Dionysius of Halicarnassus, Antiquitates Romanae, book 2, chapter 59

(디오니시오스, Antiquitates Romanae, book 2, chapter 59)

μέχρι μὲν δὴ τούτων οὐδὲν ἀντειπεῖν ἔχω πρὸσ τοὺσ ἐκδεδωκότασ τὴν περὶ τὸν ἄνδρα τοῦτον ἱστορίαν, ἐν δὲ τοῖσ ἑξῆσ ἀπορῶ τί ποτε χρὴ λέγειν. πολλοὶ μὲν γάρ εἰσιν οἱ γράψαντεσ ὅτι Πυθαγόρου μαθητὴσ ὁ Νόμασ ἐγένετο καὶ καθ’ ὃν χρόνον ὑπὸ τῆσ Ῥωμαίων πόλεωσ ἀπεδείχθη βασιλεὺσ φιλοσοφῶν ἐν Κρότωνι διέτριβεν, ὁ δὲ χρόνοσ τῆσ Πυθαγόρου ἡλικίασ μάχεται πρὸσ τὸν λόγον. ἱστοριῶν.

ὁ μὲν γὰρ ἐπὶ τῆσ ἑκκαιδεκάτησ ὀλυμπιάδοσ μεσούσησ τὴν Ῥωμαίων βασιλείαν παρέλαβε, Πυθαγόρασ δὲ μετὰ τὴν πεντηκοστὴν ὀλυμπιάδα διέτριψεν ἐν Ἰταλίᾳ. τούτου δ’ ἔτι μεῖζον ἔχω τεκμήριον εἰπεῖν ὑπὲρ τοῦ μὴ συμφωνεῖν τοὺσ χρόνουσ ταῖσ παραδεδομέναισ ὑπὲρ τοῦ ἀνδρὸσ ἱστορίαισ, ὅτι καθ’ ὃν χρόνον ὁ Νόμασ ἐπὶ τὴν βασιλείαν ἐκαλεῖτο ὑπὸ Ῥωμαίων οὔπω πόλισ ἦν ἡ Κρότων·

τέτταρσι γὰρ ὅλοισ ὕστερον ἔτεσιν ἢ Νόμαν ἄρξαι Ῥωμαίων Μύσκελοσ αὐτὴν ἔκτισεν ἐνιαυτῷ τρίτῳ τῆσ ἑπτακαιδεκάτησ ὀλυμπιάδοσ. ὅτ’ αὐτὸν ἐκάλουν ἐπὶ τὴν βασιλείαν Ῥωμαῖοι, τῇ μήπω τότ’ οὔσῃ πόλει.

ἀλλ’ ἐοίκασιν οἱ τὰ ὑπὲρ αὐτοῦ γράψαντεσ, εἰ χρὴ δόξαν ἰδίαν ἀποφήνασθαι, δύο ταῦτα λαβόντεσ ὁμολογούμενα, τήν τε Πυθαγόρου διατριβὴν τὴν γενομένην ἐν Ἰταλίᾳ καὶ τὴν Νόμα σοφίαν ὡ̔μολόγηται γὰρ ὑπὸ πάντων ὁ ἀνὴρ γενέσθαι σοφόσ’ ἐπισυνάψαι ταῦτα καὶ ποιῆσαι Πυθαγόρου μαθητὴν τὸν Νόμαν οὐκέτι τοὺσ βίουσ αὐτῶν ἐξετάσαντεσ, εἰ κατὰ τοὺσ αὐτοὺσ ἤκμασαν ἀμφότεροι χρόνουσ, ὅπερ ἐγὼ πεποίηκα νῦν·

εἰ μή τισ ἄρα Πυθαγόραν ἕτερον ὑποθήσεται πρὸ τοῦ Σαμίου γεγομέναι παιδευτὴν σοφίασ, ᾧ συνδιέτριψεν ὁ Νόμασ.

τοῦτο δ’ οὐκ οἶδ’ ὅπωσ ἂν ἀποδεῖξαι δύναιτο μηδενὸσ τῶν ἀξιολόγων μήτε Ῥωμαίου μήθ’ Ἕλληνοσ, ὅσα κἀμὲ εἰδέναι, παραδεδωκότοσ ἐν ἱστορίᾳ. ἀλλὰ περὶ μὲν τούτων ἅλισ.

일치하는 문장이 없습니다.

SEARCH

MENU NAVIGATION