Dionysius of Halicarnassus, Antiquitates Romanae, book 2, chapter 50

(디오니시오스, Antiquitates Romanae, book 2, chapter 50)

οἱ δὲ περὶ τὸν Ῥωμύλον καὶ Τάτιον τήν τε πόλιν εὐθὺσ ἐποίουν μείζονα προσθέντεσ ἑτέρουσ αὐτῇ δύο λόφουσ, τόν τε Κυρίνιον κληθέντα καὶ τὸν Καίλιον, καὶ διελόμενοι τὰσ οἰκήσεισ χωρὶσ ἀλλήλων δίαιταν ἐν τοῖσ ἰδίοισ ἑκάτεροι χωρίοισ ἐποιοῦντο, Ῥωμύλοσ μὲν τὸ Παλάτιον κατέχων καὶ τὸ Καίλιον ὄροσ· ἔστι δὲ τῷ Παλατίῳ προσεχέσ·

Τάτιοσ δὲ τὸν Καπιτωλῖνον, ὅνπερ ἐξ ἀρχῆσ κατέσχε, καὶ τὸν Κυρίνιον ὄχθον. μικρὸν ἐπανεστηκότι τῆσ ἀγορᾶσ.

ἱερά τε ἱδρύσαντο καὶ βωμοὺσ καθιέρωσαν οἷσ ηὔξαντο κατὰ τὰσ μάχασ θεοῖσ, Ῥωμύλοσ μὲν ὀρθωσίῳ Διὶ παρὰ ταῖσ καλουμέναισ Μουγωνίσι πύλαισ, αἳ φέρουσιν εἰσ τὸ Παλάτιον ἐκ τῆσ ἱερᾶσ ὁδοῦ, ὅτι τὴν στρατιὰν αὐτοῦ φυγοῦσαν ἐποίησεν ὁ θεὸσ ὑπακούσασ ταῖσ εὐχαῖσ στῆναί τε καὶ πρὸσ ἀλκὴν τραπέσθαι· Τάτιοσ δὲ Ἡλίῳ τε καὶ Σελήνῃ καὶ Κρόνῳ καὶ Ῥέᾳ, πρὸσ δὲ τούτοισ Ἑστίᾳ καὶ Ἡφαίστῳ καὶ Ἀρτέμιδι καὶ Ἐνυαλίῳ καὶ ἄλλοισ θεοῖσ, ὧν χαλεπὸν ἐξειπεῖν Ἑλλάδι γλώττῃ τὰ ὀνόματα, ἐν ἁπάσαισ τε ταῖσ κουρίαισ Ἥρᾳ τραπέζασ ἔθετο κυριτίδι λεγομένῃ, αἳ καὶ εἰσ τόδε χρόνου κεῖνται.

ἔτη μὲν οὖν πέντε συνεβασίλευσαν ἀλλήλοισ ὑπὲρ οὐδενὸσ διαφερόμενοι χρήματοσ, ἐν οἷσ κοινὴν πρᾶξιν ἀπεδείξαντο τὴν ἐπὶ Καμερίνουσ στρατείαν.

λῃστήρια γὰρ ἐκπέμποντεσ οἱ Καμερῖνοι καὶ πολλὰ τὴν χώραν αὐτῶν κακοῦντεσ οὐ συνέβαινον ἐπὶ δίκην πολλάκισ ὑπ’ αὐτῶν καλούμενοι·

οὓσ ἐκ παρατάξεώσ τε νικήσαντεσ ἑ̓χώρησαν γὰρ αὐτοῖσ ὁμόσἐ καὶ μετὰ ταῦτα ἐκ τειχομαχίασ κατὰ κράτοσ ἑλόντεσ ὅπλα μὲν ἀφείλοντο καὶ χώρασ ἐζημίωσαν τῇ τρίτῃ μερίδι· ἣν τοῖσ σφετέροισ διεῖλον. τῶν δὲ Καμεριναίων τοὺσ ἐποίκουσ λυμαινομένων ἐπεξελθόντεσ καὶ τρεψάμενοι αὐτούσ, τὰ μὲν αὐτῶν ἅπαντα τοῖσ σφετέροισ πολίταισ διεῖλον, αὐτοὺσ δὲ τοὺσ ἀνθρώπουσ ὁπόσοι ἐβούλοντο ἐν Ῥώμῃ κατοικεῖν εἰάσαν. ἐγένοντο δ’ ὡσ τετρακισχίλιοι, οὓσ ταῖσ φράτραισ ἐπεμέρισαν, καὶ τὴν πόλιν αὐτῶν ἀποικίαν Ῥωμαίων ἐποίησαν.

ἦν δὲ Ἀλβανῶν ἀπόκτισισ ἡ Καμερία πολλοῖσ χρόνοισ ἀποσταλεῖσα πρότερον τῆσ Ῥώμησ· τὸ δ’ ἀρχαῖον Ἀβοριγίνων οἴκησισ ἐν τοῖσ πάνυ ἐπιφανήσ.

일치하는 문장이 없습니다.

SEARCH

MENU NAVIGATION