호흡부호 보기
강세부호 보기
장단부호 보기
작은 Iota 보기
모든 부호 보기
τοιαῦτα μὲν ὁ Ῥωμύλοσ ἐκ διδαχῆσ τοῦ μητροπάτοροσ, ὥσπερ ἔφην, ἀπομνημονεύσασ ἐν τοῖσ πλήθεσιν ἔλεξεν. οἱ δὲ βουλευσάμενοι κατὰ σφᾶσ αὐτοὺσ ἀποκρίνονται τοιάδε· ἡμεῖσ πολιτείασ μὲν καινῆσ οὐδὲν δεόμεθα, τὴν δ’ ὑπὸ τῶν πατέρων δοκιμασθεῖσαν εἶναι κρατίστην παραλαβόντεσ οὐ μετατιθέμεθα γνώμῃ τε ἑπόμενοι τῶν παλαιοτέρων, οὺσ ἀπὸ μείζονοσ οἰόμεθα φρονήσεωσ αὐτὴν καταστήσασθαι, καὶ τύχῃ ἀρεσκόμενοι.
οὐ γὰρ τήνδε μεμψαίμεθ’ ἂν εἰκότωσ, ἣ παρέσχεν ἡμῖν βασιλευομένοισ τὰ μέγιστα τῶν ἐν ἀνθρώποισ ἀγαθῶν, ἐλευθερίαν τε καὶ ἄλλων ἀρχήν. περὶ μὲν δὴ πολιτείασ ταῦτα ἐγνώκαμεν·
τὴν δὲ τιμὴν ταύτην οὐχ ἑτέρῳ τινὶ μᾶλλον ἢ σοὶ προσήκειν ὑπολαμβάνομεν τοῦ τε βασιλείου γένουσ ἕνεκα καὶ ἀρετῆσ, μάλιστα δ’ ὅτι τῆσ ἀποικίασ ἡγεμόνι κεχρήμεθά σοι καὶ πολλὴν συνίσμεν δεινότητα, πολλὴν δὲ σοφίαν, οὐ λόγῳ μᾶλλον ἢ ἔργῳ μαθόντεσ. ταῦτα ὁ Ῥωμύλοσ ἀκούσασ ἀγαπᾶν μὲν ἔφη βασιλείασ ἄξιοσ ὑπ’ ἀνθρώπων κριθείσ· οὐ μέντοι γε λήψεσθαι τὴν τιμὴν πρότερον, ἐὰν μὴ καὶ τὸ δαιμόνιον ἐπιθεσπίσῃ δι’ οἰωνῶν αἰσίων.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기