헬라어 문장 검색 - Διοδορ́Βιβλιοτ́2́52́

(디오도로스 시켈로스, Bibliotheca Historica, book 2, chapter 51)

αἱ δὲ καλούμεναι καμηλοπαρδάλεισ τὴν μίξιν ἀμφοτέρων ἔχουσι τῶν ἐν τῇ προσηγορίᾳ περιειλημμένων ζῴων. τῷ μὲν γὰρ μεγέθει μικρότεραι τῶν καμήλων εἰσὶ καὶ βραχυτραχηλότεραι, τὴν δὲ κεφαλὴν καὶ τὴν τῶν ὀμμάτων διάθεσιν παρδάλει παρεμφερεῖσ διατετύπωνται· τὸ δὲ κατὰ τὴν ῥάχιν κύρτωμα παρεμφερὲσ ἔχουσαι καμήλῳ, τῷ χρώματι καὶ τῇ τριχώσει παρδάλεσιν ἐοίκασιν· ὁμοίωσ δὲ καὶ τὴν οὐρὰν μακρὰν ἔχουσαι τὴν τοῦ θηρίου φύσιν ἀποτυποῦνται. γίνονται δὲ καὶ τραγέλαφοι καὶ βούβαλοι καὶ ἄλλα πλείω γένη δίμορφα ζῴων καὶ τὴν σύνθεσιν ἐκ τῶν πλεῖστον τὴν φύσιν κεχωρισμένων ἔχοντα, περὶ ὧν τὰ κατὰ μέροσ μακρὸν ἂν εἰή γράφειν.

δοκεῖ γὰρ ἡ συνεγγίζουσα χώρα τῇ μεσημβρίᾳ τὴν ἀφ’ ἡλίου δύναμιν ζωτικωτάτην οὖσαν πολλὴν ἐμπνεῖσθαι, καὶ διὰ τοῦτο πολλῶν καὶ ποικίλων, ἔτι δὲ καλῶν ζῴων φύσεισ γεννᾶν.

διὰ δὲ τὰσ αὐτὰσ αἰτίασ κατὰ μὲν τὴν Αἴγυπτον τούσ τε κροκοδείλουσ φύεσθαι καὶ τοὺσ ποταμίουσ ἵππουσ, κατὰ δὲ τὴν Αἰθιοπίαν καὶ τὴν τῆσ Λιβύησ ἔρημον ἐλεφάντων τε πλῆθοσ καὶ παντοδαπῶν ὄφεών τε καὶ τῶν ἄλλων θηρίων καὶ δρακόντων ἐξηλλαγμένων τοῖσ τε μεγέθεσι καὶ ταῖσ ἀλκαῖσ, ὁμοίωσ δὲ καὶ τοὺσ περὶ τὴν Ἰνδικὴν ἐλέφαντασ, ὑπερβάλλοντασ τοῖσ τε ὄγκοισ καὶ πλήθεσιν, ἔτι δὲ ταῖσ ἀλκαῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 51

(디오도로스 시켈로스, Bibliotheca Historica, book 2, chapter 51)

상위

목록

SEARCH

MENU NAVIGATION