헬라어 문장 검색 - Διοδορ́Βιβλιοτ́2́22́

(디오도로스 시켈로스, Bibliotheca Historica, book 2, chapter 21)

μετὰ δὲ τὸν ταύτησ θάνατον Νινύασ ὁ Νίνου καὶ Σεμιράμιδοσ υἱὸσ παραλαβὼν τὴν ἀρχὴν ἦρχεν εἰρηνικῶσ, τὸ φιλοπόλεμον καὶ κεκινδυνευμένον τῆσ μητρὸσ οὐδαμῶσ ζηλώσασ. πρῶτον μὲν γὰρ ἐν τοῖσ βασιλείοισ τὸν ἅπαντα χρόνον διέτριβεν, ὑπ’ οὐδενὸσ ὁρώμενοσ πλὴν τῶν παλλακίδων καὶ τῶν περὶ αὐτὸν εὐνούχων, ἐζήλου δὲ τρυφὴν καὶ ῥᾳθυμίαν καὶ τὸ μηδέποτε κακοπαθεῖν μηδὲ μεριμνᾶν, ὑπολαμβάνων βασιλείασ εὐδαίμονοσ εἶναι τέλοσ τὸ πάσαισ χρῆσθαι ταῖσ ἡδοναῖσ ἀνεπικωλύτωσ.

πρὸσ δὲ τὴν ἀσφάλειαν τῆσ ἀρχῆσ καὶ τὸν κατὰ τῶν ἀρχομένων γινόμενον φόβον κατ’ ἐνιαυτὸν μετεπέμπετο στρατιωτῶν ἀριθμὸν ὡρισμένον καὶ στρατηγὸν ἀπὸ ἔθνουσ ἑκάστου, καὶ τὸ μὲν ἐκ πάντων ἀθροισθὲν στράτευμα ἐκτὸσ τῆσ πόλεωσ συνεῖχεν, ἑκάστου τῶν ἐθνῶν τὸν εὐνούστατον τῶν περὶ αὑτὸν ἀποδεικνύων ἡγεμόνα·

τοῦ δ’ ἐνιαυτοῦ διελθόντοσ μετεπέμπετο πάλιν ἀπὸ τῶν ἐθνῶν τοὺσ ἴσουσ στρατιώτασ, καὶ τοὺσ προτέρουσ ἀπέλυεν εἰσ τὰσ πατρίδασ.

οὗ συντελουμένου συνέβαινε τοὺσ ὑπὸ τὴν βασιλείαν τεταγμένουσ ἅπαντασ καταπεπλῆχθαι, θεωροῦντασ ἀεὶ μεγάλασ δυνάμεισ ἐν ὑπαίθρῳ στρατοπεδευομένασ καὶ τοῖσ ἀφισταμένοισ ἢ μὴ πειθαρχοῦσιν ἑτοίμην οὖσαν τιμωρίαν.

τὰσ δὲ κατ’ ἐνιαυτὸν ἀλλαγὰσ τῶν στρατιωτῶν ἐπενόησεν, ἵνα πρὶν ἢ καλῶσ γνωσθῆναι τοὺσ στρατηγοὺσ καὶ τοὺσ ἄλλουσ ἅπαντασ ὑπ’ ἀλλήλων, ἕκαστοσ εἰσ τὴν ἰδίαν διαχωρίζηται πατρίδα·

ὁ γὰρ πολὺσ χρόνοσ τῆσ στρατείασ ἐμπειρίαν τε τῶν κατὰ τὸν πόλεμον καὶ φρόνημα τοῖσ ἡγεμόσι περιτίθησι, καὶ τὸ πλεῖστον ἀφορμὰσ παρέχεται μεγάλασ πρὸσ ἀπόστασιν καὶ συνωμοσίαν κατὰ τῶν ἡγουμένων. τὸ δὲ μηδ’ ὑφ’ ἑνὸσ τῶν ἔξωθεν θεωρεῖσθαι τῆσ μὲν περὶ αὐτὸν τρυφῆσ ἄγνοιαν παρείχετο πᾶσι, καθάπερ δὲ θεὸν ἀόρατον διὰ τὸν φόβον ἕκαστοσ οὐδὲ λόγῳ βλασφημεῖν ἐτόλμα.

στρατηγοὺσ δὲ καὶ σατράπασ καὶ διοικητάσ, ἔτι δὲ δικαστὰσ καθ’ ἕκαστον ἔθνοσ ἀποδείξασ καὶ τἄλλα πάντα διατάξασ ὥσ ποτ’ ἔδοξεν αὐτῷ συμφέρειν, τὸν τοῦ ζῆν χρόνον κατέμεινεν ἐν τῇ Νίνῳ. παραπλησίωσ δὲ τούτῳ καὶ οἱ λοιποὶ βασιλεῖσ, παῖσ παρὰ πατρὸσ διαδεχόμενοσ τὴν ἀρχήν, ἐπὶ γενεὰσ τριάκοντα ἐβασίλευσαν μέχρι Σαρδαναπάλλου·

ἐπὶ τούτου γὰρ ἡ τῶν Ἀσσυρίων ἡγεμονία μετέπεσεν εἰσ Μήδουσ, ἔτη διαμείνασα πλείω τῶν χιλίων καὶ τριακοσίων , καθάπερ φησὶ Κτησίασ ὁ Κνίδιοσ ἐν τῇ δευτέρᾳ βίβλῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 21

(디오도로스 시켈로스, Bibliotheca Historica, book 2, chapter 21)

상위

목록

SEARCH

MENU NAVIGATION