Dionysius of Halicarnassus, Antiquitates Romanae, book 2, chapter 75

(디오니시오스, Antiquitates Romanae, book 2, chapter 75)

ὁ δὲ Νόμασ εἰσ μὲν εὐτέλειαν καὶ σωφροσύνην διὰ τοιούτων συνέστειλε νόμων τὴν πόλιν, εἰσ δὲ τὴν περὶ τὰ συμβόλαια δικαιοσύνην ὑκηγάγετο πρᾶγμα ἐξευρὼν ἠγνοημένον ὑπὸ πάντων τῶν καταστησαμένων τὰσ ἐλλογίμουσ πολιτείασ. καὶ σπάνιοί τινέσ εἰσιν οἱ περὶ τὰ τοιαῦτα ἀδικοῦντεσ, τὰ δὲ ἀμάρτυρα πολλῷ πλείω τῶν ἑτέρων ὄντα μίαν ἔχει φυλακὴν τὴν τῶν συμβαλόντων πίστιν, περὶ ταύτην ᾤετο δεῖν σπουδάσαι παντὸσ ἄλλου μάλιστα καὶ ποιῆσαι θείων σεβασμῶν ἀξίαν.

δίκην μὲν γὰρ καὶ Θέμιν καὶ Νέμεσιν καὶ τὰσ καλουμένασ παρ’ Ἕλλησιν Ἐρινύασ καὶ ὅσα τούτοισ ὅμοια ὑπὸ τῶν πρότερον ἀποχρώντωσ ἐκτεθειῶσθαί τε καὶ καθωσιῶσθαι ἐνόμισε, Πίστιν δέ, ἧσ οὔτε μεῖζον οὔτε ἱερώτερον πάθοσ ἐν ἀνθρώποισ οὐδέν, οὔπω σεβασμῶν τυγχάνειν οὔτ’ ἐν τοῖσ κοινοῖσ τῶν πόλεων πράγμασιν οὔτ’ ἐν τοῖσ ἰδίοισ.

ταῦτα δὴ διανοηθεὶσ πρῶτοσ ἀνθρώπων ἱερὸν ἱδρύσατο Πίστεωσ δημοσίασ καὶ θυσίασ αὐτῇ κατεστήσατο, καθάπερ καὶ τοῖσ ἄλλοισ θεοῖσ, δημοτελεῖσ.

ἔμελλε δὲ ἄρα σὺν χρόνῳ τὸ κοινὸν τῆσ πόλεωσ ἦθοσ πιστὸν καὶ βέβαιον πρὸσ ἀνθρώπουσ γενόμενον τοιούτουσ ἀπεργάσασθαι καὶ τοὺσ τῶν ἰδιωτῶν τρόπουσ. τε μέγιστον γενέσθαι τὴν ἰδίαν ἑκάστῳ πίστιν καὶ μαρτυρίασ συμπάσησ ἰσχυροτάτην, καὶ ὁπότε ὑπὲρ ἀμαρτύρου συναλλάγματοσ ἀμφίλογόν τι γένοιτο ἑνὶ πρὸσ ἕνα, ἡ διαιροῦσα τὸ νεῖκοσ καὶ προσωτέρω χωρεῖν οὐκ ἐῶσα τὰσ φιλονεικίασ ἡ θατέρου τῶν διαδικαζομένων αὐτῶν πίστισ ἦν, αἵ τε ἀρχαὶ καὶ τὰ δικαστήρια τὰ πλεῖστα τῶν ἀμφισβητημάτων τοῖσ ἐκ τῆσ πίστεωσ ὁρ́κοισ διῄτων.

τοιαῦτα μὲν δὴ σωφροσύνησ τε παρακλητικὰ καὶ δικαιοσύνησ ἀναγκαστήρια ὑπὸ τοῦ Νόμα τότε ἐξευρεθέντα κοσμιωτέραν οἰκίασ τῆσ κράτιστα οἰκουμένησ τὴν Ῥωμαίων πόλιν ἀπειργάσατο.

일치하는 문장이 없습니다.

SEARCH

MENU NAVIGATION