헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 5, chapter 54)

ἀδελφοὶ δύο Ταρκύνιοι, Πόπλιοσ καὶ Μάρκοσ, ἐκ Λαυρέντου πόλεωσ, κορυφαιότατοι τῶν μετασχόντων τῆσ συνωμοσίασ, ὑπὸ θείασ ἀνάγκησ βιαζόμενοι. ἐφίσταντο γὰρ αὐτοῖσ, ὅτε κοιμηθεῖεν, ὄψεισ ὀνείρων φοβεραὶ τιμωρίασ ἐπαπειλοῦσαι μεγάλασ, εἰ μὴ παύσαιντο καὶ ἀποσταῖεν τῆσ ἐπιθέσεωσ, διώκεσθαί τε ὑπὸ δαιμόνων τινῶν καὶ παίεσθαι καὶ τοὺσ ὀφθαλμοὺσ ἐξορύττεσθαι καὶ ἄλλα πολλὰ καὶ σχέτλια πάσχειν τελευτῶντεσ ἐδόκουν·

ὑφ’ ὧν περίφοβοι καὶ τρόμῳ παλλόμενοι διηγείροντο καὶ οὐδὲ καθεύδειν διὰ τὰ δείματα ταῦτ’ ἐδύναντο. κατ’ ἀρχὰσ μὲν οὖν ἀποτροπαίοισ τισὶ καὶ ἐξακεστηρίοισ θυσίαισ ἐπειρῶντο παραιτεῖσθαι τοὺσ ἐνισταμένουσ σφίσι δαίμονασ·

ὡσ δ’ οὐδὲν ἐπέραινον, ἐπὶ μαντείασ ἐτράποντο τὴν μὲν διάνοιαν τῆσ ἐπιχειρήσεωσ ἀπόρρητον φυλάττοντεσ, τοῦτο δὲ μόνον ἀξιοῦντεσ μαθεῖν, εἰ καιρὸσ ἤδη πράττειν, ἃ βούλονται. ἀποκριναμένου δὲ τοῦ μάντεωσ, ὅτι πονηρὰν καὶ ὀλέθριον βαδίζουσιν ὁδὸν καί, εἰ μὴ μεταθήσονται τὰ βουλεύματα, τὸν αἴσχιστον ἀπολοῦνται τρόπον, δείσαντεσ μὴ φθάσωσιν αὐτοὺσ ἕτεροι τὰ κρυπτὰ εἰσ φῶσ ἐξενέγκαντεσ, αὐτοὶ μηνυταὶ γίνονται πρὸσ τὸν ἐνδημοῦντα τῶν ὑπάτων.

ὁ δ’ ἐπαινέσασ αὐτοὺσ καὶ πολλὰ ὑποσχόμενοσ εὖ ποιήσειν, ἐὰν καὶ τὰ ἔργα ὅμοια τοῖσ λόγοισ ἐπιδείξωνται, τούτουσ μὲν ἔνδον παρ’ ἑαυτῷ κατεῖχεν οὐδενὶ φράσασ·

τοὺσ δὲ τῶν Λατίνων πρέσβεισ ἀναβαλλόμενοσ τέωσ καὶ παρέλκων τὴν ἀπόκρισιν τότε εἰσαγαγὼν εἰσ τὸ βουλευτήριον τὰ δόξαντα τοῖσ συνέδροισ ἀποκρίνεται πρὸσ αὐτούσ· ἄνδρεσ φίλοι τε καὶ συγγενεῖσ ἀπαγγέλλετε ἀπιόντεσ πρὸσ τὸ κοινὸν τῶν Λατίνων, ὅτι Ῥωμαίων ὁ δῆμοσ οὔτε πρότερον Ταρκυνιήταισ ἀξιοῦσιν ἐχαρίσατο τὴν τῶν τυράννων κάθοδον, οὔθ’ ὕστερον ἅπασι Τυρρηνοῖσ, οὓσ ἦγε βασιλεὺσ Πορσίνασ, ὑπὲρ τῶν αὐτῶν δεομένοισ καὶ πόλεμον ἐπάγουσιν ἁπάντων βαρύτατον ἐνέκλινεν, ἀλλ’ ἠνέσχετο γῆν τε κειρομένην ὁρῶν καὶ αὐλὰσ ἐμπιπραμένασ, τειχήρησ γενόμενοσ ὑπὲρ τῆσ ἐλευθερίασ καὶ τοῦ μηθὲν ὧν μὴ βούλεται πράττειν κελευσθείσ·

ὑμῶν τ’, ὦ Λατῖνοι, τεθαύμακεν, εἰ ταῦτ’ εἰδότεσ οὐδὲν ἧττον δέχεσθαι τοὺσ τυράννουσ καὶ τὴν Φιδήνησ πολιορκίαν λύειν ἐπιτάττοντεσ ἥκετε καὶ μὴ πειθομένοισ πόλεμον ἀπειλεῖτε.

παύσασθε δὴ ψυχρὰσ καὶ ἀπιθάνουσ τῆσ ἔχθρασ παραβαλλόμενοι προφάσεισ καὶ εἰ διὰ ταῦτα μέλλετε διαλύειν τὸ συγγενὲσ καὶ τὸν πόλεμον ἐπικυροῦν, μηθὲν ἔτι ἀναβάλλεσθε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 5, chapter 54

(디오니시오스, Antiquitates Romanae, Books IV-VI, book 5, chapter 54)

상위

목록

SEARCH

MENU NAVIGATION