호흡부호 보기
강세부호 보기
장단부호 보기
작은 Iota 보기
모든 부호 보기
ἱερῶν καὶ θυσιῶν ἡγεμονίαν ἔχειν καὶ πάντα δι’ ἐκείνου πράττεσθαι τὰ πρὸσ τοὺσ θεοὺσ ὅσια, ἔπειτα νόμων τε καὶ πατρίων ἐθισμῶν φυλακὴν ποιεῖσθαι καὶ παντὸσ τοῦ κατὰ φύσιν ἢ κατὰ συνθήκασ δικαίου προνοεῖν τῶν τε ἀδικημάτων τὰ μέγιστα μὲν αὐτὸν δικάζειν, τὰ δ’ ἐλάττονα τοῖσ βουλευταῖσ ἐπιτρέπειν προνοούμενον ἵνα μηδὲν γίγνηται περὶ τὰσ δίκασ πλημμελέσ, βουλήν τε συνάγειν καὶ δῆμον συγκαλεῖν καὶ γνώμησ ἄρχειν καὶ τὰ δόξαντα τοῖσ πλείοσιν ἐπιτελεῖν. ταῦτα μὲν ἀπέδωκε βασιλεῖ τὰ γέρα καὶ ἔτι πρὸσ τούτοισ ἡγεμονίαν ἔχειν αὐτοκράτορα ἐν πολέμῳ.
호흡부호 보기
강세부호 보기
장단부호 보기
작은 Iota 보기
모든 부호 보기