헬라어 문장 검색 - Διοδορ́Βιβλιοτ́2́21́

(디오도로스 시켈로스, Bibliotheca Historica, book 2, chapter 20)

μετὰ δέ τινα χρόνον ὑπὸ Νινύου τοῦ οἱοῦ δι’ εὐνούχου τινὸσ ἐπιβουλευθεῖσα, καὶ τὸ παρ’ Ἄμμωνοσ λόγιον ἀνανεωσαμένη, τὸν ἐπιβουλεύσαντα κακὸν οὐδὲν εἰργάσατο, τοὐναντίον δὲ τὴν βασιλείαν αὐτῷ παραδοῦσα καὶ τοῖσ ὑπάρχοισ ἀκούειν ἐκείνου προστάξασα, ταχέωσ ἠφάνισεν ἑαυτήν, ὡσ εἰσ θεοὺσ κατὰ τὸν χρησμὸν μεταστησομένη. ἔνιοι δὲ μυθολογοῦντέσ φασιν αὐτὴν γενέσθαι περιστεράν, καὶ πολλῶν ὀρνέων εἰσ τὴν οἰκίαν καταπετασθέντων μετ’ ἐκείνων ἐκπετασθῆναι·

διὸ καὶ τοὺσ Ἀσσυρίουσ τὴν περιστερὰν τιμᾶν ὡσ θεόν, ἀπαθανατίζοντασ τὴν Σεμίραμιν. αὕτη μὲν οὖν βασιλεύσασα τῆσ Ἀσίασ ἁπάσησ πλὴν Ἰνδῶν ἐτελεύτησε τὸν προειρημένον τρόπον, βιώσασα μὲν ἔτη ἑξήκοντα δύο, βασιλεύσασα δὲ δύο πρὸσ τοῖσ τετταράκοντα. Κτησίασ μὲν οὖν ὁ Κνίδιοσ περὶ Σεμιράμιδοσ τοιαῦθ’ ἱστόρηκεν·

Ἀθήναιοσ δὲ καί τινεσ τῶν ἄλλων συγγραφέων φασὶν αὐτὴν ἑταίραν γεγονέναι εὐπρεπῆ, καὶ διὰ τὸ κάλλοσ ἐρωτικῶσ ἔχειν αὐτῆσ τὸν βασιλέα τῶν Ἀσσυρίων. τὸ μὲν οὖν πρῶτον μετρίασ αὐτὴν ἀποδοχῆσ τυγχάνειν ἐν τοῖσ βασιλείοισ, μετὰ δὲ ταῦτα γνησίαν ἀναγορευθεῖσαν γυναῖκα πεῖσαι τὸν βασιλέα πένθ’ ἡμέρασ αὐτῇ παραχωρῆσαι τῆσ βασιλείασ.

τὴν δὲ Σεμίραμιν ἀναλαβοῦσαν τό τε σκῆπτρον καὶ τὴν βασίλειον στολὴν κατὰ μὲν τὴν πρώτην ἡμέραν εὐωχίαν ποιῆσαι καὶ μεγαλοπρεπῆ δεῖπνα, ἐν οἷσ τοὺσ τῶν δυνάμεων ἡγεμόνασ καὶ πάντασ τοὺσ ἐπιφανεστάτουσ πεῖσαι συμπράττειν ἑαυτῇ·

τῇ δ’ ὑστεραίᾳ τοῦ τε πλήθουσ καὶ τῶν ἀξιολογωτάτων ἀνδρῶν ὡσ βασίλισσαν θεραπευόντων τὸν μὲν ἄνδρα καταβαλεῖν εἰσ τὴν εἱρκτήν, αὐτὴν δὲ φύσει μεγαλεπίβολον οὖσαν καὶ τολμηρὰν κατασχεῖν τὴν ἀρχήν, καὶ μέχρι γήρωσ βασιλεύσασαν πολλὰ καὶ μεγάλα κατεργάσασθαι. περὶ μὲν οὖν τῶν κατὰ Σεμίραμιν τοιαύτασ ἀντιλογίασ εἶναι συμβαίνει παρὰ τοῖσ συγγραφεῦσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 20

(디오도로스 시켈로스, Bibliotheca Historica, book 2, chapter 20)

상위

목록

SEARCH

MENU NAVIGATION