헬라어 문장 검색 - Διοδορ́Βιβλιοτ́2́18́

(디오도로스 시켈로스, Bibliotheca Historica, book 2, chapter 17)

ἐπεὶ δ’ αἵ τε νῆεσ καὶ τὰ θηρία κατεσκευάσθησαν ἐν τοῖσ δυσὶν ἔτεσι, τῷ τρίτῳ μετεπέμψατο τὰσ πανταχόθεν δυνάμεισ εἰσ τὴν Βακτριανήν. τὸ δὲ πλῆθοσ τῆσ ἀθροισθείσησ στρατιᾶσ ἦν, ὡσ Κτησίασ ὁ Κνίδιοσ ἀνέγραψε, πεζῶν μὲν τριακόσιαι μυριάδεσ, ἱππέων δὲ εἴκοσι μυριάδεσ, ἁρμάτων δὲ δέκα μυριάδεσ. ὑπῆρχον δὲ καὶ ἄνδρεσ ἐπὶ καμήλων ὀχούμενοι, μαχαίρασ τετραπήχεισ ἔχοντεσ, τὸν ἀριθμὸν ἴσοι τοῖσ ἁρ́μασι.

ναῦσ δὲ ποταμίασ κατεσκεύασε διαιρετὰσ δισχιλίασ, αἷσ παρεσκευάσατο καμήλουσ τὰσ πεζῇ παρακομιζούσασ τὰ σκάφη. ἐφόρουν δὲ καὶ τὰ τῶν ἐλεφάντων εἴδωλα κάμηλοι, καθότι προείρηται· πρὸσ δ’ αὐτὰσ τοὺσ ἵππουσ οἱ στρατιῶται συνάγοντεσ συνήθεισ ἐποίουν τοῦ μὴ φοβεῖσθαι τὴν ἀγριότητα τῶν θηρίων. τὸ παραπλήσιον δὲ πολλοῖσ ἔτεσιν ὕστερον ἔπραξε Περσεὺσ ὁ τῶν Μακεδόνων βασιλεύσ, ὅτε πρὸσ Ῥωμαίουσ ἔμελλε διακινδυνεύειν ἔχοντασ ἐκ Λιβύησ ἐλέφαντασ.

ἀλλ’ οὔτ’ ἐκείνῳ ῥοπὴν ἐνεγκεῖν εἰσ τὸν πόλεμον συνέβη τὴν περὶ τὰ τοιαῦτα σπουδὴν καὶ φιλοτεχνίαν οὔτε Σεμιράμιδι· περὶ ὧν ἀκριβέστερον ὁ προϊὼν λόγοσ δηλώσει. ὁ δὲ τῶν Ἰνδῶν βασιλεὺσ Σταβροβάτησ πυνθανόμενοσ τά τε μεγέθη τῶν ὀνομαζομένων δυνάμεων καὶ τὴν ὑπερβολὴν τῆσ εἰσ τὸν πόλεμον παρασκευῆσ, ἔσπευδεν ἐν ἅπασιν ὑπερθέσθαι τὴν Σεμίραμιν.

καὶ πρῶτον μὲν ἐκ τοῦ καλάμου κατεσκεύασε πλοῖα ποτάμια τετρακισχίλια·

ἡ γὰρ Ἰνδικὴ παρά τε τοὺσ ποταμοὺσ καὶ τοὺσ ἑλώδεισ τόπουσ φέρει καλάμου πλῆθοσ, οὗ τὸ πάχοσ οὐκ ἂν ῥᾳδίωσ ἄνθρωποσ περιλάβοι· λέγεται δὲ καὶ τὰσ ἐκ τούτων κατασκευαζομένασ ναῦσ διαφόρουσ κατὰ τὴν χρείαν ὑπάρχειν, οὔσησ ἀσήπτου ταύτησ τῆσ ὕλησ. ποιησάμενοσ δὲ καὶ τῆσ τῶν ὅπλων κατασκευῆσ πολλὴν ἐπιμέλειαν καὶ πᾶσαν ἐπελθὼν τὴν Ἰνδικὴν ἤθροισε δύναμιν πολὺ μείζονα τῆσ Σεμιράμιδι συναχθείσησ.

ποιησάμενοσ δὲ καὶ τῶν ἀγρίων ἐλεφάντων θήραν καὶ πολλαπλασιάσασ τοὺσ προϋπάρχοντασ, ἐκόσμησεν ἅπαντασ τοῖσ εἰσ τὸν πόλεμον καταπληκτικοῖσ λαμπρῶσ·

διὸ %5καὶ συνέβαινε κατὰ τὴν ἔφοδον αὐτῶν διά τε τὸ πλῆθοσ καὶ τὴν ἐπὶ τῶν θωρακίων κατασκευὴν ἀνυπόστατον %5ἀνθρωπίνῃ φύσει φαίνεσθαι τὴν ἐπιφάνειαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 17

(디오도로스 시켈로스, Bibliotheca Historica, book 2, chapter 17)

상위

목록

SEARCH

MENU NAVIGATION