헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 5, chapter 41)

ἐπεὶ δὲ παρεσκεύαστο ἅπαντα ἀμφοτέροισ, πρῶτον μὲν ἐξῆγον οἱ Σαβῖνοι τὰσ δυνάμεισ καὶ ποιοῦνται δύο παρεμβολὰσ μίαν μὲν ὕπαιθρον οὐ πρόσω Φιδήνησ, ἑτέραν δ’ ἐν αὐτῇ Φιδήνῃ φυλακῆσ τε τῶν ἔνδον ἕνεκα καὶ καταφυγῆσ τῶν ἔξω στρατοπεδευόντων, ἄν τι γένηται πταῖσμα περὶ αὐτούσ. δ’ ὀλίγον ἄπωθεν ἐπ’ ὄχθου τινόσ, ὅθεν ἦν ὁ ἕτεροσ χάραξ καταφανήσ.

ἡ μὲν οὖν τῶν Ῥωμαίων ὑπόληψισ ἦν , ὡσ ἐν ἀγῶνι φανερῷ τοῦ πολέμου ταχείαν ἕξοντοσ τὴν κρίσιν, ὁ δὲ τῶν Σαβίνων στρατηγὸσ ὀρρωδῶν ἐκ τοῦ φανεροῦ συμφέρεσθαι πρὸσ εὐτολμίαν τε καὶ καρτερίαν ἀνθρώπων ἅπαντα τὰ δεινὰ ὑπομένειν ἑτοίμων νύκτωρ ἐπιχειρεῖν αὐτοῖσ ἔγνω· καὶ παρασκευασάμενοσ τάφρου τε χώσει καὶ χάρακοσ ἐπιβάσει ἃ πρόσφορα εἶναι ἔμελλεν, ἐπειδὴ πάντα ἐγένετο τὰ πρὸσ τὸν ἀγῶνα εὐτρεπῆ, μετὰ τὸν πρῶτον ὕπνον ἀναστήσασ τὸ κράτιστον τοῦ στρατοῦ μέροσ ἄξειν ἐπὶ τὸ τῶν Ῥωμαίων ἔμελλεν ἔρυμα, τοῖσ τ’ ἐν Φιδήνῃ κατεστρατοπεδευκόσι παρήγγειλεν, ἐπειδὰν ἐξεληλυθότασ αἴσθωνται τοὺσ σφετέρουσ ἐξιέναι καὶ αὐτοὺσ ἐκ τῆσ πόλεωσ κούφῃ ἐσταλμένουσ ὁπλίσει·

ἔπειτα λοχήσαντασ ἐν χωρίοισ ἐπιτηδείοισ ἐκέλευσεν, εἴ τινεσ ἐπίκουροι τοῖσ περὶ τὸν Οὐαλέριον ἐκ τῆσ ἑτέρασ στρατιᾶσ ἐπίοιεν, ἀναστάντασ καὶ κατὰ νώτου γενομένουσ σὺν βοῇ τε καὶ πατάγῳ πολλῷ χωρεῖν ἐπ’ αὐτούσ.

ὁ μὲν δὴ Σέξτοσ ταῦτα βουλευσάμενοσ καὶ τοῖσ λοχαγοῖσ φράσασ, ἐπειδὴ κἀκείνοισ ἦν βουλομένοισ, περιέμεινε τὸν καιρόν·

αὐτόμολοσ δέ τισ ἐλθὼν εἰσ τὸν χάρακα τῶν Ῥωμαίων μηνύει τὴν διάνοιαν αὐτοῦ πρὸσ τὸν ὕπατον, καὶ μετ’ οὐ πολὺ τῶν ἱππέων τινὲσ ἧκον ἄγοντεσ αἰχμαλώτουσ τῶν Σαβίνων, οὓσ ἐπὶ ξυλισμὸν ἐξεληλυθότασ συνέλαβον. οὗτοι χωρὶσ ἀλλήλων ἀνακρινόμενοι, τί παρασκευάζεται·

πράττειν σφῶν ὁ στρατηγόσ, λέγουσιν, ὅτι κλίμακασ τεκταίνεται καὶ διαβάθρασ· ὅπου δ’ αὐταῖσ καὶ ὁπότε μέλλοι χρῆσθαι, οὐκ ἔφασαν εἰδέναι. ταῦτα μαθὼν ὁ Οὐαλέριοσ ἀποστέλλει τὸν πρεσβευτὴν Λάρκιον εἰσ τὸν ἕτερον χάρακα τήν τε διάνοιαν τῶν πολεμίων ἀπαγγελοῦντα τῷ κατέχοντι τὴν παρεμβολὴν ἐκείνην Λουκρητίῳ, καὶ τίνα χρὴ τρόπον ἐπιχειρεῖν τοῖσ πολεμίοισ ὑποθησόμενον·

αὐτὸσ δὲ τοὺσ ταξιάρχουσ καὶ λοχαγοὺσ καλέσασ καὶ φράσασ ὅσα τοῦ τ’ αὐτομόλου καὶ τῶν αἰχμαλώτων ἤκουσε καὶ παρακαλέσασ ἄνδρασ ἀγαθοὺσ εἶναι καιρὸν εἰληφέναι νομίσαντασ εὐχῆσ ἄξιον, ἐν ᾧ δίκασ λήψονται παρὰ τῶν ἐχθρῶν καλάσ, ἅ τε δέοι πράττειν ἑκάστοισ ὑποθέμενοσ καὶ τὸ σύνθημα δοὺσ ἀπέλυσεν ἐπὶ τὰσ τάξεισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 5, chapter 41

(디오니시오스, Antiquitates Romanae, Books IV-VI, book 5, chapter 41)

상위

목록

SEARCH

MENU NAVIGATION