헬라어 텍스트

Dionysius of Halicarnassus, Antiquitates Romanae, book 2, chapter 69

(디오니시오스, Antiquitates Romanae, book 2, chapter 69)

ἔτι δὲ τούτου θαυμασιώτερόν ἐστι καὶ μύθῳ μᾶλλον ἐοικὸσ ὃ μέλλω λέγειν. κατηγορῆσαί τινά φασιν ἀδίκωσ μιᾶσ τῶν παρθένων τῶν ἱερῶν Τυκκίασ ὄνομα, ἀφανισμὸν μὲν πυρὸσ οὐκ ἔχοντα προφέρειν, ἄλλασ δέ τινασ ἐξ εἰκότων τεκμηρίων καὶ μαρτυριῶν ἀποδείξεισ φέροντα οὐκ ἀληθεῖσ· κελευσθεῖσαν δ’ ἀπολογεῖσθαι τὴν παρθένον τοῦτο μόνον εἰπεῖν, ὅτι τοῖσ ἔργοισ ἀπολύσεται τὰσ διαβολάσ· ταῦτα δ’ εἰποῦσαν καὶ τὴν θεὸν ἐπικαλεσαμένην ἡγεμόνα τῆσ ὁδοῦ γενέσθαι προάγειν ἐπὶ τὸν Τέβεριν ἐπιτρεψάντων μὲν αὐτῇ τῶν ἱεροφαντῶν, τοῦ δὲ κατὰ τὴν πόλιν ὄχλου συμπροπέμποντοσ·

γενομένην δὲ τοῦ ποταμοῦ πλησίον τὸ παροιμιαζόμενον ἐν τοῖσ πρώτοισ τῶν ἀδυνάτων τόλμημα ὑπομεῖναι, ἀρυσαμένην ἐκ τοῦ ποταμοῦ κοσκίνῳ καὶ μέχρι τῆσ ἀγορᾶσ ἐνέγκασαν παρὰ τοὺσ πόδασ τῶν ἱεροφαντῶν ἐξερᾶσαι τὸ ὕδωρ. φασι τὸν κατήγορον αὐτῆσ πολλῆσ ζητήσεωσ γενομένησ μήτε ζῶντα εὑρεθῆναι μήτε νεκρόν.

ἀλλ’ ὑπὲρ μὲν τῶν ἐπιφανειῶν τῆσ θεᾶσ ἔχων ἔτι πολλὰ λέγειν καὶ ταῦτα ἱκανὰ εἰρῆσθαι νομίζω.