헬라어 문장 검색 - Διοδορ́Βιβλιοτ́2́07́

(디오도로스 시켈로스, Bibliotheca Historica, book 2, chapter 6)

ὁ δ’ οὖν Νίνοσ μετὰ τοσαύτησ δυνάμεωσ στρατεύσασ εἰσ τὴν Βακτριανὴν ἠναγκάζετο, δυσειδβόλων τῶν τόπων καὶ στενῶν ὄντων, κατὰ μέροσ ἄγειν τὴν δύναμιν. ἡ γὰρ Βακτριανὴ χώρα πολλαῖσ καὶ μεγάλαισ οἰκουμένη πόλεσι μίαν μὲν εἶχεν ἐπιφανεστάτην, ἐν ᾗ συνέβαινεν εἶναι καὶ τὰ βασίλεια·

αὕτη δ’ ἐκαλεῖτο μὲν Βάκτρα, μεγέθει δὲ καὶ τῇ κατὰ τὴν ἀκρόπολιν ὀχυρότητι πολὺ πασῶν διέφερε. βασιλεύων δ’ αὐτῆσ Ὀξυάρτησ κατέγραψεν ἅπαντασ τοὺσ ἐν ἡλικίᾳ στρατείασ ὄντασ, οἳ τὸν ἀριθμὸν ἠθροίσθησαν εἰσ τετταράκοντα μυριάδασ. ἀναλαβὼν οὖν τὴν δύναμιν καὶ τοῖσ πολεμίοισ ἀπαντήσασ περὶ τὰσ εἰσβολάσ, εἰάσε μέροσ τῆσ τοῦ Νίνου στρατιᾶσ εἰσβαλεῖν·

ἐπεὶ δ’ ἔδοξεν ἱκανὸν ἀποβεβηκέναι τῶν πολεμίων πλῆθοσ εἰσ τὸ πεδίον, ἐξέταξε τὴν ἰδίαν δύναμιν. γενομένησ δὲ μάχησ ἰσχυρᾶσ οἱ Βακτριανοὶ τοὺσ Ἀσσυρίουσ τρεψάμενοι καὶ τὸν διωγμὸν μέχρι τῶν ὑπερκειμένων ὀρῶν ποιησάμενοι διέφθειραν τῶν πολεμίων εἰσ δέκα μυριάδασ. μετὰ δὲ ταῦτα πάσησ τῆσ δυνάμεωσ εἰσβαλούσησ, κρατούμενοι τοῖσ πλήθεσι κατὰ πόλεισ ἀπεχώρησαν, ἕκαστοι ταῖσ ἰδίαισ πατρίσι βοηθήσοντεσ.

τὰσ μὲν οὖν ἄλλασ ὁ Νίνοσ ἐχειρώσατο ῥᾳδίωσ, τὰ δὲ Βάκτρα διά τε τὴν ὀχυρότητα καὶ τὴν ἐν αὐτῇ παρασκευὴν ἠδυνάτει κατὰ κράτοσ ἑλεῖν. πολυχρονίου δὲ τῆσ πολιορκίασ γινομένησ, ὁ τῆσ Σεμιράμιδοσ ἀνήρ, ἐρωτικῶσ ἔχων πρὸσ τὴν γυναῖκα καὶ συστρατευόμενοσ τῷ βασιλεῖ, μετεπέμψατο τὴν ἄνθρωπον.

ἡ δὲ συνέσει καὶ τόλμῃ καὶ τοῖσ ἄλλοισ τοῖσ πρὸσ ἐπιφάνειαν συντείνουσι κεχορηγημένη καιρὸν ἔλαβεν ἐπιδείξασθαι τὴν ἰδίαν ἀρετήν. πρῶτον μὲν οὖν πολλῶν ἡμερῶν ὁδὸν μέλλουσα διαπορεύεσθαι στολὴν ἐπραγματεύσατο δι’ ἧσ οὐκ ἦν διαγνῶναι τὸν περιβεβλημένον πότερον ἀνήρ ἐστιν ἢ γυνή.

αὕτη δ’ ἦν εὔχρηστοσ αὐτῇ πρόσ τε τὰσ ἐν τοῖσ καύμασιν ὁδοιπορίασ εἰσ τὸ διατηρῆσαι τὸν τοῦ σώματοσ χρῶτα καὶ πρὸσ τὰσ ἐν τῷ πράττειν ὃ βούλοιτο χρείασ, εὐκίνητοσ οὖσα καὶ νεανική, καὶ τὸ σύνολον τοσαύτη τισ ἐπῆν αὐτῇ χάρισ ὥσθ’ ὕστερον Μήδουσ ἡγησαμένουσ τῆσ Ἀσίασ φορεῖν τὴν Σεμιράμιδοσ στολήν, καὶ μετὰ ταῦθ’ ὁμοίωσ Πέρσασ. παραγενομένη δ’ εἰσ τὴν Βακτριανὴν καὶ κατασκεψαμένη τὰ περὶ τὴν πολιορκίαν, ἑώρα κατὰ μὲν τὰ πεδία καὶ τοὺσ εὐεφόδουσ τῶν τόπων προσβολὰσ γινομένασ, πρὸσ δὲ τὴν ἀκρόπολιν οὐδένα προσιόντα διὰ τὴν ὀχυρότητα, καὶ τοὺσ ἔνδον ἀπολελοιπότασ τὰσ ἐνταῦθα φυλακὰσ καὶ παραβοηθοῦντασ τοῖσ ἐπὶ τῶν κάτω τειχῶν κινδυνεύουσι.

διόπερ παραλαβοῦσα τῶν στρατιωτῶν τοὺσ πετροβατεῖν εἰωθότασ, καὶ μετὰ τούτων διά τινοσ χαλεπῆσ φάραγγοσ προσαναβᾶσα, κατελάβετο μέροσ τῆσ ἀκροπόλεωσ καὶ τοῖσ πολιορκοῦσι τὸ κατὰ τὸ πεδίον τεῖχοσ ἐσήμηνεν.

οἱ δ’ ἔνδον ἐπὶ τῇ καταλήψει τῆσ ἄκρασ καταπλαγέντεσ ἐξέλιπον τὰ τείχη καὶ τὴν σωτηρίαν ἀπέγνωσαν. τοῦτον δὲ τὸν τρόπον ἁλούσησ τῆσ πόλεωσ ὁ βασιλεὺσ θαυμάσασ τὴν ἀρετὴν τῆσ γυναικὸσ τὸ μὲν πρῶτον μεγάλαισ δωρεαῖσ αὐτὴν ἐτίμησε, μετὰ δὲ ταῦτα διὰ τὸ κάλλοσ τῆσ ἀνθρώπου σχὼν ἐρωτικῶσ ἐπεχείρησε τὸν ἄνδρα πείθειν ἑκουσίωσ αὐτῷ παραχωρῆσαι, ἐπαγγειλάμενοσ ἀντὶ ταύτησ τῆσ χάριτοσ αὐτῷ συνοικιεῖν τὴν ἰδίαν θυγατέρα Σωσάνην.

δυσχερῶσ δ’ αὐτοῦ φέροντοσ, ἠπείλησεν ἐκκόψειν τὰσ ὁράσεισ μὴ προχείρωσ ὑπηρετοῦντοσ τοῖσ προστάγμασιν.

ὁ δὲ Ὄννησ ἅμα μὲν τὰσ τοῦ βασιλέωσ ἀπειλὰσ δείσασ, ἅμα δὲ διὰ τὸν ἔρωτα περιπεσὼν λύττῃ τινὶ καὶ μανίᾳ, βρόχον ἑαυτῷ περιθεὶσ ἀνεκρέμασε. Σεμίραμισ μὲν οὖν διὰ τοιαύτασ αἰτίασ εἰσ βασιλικὸν ἦλθε πρόσχημα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 6

(디오도로스 시켈로스, Bibliotheca Historica, book 2, chapter 6)

상위

목록

SEARCH

MENU NAVIGATION