὼσ τοῖσ Ἀχαιοῖσ ὡσ ἐν εἰρήνῃ πόλεμον ἐξενηνοχόσι.

καὶ δίκην ἔσχον ἐπὶ τούτῳ παρὰ Μαντινεῦσιν, ἣν Ἀράτου μ̣ ὴ παρόντοσ Ἀρίστιπποσ εἷλε διώκων καὶ μνῶν ἐτιμήθη τριάκοντα, τὸν δὲ Ἄρατον αὐτὸν ἅμα καὶ μισῶν καὶ δεδοικώσ ἐπεβούλευεν ἀνελεῖν συνεργοῦντοσ Ἀντιγόνου τοῦ βασιλέωσ· καὶ πανταχοῦ σχεδὸν ἦσαν οἱ τοῦτο πράττοντεσ αὐτοῖσ καὶ καιρὸν ἐπιτηροῦντεσ.

ἀλλ’ οὐδὲν οἱο͂ν ἀληθινὴ καὶ βέβαιοσ εὔνοια φυλακτήριον ἀνδρὸσ ἄρχοντοσ, ὅταν γὰρ ἐθισθῶσιν οἵ τε πολλοὶ καὶ οἱ δυνατοὶ μὴ τὸν ἡγούμενον, ἀλλ’ ὑπὲρ τοῦ ἡγουμένου δεδιέναι, πολλοῖσ μὲν ὄμμασιν ὁρᾷ, διὰ πολλῶν δὲ ὤτων ἀκούει, καὶ προαισθάνεται τὰ γινόμενα.

. διὸ καὶ βούλομαι τὸν λόγον ἐπιστήσασ ἐνταῦθά που διεξελθεῖν περὶ τῆσ Ἀριστίππου διαίτησ, ἣν ἡ ζηλοτυπουμένη τυραννὶσ αὐτῷ καὶ ὁ τῆσ μακαρίασ καὶ περιβοήτου μοναρχίασ ὄγκοσ περιέθηκεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Aratus, chapter 25

(플루타르코스, Aratus, chapter 25)

상위

목록

SEARCH

MENU NAVIGATION