헬라어 텍스트

Dionysius of Halicarnassus, Antiquitates Romanae, book 2, chapter 48

(디오니시오스, Antiquitates Romanae, book 2, chapter 48)

περὶ δὲ τῆσ Κυριτῶν πόλεωσ, ἐξ ἧσ οἱ περὶ τὸν Τάτιον ἦσαν ἁ̓παιτεῖ γὰρ ἡ διήγησισ καὶ περὶ τούτων, οἵτινέσ τε καὶ ὁπόθεν ἦσαν, εἰπεῖν’ τοσαῦτα παρελάβομεν. ἐν τῇ Ῥεατίνων χώρᾳ καθ’ ὃν χρόνον Ἀβοριγῖνεσ αὐτὴν κατεῖχον παρθένοσ τισ ἐπιχωρία τοῦ πρώτου γένουσ εἰσ ἱερὸν ἦλθεν Ἐνυαλίου χορεύσουσα· τὸν δ’ Ἐνυάλιον οἱ Σαβῖνοι καὶ παρ’ ἐκείνων οἱ Ῥωμαῖοι μαθόντεσ Κυρῖνον ὀνομάζουσιν, οὐκ ἔχοντεσ εἰπεῖν τὸ ἀκριβὲσ εἴτε Ἄρησ ἐστὶν εἴτε ἕτερόσ τισ ὁμοίασ Ἄρει τιμὰσ ἔχων.

οἱ μὲν γὰρ ἐφ’ ἑνὸσ οἰόνται θεοῦ πολεμικῶν ἀγώνων ἡγεμόνοσ ἑκάτερον τῶν ὀνομάτων κατηγορῆσθαι, οἱ δὲ κατὰ δύο τάττεσθαι δαιμόνων πολεμιστῶν τὰ ὀνόματα. ἐν δὴ τοῦ θεοῦ τῷ τεμένει χορεύουσα ἡ παῖσ ἔνθεοσ ἄφνω γίνεται καὶ καταλιποῦσα τὸν χορὸν εἰσ τὸν σηκὸν εἰστρέχει τοῦ θεοῦ.

ἔπειτα ἐγκύμων ἐκ τοῦ δαίμονοσ, ὡσ ἅπασιν ἐδόκει, γενομένη τίκτει παῖδα Μόδιον ὄνομα, Φαβίδιον ἐπίκλησιν, ὃσ ἀνδρωθεὶσ μορφήν τε οὐ κατ’ ἄνθρωπον ἀλλὰ δαιμόνιον ἴσχει, καὶ τὰ πολέμια πάντων γίνεται λαμπρότατοσ· καὶ αὐτὸν εἰσέρχεται πόθοσ οἰκίσαι πόλιν ἐφ’ ἑαυτοῦ.

συναγαγὼν δὴ χεῖρα πολλὴν τῶν περὶ ἐκεῖνα τὰ χωρία οἰκούντων ἐν ὀλίγῳ πάνυ χρόνῳ κτίζει τὰσ καλουμένασ Κύρεισ, ὡσ μέν τινεσ ἱστοροῦσιν ἐπὶ τοῦ δαίμονοσ, ἐξ οὗ γενέσθαι λόγοσ αὐτὸν εἶχε, τοὔνομα τῇ πόλει θέμενοσ, ὡσ δ’ ἕτεροι γράφουσιν ἐπὶ τῆσ αἰχμῆσ·

κύρεισ γὰρ οἱ Σαβῖνοι τὰσ αἰχμὰσ καλοῦσιν. ταῦτα μὲν οὖν Τερέντιοσ Οὐάρρων γράφει.