헬라어 텍스트

Athenaeus, The Deipnosophists, Book 14, book 14, chapter 56

(아테나이오스, The Deipnosophists, Book 14, book 14, chapter 56)

χόρια βρώματα διὰ μέλιτοσ καὶ γάλακτοσ γινόμενα. ἀμορβίτησ; πλακοῦντοσ εἶδοσ παρὰ Σικελοῖσ. οἱ δὲ παῖσα πλακούντια παρὰ Κῴοισ, ὥσ φησιν Ιἀτροκλῆσ. σησαμίδεσ ἐκ μέλιτοσ καὶ σησάμων πεφρυγμένων καὶ ἐλαίου σφαιροειδῆ πέμματα. Εὔπολισ Κόλαξιν ὃσ χαρίτων μὲν ὄζει, καλλαβίδασ δὲ βαίνει, σησαμίδασ δὲ χέζει, μῆλα δὲ χρέμπτεται. Ἀντιφάνησ Δευκαλίωνι· σησαμίδασ ἢ μελίπηκτα ἢ τοιοῦτό τι. μνημονεύει αὐτῶν καὶ Ἔφιπποσ ἐν Κύδωνι· πρόκειται τὸ μαρτύριον. μύλλοι.

Ἡρακλείδησ ὁ Συρακόσιοσ ἐν τῷ περὶ Θεσμῶν ἐν Συρακούσαισ φησὶ τοῖσ Παντελείοισ τῶν Θεσμοφορίων ἐκ σησάμου καὶ μέλιτοσ κατασκευάζεσθαι ἐφήβαια γυναικεῖα, ἃ καλεῖσθαι κατὰ πᾶσαν Σικελίαν μυλλοὺσ καὶ περιφέρεσθαι ταῖσ θεαῖσ. ἐχῖνόσ; . Λυγκεὺσ ὁ Σάμιοσ ἐν τῇ πρὸσ Διαγόραν Ἐπιστολῇ ἐκ παραλλήλου τιθεὶσ τὰ κατὰ τὴν Ἀττικὴν ἐξαιρέτωσ γινόμενα τοῖσ ἐν τῇ Ῥόδῳ γράφει οὕτωσ· "τῇ δὲ περὶ τὸν ἄμητα δόξῃ τὸν καινὸν ἀνταγωνιστὴν ἐπὶ τῆσ δευτέρασ εἰσάγουσα τραπέζησ ἐχῖνον.

"ὑπὲρ οὗ νῦν μὲν ἐπὶ κεφαλαίου· "παραγενομένου δὲ σοῦ καὶ συντεθέντοσ κατὰ τοὺσ ἐν Ῥόδῳ νόμουσ ἅμα μασησαμένου πειράσομαι πλείω περιθεῖναι λόγον. κοτυλίσκοι. Ἡρακλέων ὁ Ἐφέσιοσ πλακοῦντὰσ τινάσ φησιν οὕτω καλεῖσθαι τοὺσ ἐκ τρίτου μέρουσ τῆσ χοίνικοσ γινομένουσ. χοιρίναι. τούτων μνημονεύει Ιἀτροκλῆσ ἐν τῷ περὶ Πλακούντων καὶ τοῦ πυραμοῦντοσ καλουμένου, οὐ διαφέρειν λέγων τῆσ πυραμίδοσ καλουμένησ· γίνεσθαι γὰρ ταύτην ἐκ πυρῶν πεφωσμένων καὶ μέλιτι δεδευμένων.

αὗται δὲ ἆθλα τίθενται ταῖσ παννυχίσι τῷ διαγρυπνήσαντι.