헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 5, chapter 13)

μετὰ τοῦτ’ ἤδη μιᾷ γνώμῃ περὶ πάντων χρώμενοι τοὺσ μὲν ἐπὶ τῇ καθόδῳ τῶν φυγάδων συνομοσαμένουσ ἅπαντασ ἀπέκτειναν παραχρῆμα, καὶ τὸν μηνύσαντα τὴν συνωμοσίαν δοῦλον ἐλευθερίᾳ τε καὶ πολιτείασ μεταδόσει καὶ χρήμασι πολλοῖσ ἐτίμησαν. ἔπειτα τρία πολιτεύματα κάλλιστα καὶ συμφορώτατα τῷ κοινῷ καταστησάμενοι τούσ τ’ ἐν τῇ πόλει πάντασ ὁμονοεῖν παρεσκεύασαν καὶ τὰσ τῶν ἐχθρῶν ἑταιρίασ ἐμείωσαν.

ἦν δὲ τὰ πολιτεύματα τῶν ἀνδρῶν τοιάδε·

πρῶτον μὲν ἐκ τῶν δημοτικῶν τοὺσ κρατίστουσ ἐπιλέξαντεσ πατρικίουσ ἐποίησαν καὶ συνεπλήρωσαν ἐξ αὐτῶν τὴν βουλὴν τοὺσ τριακοσίουσ· ἔπειτα τὰσ οὐσίασ τῶν τυράννων εἰσ τὸ κοινὸν ἅπασι τοῖσ πολίταισ φέροντεσ ἔθεσαν, συγχωρήσαντεσ ὅσον λάβοι τισ ἐξ αὐτῶν ἔχειν· καὶ τὴν αὐτῶν γῆν ὅσην ἐκέκτηντο τοῖσ μηδένα κλῆρον ἔχουσι διένειμαν, ἓν μόνον ἐξελόμενοι πεδίον, ὃ κεῖται μεταξὺ τῆσ τε πόλεωσ καὶ τοῦ ποταμοῦ. τοῦτο δ’ Ἄρεοσ ὑπάρχειν ἱερὸν οἱ πρότερον ἐψηφίσαντο ἵπποισ τε λειμῶνα καὶ νέοισ ἀσκοῦσι τὰσ ἐνοπλίουσ μελέτασ γυμνάσιον ἐπιτηδειότατον· ὅτι δὲ καὶ πρότερον ἱερὸν ἦν τοῦδε τοῦ θεοῦ, Ταρκύνιοσ δὲ σφετερισάμενοσ ἔσπειρεν αὐτὸ μέγιστον ἡγοῦμαι τεκμήριον εἶναι τὸ πραχθὲν ὑπὸ τῶν ὑπάτων τότε περὶ τοὺσ ἐν αὐτῷ καρπούσ.

ἅπαντα γὰρ ἐπιτρέψαντεσ τῷ δήμῳ τὰ τῶν τυράννων ἄγειν τε καὶ φέρειν, τὸν ἐν τούτῳ γενόμενον τῷ πεδίῳ σῖτον τὸν μὲν ἐπὶ ταῖσ καλάμαισ, τὸν δ’ ἐπὶ ταῖσ ἔτι ἅλωσιν κείμενον καὶ τὸν ἤδη κατειργασμένον οὐκ ἐπέτρεψαν οὐδενὶ φέρειν, ἀλλ’ ὡσ ἐξάγιστόν τε καὶ οὐχ ὡσ ἐπιτήδειον εἰσ οἰκίασ εἰσενεχθῆναι, εἰσ τὸν ποταμὸν καταβαλεῖν ἐψηφίσαντο.

καὶ ἔστι νῦν μνημεῖον ἐμφανὲσ τοῦ ποτε ἔργου νῆσοσ εὐμεγέθησ Ἀσκληπιοῦ ἱερά, περίκλυστοσ ἐκ τοῦ ποταμοῦ, ἥν φασιν ἐκ τοῦ σωροῦ τῆσ καλάμησ σαπείσησ καὶ ἔτι καὶ τοῦ ποταμοῦ προσλιπαίνοντοσ αὐτῇ ἰλὺν γενέσθαι.

καὶ τοῖσ μετὰ τοῦ τυράννου πεφευγόσι Ῥωμαίων κάθοδον εἰσ τὴν πόλιν ἐπ’ ἀδείᾳ τε καὶ ἀμνηστίᾳ παντὸσ ἁμαρτήματοσ ἔδωκαν χρόνον ὁρίσαντεσ ἡμερῶν εἴκοσιν·

εἰ δὲ μὴ κατέλθοιεν ἐν ταύτῃ τῇ προθεσμίᾳ, τιμωρίασ αὐτοῖσ ὡρ́ισαν ἀιδίουσ φυγὰσ καὶ κτημάτων ὧν ἐκέκτηντο δημεύσεισ. ταῦτα τῶν ἀνδρῶν τὰ πολιτεύματα τοὺσ μὲν ἀπολαύσαντασ ἐκ τῆσ οὐσίασ τῶν τυράννων ὅτου δή τινοσ ὑπὲρ τοῦ μὴ ἀφαιρεθῆναι πάλιν ἃσ ἔσχον ὠφελείασ ἅπαντα κίνδυνον ἐποίησεν ὑπομένειν·

τοὺσ δὲ κατὰ δέοσ ὧν παρηνόμησαν ἐπὶ τῆσ τυραννίδοσ μὴ δίκην ἀναγκασθεῖεν ὑπέχειν φυγῆσ ἑαυτοῖσ τιμησαμένουσ, ἀπαλλαγέντασ τοῦ φόβου μηκέτι τὰ τῶν τυράννων, ἀλλὰ τὰ τῆσ πόλεωσ φρονεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 5, chapter 13

(디오니시오스, Antiquitates Romanae, Books IV-VI, book 5, chapter 13)

상위

목록

SEARCH

MENU NAVIGATION