헬라어 텍스트

Athenaeus, The Deipnosophists, Book 14, book 14, chapter 14

(아테나이오스, The Deipnosophists, Book 14, book 14, chapter 14)

σεμνότεροσ δὲ τῶν τοιούτων ἐστὶ ποιητῶν ὁ ἱλαρῳδὸσ καλούμενοσ· οὐδὲ1. γὰρ σχινίζεται. χρῆται δ’ ἐσθῆτι λευκῇ ἀνδρείᾳ καὶ στεφανοῦται χρυσοῦν στέφανον, καὶ τὸ μὲν παλαιὸν ὑποδήμασιν ἐχρῆτο, ὥσ φησιν ὁ Ἀριστοκλῆσ, νῦν δὲ κρηπῖσιν. ψάλλει δ’ αὐτῷ ἢ ἄρρην ἢ θήλεια, ὡσ καὶ τῷ αὐλῳδῷ. δίδοται δὲ ὁ στέφανοσ τῷ ἱλαρῳδῷ καὶ τῷ αὐλῳδῷ, οὐ τῷ ψάλτῃ οὐδὲ τῷ αὐλητῇ. ὁ δὲ μαγῳδὸσ καλούμενοσ τύμπανα ἔχει καὶ κύμβαλα καὶ πάντα τὰ περὶ αὐτὸν ἐνδύματα γυναικεῖα· σχινίζεται τε καὶ πάντα ποιεῖ τὰ ἔξω κόσμου, ὑποκρινόμενοσ ποτὲ μὲν γυναῖκασ καὶ μοιχοὺσ καὶ μαστροπούσ, ποτὲ δὲ ἄνδρα μεθύοντα καὶ ἐπὶ κῶμον παραγινόμενον πρὸσ τὴν ἐρωμένην. φησὶ δὲ ὁ Ἀριστόξενοσ τὴν μὲν ἱλαρῳδίαν σεμνὴν οὖσαν παρὰ τὴν τραγῳδίαν εἶναι, τὴν δὲ μαγῳδίαν παρὰ τὴν κωμῳδίαν. πολλάκισ δὲ οἱ μαγῳδοὶ καὶ κωμικὰσ ὑποθέσεισ λαβόντεσ ὑπεκρίθησαν κατὰ τὴν ἰδίαν ἀγωγὴν καὶ διάθεσιν.