헬라어 문장 검색 - Διονψσ́Αντιθυί2́22́

(디오니시오스, Antiquitates Romanae, book 2, chapter 22)

ἐπεὶ δὲ καὶ διὰ γυναικῶν ἔδει τινὰ ἱερὰ συντελεῖσθαι καὶ διὰ παίδων ἀμφιθαλῶν ἕτερα, ἵνα καὶ ταῦτα γένηται κατὰ τὸ κράτιστον, τάσ τε γυναῖκασ ἔταξε τῶν ἱερέων τοῖσ ἑαυτῶν ἀνδράσι συνιερᾶσθαι, καὶ εἴ τι μὴ θέμισ ἦν ὑπ’ ἀνδρῶν ὀργιάζεσθαι κατὰ νόμον τὸν ἐπιχώριον, ταύτασ ἐπιτελεῖν καὶ παῖδασ αὐτῶν τὰ καθήκοντα λειτουργεῖν· τοῖσ δὲ ἄπαισιν ἐκ τῶν ἄλλων οἴκων τοὺσ χαριεστάτουσ καταλεγέντασ ἐξ ἑκάστησ φράτρασ, κόρον καὶ κόρην, τὸν μὲν ἑώσ ἥβησ ὑπηρετεῖν ἐπὶ τοῖσ ἱεροῖσ, τὴν δὲ κόρην ὅσον ἂν ᾖ χρόνον ἁγνὴ γάμων· ἐκ τῶν Ἑλληνικῶν νόμων καὶ ταῦτα μετενεγκάμενοσ, ὡσ ἐγὼ πείθομαι.

ὅσα μὲν γὰρ αἱ κανηφόροι καὶ ἀρρηφόροι λεγόμεναι λειτουργοῦσιν ἐπὶ τῶν Ἑλληνικῶν ἱερῶν, ταῦτα παρὰ Ῥωμαίοισ αἱ προσαγορευόμεναι τουτολᾶται συντελοῦσι στεφάναισ κοσμούμεναι τὰσ κεφαλάσ, οἱαίσ κοσμεῖται τὰ τῆσ Ἐφεσίασ Ἀρτέμιδοσ ἀφιδρύματα παρ’ Ἕλλησιν.

ὅσα δὲ παρὰ Τυρρηνοῖσ καὶ ἔτι πρότερον παρὰ Πελασγοῖσ ἐτέλουν ἐπί τε Κουρήτων καὶ μεγάλων θεῶν ὀργιασμοῖσ οἱ καλούμενοι πρὸσ αὐτῶν κάδμιλοι, ταῦτα κατὰ τὸν αὐτὸν τρόπον ὑπηρέτουν τοῖσ ἱερεῦσιν οἱ λεγόμενοι νῦν ὑπὸ Ῥωμαίων κάμιλοι. ἔτι πρὸσ τούτοισ ἔταξε μάντιν ἐξ ἑκάστησ φυλῆσ ἕνα παρεῖναι τοῖσ ἱεροῖσ, ὃν ἡμεῖσ μὲν ἱεροσκόπον καλοῦμεν, Ῥωμαῖοι δὲ ὀλίγον τι τῆσ ἀρχαίασ φυλάττοντεσ ὀνομασίασ ἀρούσπικα προσαγορεύουσιν.

ἅπαντασ δὲ τοὺσ ἱερεῖσ τε καὶ λειτουργοὺσ τῶν θεῶν ἐνομοθέτησεν ἀποδείκνυσθαι μὲν ὑπὸ τῶν φρατρῶν, ἐπικυροῦσθαι δὲ ὑπὸ τῶν ἐξηγουμένων τὰ θεῖα διὰ μαντικῆσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, Antiquitates Romanae, book 2, chapter 22

(디오니시오스, Antiquitates Romanae, book 2, chapter 22)

상위

목록

SEARCH

MENU NAVIGATION