호흡부호 보기
강세부호 보기
장단부호 보기
작은 Iota 보기
모든 부호 보기
μέχρι μὲν δὴ τούτων συμφέρονται πάντεσ οἱ Ῥωμαίων συγγραφεῖσ, ἐν δὲ τοῖσ ὕστερον λεγομένοισ οὐχ ὁμολογοῦσι. Πείσων γὰρ ὁ τιμητικόσ, οὗ καὶ πρότερον ἐμνήσθην, ἄγγελόν φησιν ὑπὸ τῆσ Ταρπείασ ἀποσταλῆναι νύκτωρ ἐκ τοῦ χωρίου δηλώσοντα τῷ Ῥωμύλῳ τὰσ γενομένασ τῇ κόρῃ πρὸσ τοὺσ Σαβίνουσ ὁμολογίασ, ὅτι μέλλοι τὰ σκεπαστήρια παρ’ αὐτῶν αἰτεῖν ὅπλα διὰ τῆσ κοινότητοσ τῶν ὁμολογιῶν παρακρουσαμένη, δύναμίν τε ἀξιώσοντα πέμπειν ἐπὶ τὸ φρούριον ἑτέραν νυκτόσ, ὡσ αὐτῷ στρατηλάτῃ παραληψόμενον τοὺσ πολεμίουσ γυμνοὺσ τῶν ὅπλων· τὸν δὲ ἄγγελον αὐτομολήσαντα πρὸσ τὸν ἡγεμόνα τῶν Σαβίνων κατήγορον γενέσθαι τῶν τῆσ Ταρπείασ βουλευμάτων. οἱ δὲ περὶ τὸν Φάβιόν τε καὶ Κίγκιον οὐδὲν τοιοῦτο γεγονέναι λέγουσιν, ἀλλὰ φυλάξαι τὴν κόρην διαβεβαιοῦνται τὰσ περὶ τῆσ προδοσίασ συνθήκασ.
τὰ δ’ ἑξῆσ ἅπαντεσ πάλιν ὁμοίωσ γράφουσι. τὰσ ὑποσχέσεισ ἡ Τάρπεια τοῖσ μὲν πολεμίοισ ἀνέῳξε τὴν συγκειμένην πυλίδα, τοὺσ δ’ ἐν τῷ χωρίῳ φύλακασ ἀναστήσασα διαταχέων σώζειν ἑαυτοὺσ ἠξίου καθ’ ἑτέρασ ἐξόδουσ τοῖσ πολεμίοισ ἀφανεῖσ, ὡσ κατεχόντων ἤδη τῶν Σαβίνων τὸ φρούριον·
διαφυγόντων δὲ τούτων τοὺσ μὲν Σαβίνουσ ἀνεῳγμένασ εὑρόντασ τὰσ πύλασ κατασχεῖν τὸ φρούριον ἔρημον τῶν φυλάκων, τὴν δὲ Τάρπειαν ὡσ τὰ παρ’ ἑαυτῆσ ὅσα συνέθετο παρεσχημένην ἀξιοῦν τοὺσ μισθοὺσ τῆσ προδοσίασ κατὰ τοὺσ ὁρ́κουσ ἀπολαβεῖν.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기