헬라어 문장 검색 - Παυσαν́Δεσξριπ́1́24́

(파우사니아스, Description of Greece, Ἀττικά, chapter 24)

ἐνταῦθα Ἀθηνᾶ πεποίηται τὸν Σιληνὸν Μαρσύαν παίουσα, ὅτι δὴ τοὺσ αὐλοὺσ ἀνέλοιτο, ἐρρῖφθαι σφᾶσ τῆσ θεοῦ βουλομένησ. ‐ τούτων πέραν, ὧν εἴρηκα, ἐστὶν ἡ λεγομένη Θησέωσ μάχη πρὸσ τὸν ταῦρον τὸν Μίνω καλούμενον, εἴτε ἀνὴρ εἴτε θηρίον ἦν ὁποῖον κεκράτηκεν ὁ λόγοσ· τέρατα γὰρ πολλῷ καὶ τοῦδε θαυμασιώτερα καὶ καθ’ ἡμᾶσ ἔτικτον γυναῖκεσ.

κεῖται δὲ καὶ Φρίξοσ ὁ Ἀθάμαντοσ ἐξενηνεγμένοσ ἐσ Κόλχουσ ὑπὸ τοῦ κριοῦ·

θύσασ δὲ αὐτὸν ὅτῳ δὴ θεῷ, ὡσ δὲ εἰκάσαι τῷ Λαφυστίῳ καλουμένῳ παρὰ Ὀρχομενίοισ, τοὺσ μηροὺσ κατὰ νόμον ἐκτεμὼν τὸν Ἑλλήνων ἐσ αὐτοὺσ καιομένουσ ὁρᾷ. κεῖνται δὲ ἑξῆσ ἄλλαι τε εἰκόνεσ καὶ Ἡρακλέουσ· ἄγχει δέ, ὡσ λόγοσ ἔχει, τοὺσ δράκοντασ. Ἀθηνᾶ τέ ἐστιν ἀνιοῦσα ἐκ τῆσ κεφαλῆσ τοῦ Διόσ. ἔστι δὲ καὶ ταῦροσ ἀνάθημα τῆσ βουλῆσ τῆσ ἐν Ἀρείῳ πάγῳ, ἐφ’ ὅτῳ δὴ ἀνέθηκεν ἡ βουλή· πολλὰ δ’ ἄν τισ ἐθέλων εἰκάζοι.

λέλεκται δέ μοι καὶ πρότερον ὡσ Ἀθηναίοισ περισσότερόν τι ἢ τοῖσ ἄλλοισ ἐσ τὰ θεῖά ἐστι σπουδῆσ· πρῶτοι μὲν γὰρ Ἀθηνᾶν ἐπωνόμασαν Ἐργάνην, πρῶτοι δ’ ἀκώλουσ Ἑρμᾶσ <ἀνέθεσαν>, ὁμοῦ δέ σφισιν ἐν τῷ ναῷ σπουδαίων δαίμων ἐστίν. ὅστισ δὲ τὰ σὺν τέχνῃ πεποιημένα ἐπίπροσθε τίθεται τῶν ἐσ ἀρχαιότητα ἡκόντων, καὶ τάδε ἔστιν οἱ θεάσασθαι. κράνοσ ἐστὶν ἐπικείμενοσ ἀνὴρ Κλεοίτου, καί οἱ τοὺσ ὄνυχασ ἀργυροῦσ ἐνεποίησεν ὁ Κλεοίτασ· ἔστι δὲ καὶ Γῆσ ἄγαλμα ἱκετευούσησ ὗσαί οἱ τὸν Δία, εἴτε αὐτοῖσ ὄμβρου δεῆσαν Ἀθηναίοισ εἴτε καὶ τοῖσ πᾶσιν Ἕλλησι συμβὰσ αὐχμόσ. ἐνταῦθα καὶ Τιμόθεοσ ὁ Κόνωνοσ καὶ αὐτὸσ κεῖται Κόνων· Πρόκνην δὲ τὰ ἐσ τὸν παῖδα βεβουλευμένην αὐτήν τε καὶ τὸν Ἴτυν ἀνέθηκεν Ἀλκαμένησ. πεποίηται δὲ καὶ τὸ φυτὸν τῆσ ἐλαίασ Ἀθηνᾶ καὶ κῦμα ἀναφαίνων Ποσειδῶν·

καὶ Διόσ ἐστιν ἄγαλμα τό τε Λεωχάρουσ καὶ ὁ ὀνομαζόμενοσ Πολιεύσ, ᾧ τὰ καθεστηκότα ἐσ τὴν θυσίαν γράφων τὴν ἐπ’ αὐτοῖσ λεγομένην αἰτίαν οὐ γράφω.

τοῦ Διὸσ τοῦ Πολιέωσ κριθὰσ καταθέντεσ ἐπὶ τὸν βωμὸν μεμιγμένασ πυροῖσ οὐδεμίαν ἔχουσι φυλακήν· ὁ βοῦσ δέ, ὃν ἐσ τὴν θυσίαν ἑτοιμάσαντεσ φυλάσσουσιν, ἅπτεται τῶν σπερμάτων φοιτῶν ἐπὶ τὸν βωμόν. καλοῦσι δέ τινα τῶν ἱερέων βουφόνον, <ὃσ κτείνασ τὸν βοῦν> καὶ ταύτῃ τὸν πέλεκυν ῥίψασ ‐ οὕτω γάρ ἐστίν οἱ νόμοσ ‐ οἴχεται φεύγων· οἱ δὲ ἅτε τὸν ἄνδρα ὃσ ἔδρασε τὸ ἔργον οὐκ εἰδότεσ, ἐσ δίκην ὑπάγουσι τὸν πέλεκυν. ταῦτα μὲν τρόπον τὸν εἰρημένον δρῶσιν·

ἐσ δὲ τὸν ναὸν ὃν Παρθενῶνα ὀνομάζουσιν, ἐσ τοῦτον ἐσιοῦσιν ὁπόσα ἐν τοῖσ καλουμένοισ ἀετοῖσ κεῖται, πάντα ἐσ τὴν Ἀθηνᾶσ ἔχει γένεσιν, τὰ δὲ ὄπισθεν ἡ Ποσειδῶνοσ πρὸσ Ἀθηνᾶν ἐστιν ἔρισ ὑπὲρ τῆσ γῆσ· αὐτὸ δὲ ἔκ τε ἐλέφαντοσ τὸ ἄγαλμα καὶ χρησμοῦ πεποίηται.

μέσῳ μὲν οὖν ἐπίκειταί οἱ τῷ κράνει Σφιγγὸσ εἰκών ‐ ἃ δὲ ἐσ τὴν Σφίγγα λέγεται, γράψω προελθόντοσ ἐσ τὰ Βοιώτιά μοι τοῦ λόγου ‐ , καθ’ ἑκάτερον δὲ τοῦ κράνουσ γρῦπέσ εἰσιν ἐπειργασμένοι. τούτουσ τοὺσ γρῦπασ ἐν τοῖσ ἔπεσιν Ἀριστέασ ὁ Προκοννήσιοσ μάχεσθαι περὶ τοῦ χρυσοῦ φησιν Ἀριμασποῖσ <τοῖσ> ὑπὲρ Ἰσσηδόνων·

τὸν δὲ χρυσόν, ὃν φυλάσσουσιν οἱ γρῦπεσ, ἀνιέναι τὴν γῆν· εἰκασμένα, πτερὰ δὲ ἔχειν καὶ στόμα ἀετοῦ.

καὶ γρυπῶν μὲν πέρι τοσαῦτα εἰρήσθω· τὸ δὲ ἄγαλμα τῆσ Ἀθηνᾶσ ὀρθόν ἐστιν ἐν χιτῶνι ποδήρει καί οἱ κατὰ τὸ στέρνον ἡ κεφαλὴ Μεδούσησ ἐλέφαντόσ ἐστιν ἐμπεποιημένη·

καὶ Νίκην τε ὅσον τεσσάρων πηχῶν, ἐν δὲ τῇ χειρί δόρυ ἔχει, καί οἱ πρὸσ τοῖσ ποσὶν ἀσπίσ τε κεῖται καὶ πλησίον τοῦ δόρατοσ δράκων ἐστίν· εἰή δ’ ἂν Ἐριχθόνιοσ οὗτοσ ὁ δράκων. ἔστι δὲ τῷ βάθρῳ τοῦ ἀγάλματοσ ἐπειργασμένη Πανδώρασ γένεσισ. πεποίηται δὲ Ἡσιόδῳ τε καὶ ἄλλοισ ὡσ ἡ Πανδώρα γένοιτο αὕτη γυνὴ πρώτη· πρὶν δὲ ἢ γενέσθαι Πανδώραν οὐκ ἦν πω γυναικῶν γένοσ. ἐνταῦθα εἰκόνα ἰδὼν οἶδα Ἀδριανοῦ βασιλέωσ μόνου, καὶ κατὰ τὴν ἔσοδον Ἰφικράτουσ ἀποδειξαμένου πολλά τε καὶ θαυμαστὰ ἔργα. τοῦ ναοῦ δέ ἐστι πέραν Ἀπόλλων χαλκοῦσ, καὶ τὸ ἄγαλμα λέγουσι Φειδίαν ποιῆσαι·

Παρνόπιον δὲ καλοῦσιν, ὅτι σφίσι παρνόπων βλαπτόντων τὴν γῆν ἀποτρέψειν ὁ θεὸσ εἶπεν ἐκ τῆσ χώρασ. καὶ ὅτι μὲν ἀπέτρεψεν ἴσασι, τρόπῳ δὲ οὐ λέγουσι ποίῳ. τρὶσ δὲ αὐτὸσ ἤδη πάρνοπασ ἐκ Σιπύλου τοῦ ὄρουσ οὐ κατὰ ταὐτὰ οἶδα φθαρέντασ, ἀλλὰ τοὺσ μὲν ἐξέωσε βίαιοσ ἐμπεσὼν ἄνεμοσ, τοὺσ δὲ ὕσαντοσ τοῦ θεοῦ καῦμα ἰσχυρὸν καθεῖλεν ἐπιλαβόν, οἱ δὲ αἰφνιδίῳ ῥίγει καταληφθέντεσ ἀπώλοντο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀττικά, chapter 24

(파우사니아스, Description of Greece, Ἀττικά, chapter 24)

상위

목록

SEARCH

MENU NAVIGATION