헬라어 문장 검색 - Διοδορ́Βιβλιοτ́2́51́

(디오도로스 시켈로스, Bibliotheca Historica, book 2, chapter 50)

μεταλλεύεται δὲ κατὰ τὴν Ἀραβίαν καὶ ὁ προσαγορευόμενοσ ἄπυροσ χρυσόσ, οὐχ ὥσπερ παρὰ τοῖσ ἄλλοισ ἐκ ψηγμάτων καθεψόμενοσ, ἀλλ’ εὐθὺσ ὀρυττόμενοσ εὑρίσκεται τὸ μέγεθοσ καρύοισ κασταναϊκοῖσ παραπλήσιοσ, τὴν δὲ χρόαν οὕτω φλογώδησ ὥστε τοὺσ ἐντιμοτάτουσ λίθουσ ὑπὸ τῶν τεχνιτῶν ἐνδεθέντασ ποιεῖν τὰ κάλλιστα τῶν κοσμημάτων. θρεμμάτων τε παντοδαπῶν τοσοῦτο κατ’ αὐτὴν ὑπάρχει πλῆθοσ ὥστε ἔθνη πολλὰ νομάδα βίον ᾑρημένα δύνασθαι καλῶσ διατρέφεσθαι, σίτου μὲν μὴ προσδεόμενα, τῇ δ’ ἀπὸ τούτων δαψιλείᾳ χορηγούμενα.

θηρίων τε πλῆθοσ ἀλκίμων ἡ προσορίζουσα τῇ Συρίᾳ τρέφει· καὶ γὰρ λέοντασ καὶ παρδάλεισ ἐν αὐτῇ πολλῷ πλείονασ καὶ μείζουσ καὶ ταῖσ ἀλκαῖσ διαφόρουσ πεφυκέναι ἤπερ ἐν τῇ Λιβύῃ συμβέβηκε· πρὸσ δὲ τούτοισ οἱ καλούμενοι Βαβυλώνιοι τίγρεισ. φέρει δὲ καὶ ζῷα διφυῆ καὶ μεμιγμένα ταῖσ ἰδέαισ, ὧν αἱ μὲν ὀνομαζόμεναι στρουθοκάμηλοι περιειλήφασι τοῖσ τύποισ μίγματα χηνῶν καὶ καμήλων ἀκολούθωσ τῇ προσηγορίᾳ.

τὸ μὲν γὰρ μέγεθοσ ἔχουσι νεογενεῖ καμήλῳ παραπλήσιον, τὰσ δὲ κεφαλὰσ πεφρικυίασ θριξὶ λεπταῖσ, τοὺσ δ’ ὀφθαλμοὺσ μεγάλουσ καὶ κατὰ τὴν χρόαν μέλανασ, ἀπαραλλάκτουσ κατὰ τὸν τύπον καὶ τὸ χρῶμα τοῖσ τῶν καμήλων. μακροτράχηλον δ’ ὑπάρχον ῥύγχοσ ἔχει βραχὺ παντελῶσ καὶ εἰσ ὀξὺ συνηγμένον.

ἐπτέρωται δὲ ταρσοῖσ μαλακοῖσ τετριχωμένοισ, καὶ δυσὶ σκέλεσι στηριζόμενον καὶ ποσὶ διχήλοισ χερσαῖον ἅμα φαίνεται καὶ πτηνόν. διὰ δὲ τὸ βάροσ οὐ δυνάμενον ἐξᾶραι καὶ πέτεσθαι κατὰ τῆσ γῆσ ὠκέωσ ἀκροβατεῖ, καὶ διωκόμενον ὑπὸ τῶν ἱππέων τοῖσ ποσὶ τοὺσ ὑποπίπτοντασ λίθουσ οὕτωσ εὐτόνωσ ἀποσφενδονᾷ πρὸσ τοὺσ διώκοντασ ὥστε πολλάκισ καρτεραῖσ πληγαῖσ αὐτοὺσ περιπίπτειν.

ἐπειδὰν δὲ περικατάληπτον ᾖ, τὴν κεφαλὴν εἴσ τινα θάμνον ἢ τοιαύτην σκέπην ἀποκρύπτεται, οὐχ, ὡσ οἰόνταί τινεσ, ἀφροσύνῃ καὶ νωθρότητι ψυχῆσ διὰ τὸ μὴ βλέπειν ἑτέρουσ μηδ’ αὐτὸ βλέπεσθαι διαλαμβάνον ὑφ’ ἑτέρων, ἀλλὰ διὰ τὸ τοῦ σώματοσ ἔχειν τοῦτο τὸ μέροσ ἀσθενέστατον σκέπην αὑτῷ πρὸσ σωτηρίαν περιποιεῖ·

ἀγαθὴ γὰρ ἡ φύσισ διδάσκαλοσ ἅπασι τοῖσ ζῴοισ πρὸσ διατήρησιν οὐ μόνον ἑαυτῶν, ἀλλὰ καὶ τῶν γεννωμένων, διὰ τῆσ συγγενοῦσ φιλοζωίασ τὰσ διαδοχὰσ εἰσ ἀΐδιον ἄγουσα διαμονῆσ κύκλον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 50

(디오도로스 시켈로스, Bibliotheca Historica, book 2, chapter 50)

상위

목록

SEARCH

MENU NAVIGATION