헬라어 문장 검색 - Διοδορ́Βιβλιοτ́2́35́

(디오도로스 시켈로스, Bibliotheca Historica, book 2, chapter 34)

τῶν δὲ Μήδων βασιλεῦσαι μετὰ τὴν Ἀρταίου τελευτὴν Ἀρτύνην μὲν ἔτη δύο πρὸσ τοῖσ εἴκοσι, Ἀστιβάραν δὲ τετταράκοντα. ἐπὶ δὲ τούτου Πάρθουσ ἀποστάντασ Μήδων Σάκαισ τήν τε χώραν καὶ τὴν πόλιν ἐγχειρίσαι· διόπερ συστάντοσ πολέμου τοῖσ Σάκαισ πρὸσ Μήδουσ ἐπ’ ἔτη πλείω γενέσθαι τε μάχασ οὐκ ὀλίγασ καὶ συχνῶν παρ’ ἀμφοτέροισ ἀναιρεθέντων τὸ τελευταῖον εἰρήνην αὐτοὺσ ἐπὶ τοῖσδε συνθέσθαι, Πάρθουσ μὲν ὑπὸ Μήδουσ τετάχθαι, τῶν δὲ προϋπαρχόντων ἑκατέρουσ κυριεύσαντασ φίλουσ εἶναι καὶ συμμάχουσ ἀλήλοισ εἰσ τὸν ἅπαντα χρόνον.

βασιλεῦσαι δὲ τότε τῶν Σακῶν γυναῖκα τὰ κατὰ πόλεμον ἐζηλωκυῖαν καὶ τόλμῃ τε καὶ πράξει πολὺ διαφέρουσαν τῶν ἐν Σάκαισ γυναικῶν, ὄνομα Ζαρίναν.

καθόλου μὲν οὖν τὸ ἔθνοσ τοῦτο γυναῖκασ ἀλκίμουσ ἔχειν καὶ κοινωνούσασ τοῖσ ἀνδράσι τῶν ἐν τοῖσ πολέμοισ κινδύνων, ταύτην δὲ λέγεται τῷ τε κάλλει γενέσθαι πασῶν ἐκπρεπεστάτην καὶ ταῖσ ἐπιβολαῖσ καὶ τοῖσ κατὰ μέροσ ἐγχειρήμασι θαυμαστήν. τῶν μὲν γὰρ πλησιοχώρων βαρβάρων τοὺσ ἐπηρμένουσ τῷ θράσει καὶ καταδουλουμένουσ τὸ ἔθνοσ τῶν Σακῶν καταπολεμῆσαι, τῆσ δὲ χώρασ πολλὴν ἐξημερῶσαι, καὶ πόλεισ οὐκ ὀλίγασ κτίσαι, καὶ τὸ σύνολον εὐδαιμονέστερον τὸν βίον τῶν ὁμοεθνῶν ποιῆσαι.

διὸ καὶ τοὺσ ἐγχωρίουσ μετὰ τὴν τελευτὴν αὐτῆσ χάριν ἀποδιδόντασ τῶν εὐεργεσιῶν καὶ τῆσ ἀρετῆσ μνημονεύοντασ τάφον οἰκοδομῆσαι πολὺ τῶν ὄντων παρ’ αὐτοῖσ ὑπερέχοντα·

ὑποστησαμένουσ γὰρ πυραμίδα τρίγωνον τριῶν μὲν σταδίων ἑκάστην πλευρὰν αὐτῆσ κατασκευάσαι τὸ μῆκοσ, τὸ δ’ ὕψοσ σταδιαῖον, εἰσ ὀξὺ συνηγμένησ τῆσ κορυφῆσ· ἐπιστῆσαι δὲ τῷ τάφῳ καὶ χρυσῆν εἰκόνα κολοττικήν, καὶ τιμὰσ ἡρωικὰσ ἀπονεῖμαι, καὶ τἄλλα πάντα μεγαλοπρεπέστερα ποιεῖν τῶν τοῖσ προγόνοισ αὐτῆσ συγχωρηθέντων. Ἀστιβάρα δὲ τοῦ βασιλέωσ τῶν Μήδων ἐν Ἐκβατάνοισ γήρᾳ τελευτήσαντοσ τὴν ἀρχὴν Ἀσπάνδαν τὸν υἱὸν διαδέξασθαι, τὸν ὑπὸ τῶν Ἑλλήνων Ἀστυάγην καλούμενον.

τούτου δ’ ὑπὸ Κύρου τοῦ Πέρσου καταπολεμηθέντοσ μεταπεσεῖν τὴν βασιλείαν εἰσ Πέρσασ, περὶ ὧν ἡμεῖσ τὰ κατὰ μέροσ ἐν τοῖσ ἰδίοισ χρόνοισ ἀκριβῶσ ἀναγράψομεν. περὶ μὲν οὖν τῆσ Ἀσσυρίων καὶ Μήδων βασιλείασ καὶ τῆσ τῶν συγγραφέων διαφωνίασ ἱκανῶσ εἰρῆσθαι νομίζομεν·

περὶ δὲ τῆσ Ἰνδικῆσ καὶ τῶν ἐν αὐτῇ μυθολογουμένων ἐν μέρει διέξιμεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 34

(디오도로스 시켈로스, Bibliotheca Historica, book 2, chapter 34)

상위

목록

SEARCH

MENU NAVIGATION