헬라어 문장 검색 - Διοδορ́Βιβλιοτ́2́48́

(디오도로스 시켈로스, Bibliotheca Historica, book 2, chapter 47)

ἡμεῖσ δ’ ἐπεὶ τὰ πρὸσ ἄρκτουσ κεκλιμένα μέρη τῆσ Ἀσίασ ἠξιώσαμεν ἀναγραφῆσ, οὐκ ἀνοίκειον εἶναι νομίζομεν τὰ περὶ τῶν Ὑπερβορέων μυθολογούμενα διελθεῖν. τῶν γὰρ τὰσ παλαιὰσ μυθολογίασ ἀναγεγραφότων Ἑκαταῖοσ καί τινεσ ἕτεροί φασιν ἐν τοῖσ ἀντιπέρασ τῆσ Κελτικῆσ τόποισ κατὰ τὸν ὠκεανὸν εἶναι νῆσον οὐκ ἐλάττω τῆσ Σικελίασ. ταύτην ὑπάρχειν μὲν κατὰ τὰσ ἄρκτουσ, κατοικεῖσθαι δὲ ὑπὸ τῶν ὀνομαζομένων Ὑπερβορέων ἀπὸ τοῦ πορρωτέρω κεῖσθαι τῆσ βορείου πνοῆσ· οὖσαν δ’ αὐτὴν εὔγειόν τε καὶ πάμφορον, ἔτι δ’ εὐκρασίᾳ διαφέρουσαν, διττοὺσ κατ’ ἔτοσ ἐκφέρειν καρπούσ. μυθολογοῦσι δ’ ἐν αὐτῇ τὴν Λητὼ γεγονέναι·

διὸ καὶ τὸν Ἀπόλλω μάλιστα τῶν ἄλλων θεῶν παρ’ αὐτοῖσ τιμᾶσθαι· εἶναι δ’ αὐτοὺσ ὥσπερ ἱερεῖσ τινασ Ἀπόλλωνοσ διὰ τὸ τὸν θεὸν τοῦτον καθ’ ἡμέραν ὑπ’ αὐτῶν ὑμνεῖσθαι μετ’ ᾠδῆσ συνεχῶσ καὶ τιμᾶσθαι διαφερόντωσ. ὑπάρχειν δὲ καὶ κατὰ τὴν νῆσον τέμενόσ τε Ἀπόλλωνοσ μεγαλοπρεπὲσ καὶ ναὸν ἀξιόλογον ἀναθήμασι πολλοῖσ κεκοσμημένον, σφαιροειδῆ τῷ σχήματι. καὶ πόλιν μὲν ὑπάρχειν ἱερὰν τοῦ θεοῦ τούτου, τῶν δὲ κατοικούντων αὐτὴν τοὺσ πλείστουσ εἶναι κιθαριστάσ, καὶ συνεχῶσ ἐν τῷ ναῷ κιθαρίζοντασ ὕμνουσ λέγειν τῷ θεῷ μετ’ ᾠδῆσ, ἀποσεμνύνοντασ αὐτοῦ τὰσ πράξεισ.

ἔχειν δὲ τοὺσ Ὑπερβορέουσ ἰδίαν τινὰ διάλεκτον, καὶ πρὸσ τοὺσ Ἕλληνασ οἰκειότατα διακεῖσθαι, καὶ μάλιστα πρὸσ τοὺσ Ἀθηναίουσ καὶ Δηλίουσ, ἐκ παλαιῶν χρόνων παρειληφότασ τὴν εὔνοιαν ταύτην.

καὶ τῶν Ἑλλήνων τινὰσ μυθολογοῦσι παραβαλεῖν εἰσ Ὑπερβορέουσ, καὶ ἀναθήματα πολυτελῆ καταλιπεῖν γράμμασιν Ἑλληνικοῖσ ἐπιγεγραμμένα. ὡσαύτωσ δὲ καὶ ἐκ τῶν Ὑπερβορέων Ἄβαριν εἰσ τὴν Ἑλλάδα καταντήσαντα τὸ παλαιὸν ἀνασῶσαι τὴν πρὸσ Δηλίουσ εὔνοιάν τε καὶ συγγένειαν.

φασὶ δὲ καὶ τὴν σελήνην ἐκ ταύτησ τῆσ νήσου φαίνεσθαι παντελῶσ ὀλίγον ἀπέχουσαν τῆσ γῆσ καί τινασ ἐξοχὰσ γεώδεισ ἔχουσαν ἐν αὐτῇ φανεράσ. λέγεται δὲ καὶ τὸν θεὸν δἰ ἐτῶν ἐννεακαίδεκα καταντᾶν εἰσ τὴν νῆσον, ἐν οἷσ αἱ τῶν ἄστρων ἀποκαταστάσεισ ἐπὶ τέλοσ ἄγονται·

καὶ διὰ τοῦτο τὸν ἐννεακαιδεκαετῆ χρόνον ὑπὸ τῶν Ἑλλήνων Μέτωνοσ ἐνιαυτὸν ὀνομάζεσθαι. κατὰ δὲ τὴν ἐπιφάνειαν ταύτην τὸν θεὸν κιθαρίζειν τε καὶ χορεύειν συνεχῶσ τὰσ νύκτασ ἀπὸ ἰσημερίασ ἐαρινῆσ ἑώσ πλειάδοσ ἀνατολῆσ ἐπὶ τοῖσ ἰδίοισ εὐημερήμασι τερπόμενον.

βασιλεύειν δὲ τῆσ πόλεωσ ταύτησ καὶ τοῦ τεμένουσ ἐπάρχειν τοὺσ ὀνομαζομένουσ Βορεάδασ, ἀπογόνουσ ὄντασ Βορέου, καὶ κατὰ γένοσ ἀεὶ διαδέχεσθαι τὰσ ἀρχάσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 47

(디오도로스 시켈로스, Bibliotheca Historica, book 2, chapter 47)

상위

목록

SEARCH

MENU NAVIGATION