헬라어 문장 검색 - Διοδορ́Βιβλιοτ́2́57́

(디오도로스 시켈로스, Bibliotheca Historica, book 2, chapter 56)

ἤδη δ’ αὐτῶν ἐγγιζόντων τῇ νήσῳ τῶν ἐγχωρίων τινὰσ ἀπαντήσαντασ καταγαγεῖν τὸ σκάφοσ· τοὺσ δὲ κατὰ τὴν νῆσον συνδραμόντασ θαυμάζειν μὲν τὸν τῶν ξένων κατάπλουν, προσενεχθῆναι δὲ αὐτοῖσ ἐπιεικῶσ καὶ μεταδιδόναι τῶν παρ’ αὐτοῖσ χρησίμων. εἶναι δὲ τοὺσ τὴν νῆσον οἰκοῦντασ ταῖσ τε τῶν σωμάτων ἰδιότησι καὶ ταῖσ ἀγωγαῖσ πολὺ διαλλάττοντασ τῶν κατὰ τὴν ἡμετέραν οἰκουμένην·

πάντασ μὲν γὰρ παραπλησίουσ εἶναι τοῖσ ἀναπλάσμασι τῶν σωμάτων, καὶ κατὰ τὸ μέγεθοσ ὑπεράγειν τοὺσ τέτταρασ πήχεισ, τὰ δὲ ὀστᾶ τοῦ σώματοσ ἔχειν ἐπὶ ποσὸν καμπτόμενα καὶ πάλιν ἀποκαθιστάμενα παραπλησίωσ τοῖσ νευρώδεσι τόποισ. εἶναι δὲ τοῖσ σώμασιν ἁπαλοὺσ μὲν καθ’ ὑπερβολήν, εὐτονωτέρουσ δὲ πολὺ τῶν παρ’ ἡμῖν·

δραξαμένων γὰρ αὐτῶν ταῖσ χερσὶν ὁδηποτοῦν μηδένα δύνασθαι τὸ τοῖσ δακτύλοισ περιληφθὲν ἐκτρέψαι. τρίχασ δ’ ἁπλῶσ μηδαμῇ τοῦ σώματοσ ἔχειν πλὴν ἐν τῇ κεφαλῇ καὶ ὀφρύσι καὶ βλεφάροισ, ἔτι δὲ καὶ πώγωνι, τὰ δὲ ἄλλα μέρη τοῦ σώματοσ οὕτω λεῖα ὥστε μηδὲ τὸν ἐλάχιστον χνοῦν ἐν τῷ σώματι φαίνεσθαι. εἶναι δὲ καὶ τῷ κάλλει διαπρεπεῖσ καὶ ταῖσ ἄλλαισ περιγραφαῖσ τοῦ σώματοσ εὐρύθμουσ.

καὶ τὰ μὲν τῆσ ἀκοῆσ τρήματα πολὺ τῶν παρ’ ἡμῖν ἔχειν εὐρυχωρέστερα, καὶ καθάπερ ἐπιγλωττίδασ αὐτοῖσ ἐκπεφυκέναι. ἴδιον δέ τι καὶ περὶ τὴν γλῶτταν αὐτοὺσ ἔχειν, τὸ μὲν φυσικῶσ αὐτοῖσ συγγεγενημένον, τὸ δ’ ἐξ ἐπινοίασ φιλοτεχνούμενον·

δίπτυχον μὲν γὰρ αὐτοὺσ ἔχειν τὴν γλῶτταν ἐπὶ ποσόν, τὰ δ’ ἐνδοτέρω προσδιαιρεῖν, ὥστε διπλῆν αὐτὴν γίνεσθαι μέχρι τῆσ ῥίζησ. διὸ καὶ ποικιλωτάτουσ αὐτοὺσ εἶναι ταῖσ φωναῖσ οὐ μόνον πᾶσαν ἀνθρωπίνην καὶ διηρθρωμένην διάλεκτον μιμουμένουσ, ἀλλὰ καὶ τὰσ τῶν ὀρνέων πολυφωνίασ, καὶ καθόλου πᾶσαν ἤχου ἰδιότητα προϊέσθαι·

τὸ δὲ πάντων παραδοξότατον, ἅμα πρὸσ δύο τῶν ἐντυγχανόντων λαλεῖν ἐντελῶσ, ἀποκρινομένουσ τε καὶ ταῖσ ὑποκειμέναισ περιστάσεσιν οἰκείωσ ὁμιλοῦντασ· τῇ μὲν γὰρ ἑτέρᾳ πτυχὶ πρὸσ τὸν ἕνα, τῇ δ’ ἄλλῃ πάλιν ὁμοίωσ πρὸσ τὸν ἕτερον διαλέγεσθαι. εὐκρατότατον δ’ εἶναι τὸν ἀέρα παρ’ αὐτοῖσ, ὡσ ἂν κατὰ τὸν ἰσημερινὸν οἰκοῦντασ, καὶ μήθ’ ὑπὸ καύματοσ μήθ’ ὑπὸ ψύχουσ ἐνοχλουμένουσ.

καὶ τὰσ ὀπώρασ δὲ παρ’ αὐτοῖσ παρ’ ὅλον τὸν ἐνιαυτὸν ἀκμάζειν, ὥσπερ καὶ ὁ ποιητήσ φησιν ὄχνη ἐπ’ ὄχνῃ γηράσκει, μῆλον δ’ ἐπὶ μήλῳ, αὐτὰρ ἐπὶ σταφυλῇ σταφυλή, σῦκον δ’ ἐπὶ σύκῳ. εἶναι δὲ διὰ παντὸσ παρ’ αὐτοῖσ τὴν ἡμέραν ἴσην τῇ νυκτί, καὶ κατὰ τὸ μέσον τῆσ ἡμέρασ μὴ γίνεσθαι παρ’ αὐτοῖσ σκιὰν μηδενὸσ διὰ τὸ κατὰ κορυφὴν εἶναι τὸν ἥλιον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 56

(디오도로스 시켈로스, Bibliotheca Historica, book 2, chapter 56)

상위

목록

SEARCH

MENU NAVIGATION