Dionysius of Halicarnassus, Antiquitates Romanae, book 2, chapter 57

(디오니시오스, Antiquitates Romanae, book 2, chapter 57)

τῷ δ’ ἑξῆσ ἐνιαυτῷ βασιλεὺσ μὲν οὐδεὶσ ἀπεδείχθη Ῥωμαίων, ἀρχὴ δέ τισ, ἣν καλοῦσι μεσοβασίλειον, ἐπεμελεῖτο τῶν κοινῶν τοιόνδέ τινα τρόπον ἀποδεικνυμένη· τῶν πατρικίων οἱ καταγραφέντεσ εἰσ τὴν βουλὴν ὑπὸ Ῥωμύλου διακόσιοι τὸν ἀριθμὸν ὄντεσ, ὥσπερ ἔφην, διενεμήθησαν εἰσ δεκάδασ· ἔπειτα διακληρωσάμενοι τοῖσ λαλοῦσι δέκα πρώτοισ ἀπέδωκαν ἄρχειν τῆσ πόλεωσ τὴν αὐτοκράτορα ἀρχήν. ἐκεῖνοι δ’ οὐχ ἅμα πάντεσ ἐβασίλευον, ἀλλ’ ἐκ διαδοχῆσ ἡμέρασ πέντε ἕκαστοσ, ἐν αἷσ τάσ τε ῥάβδουσ εἶχε καὶ τὰ λοιπὰ τῆσ βασιλικῆσ ἐξουσίασ σύμβολα.

παρεδίδου δ’ ὁ πρῶτοσ ἄρξασ τῷ δευτέρῳ τὴν ἡγεμονίαν κἀκεῖνοσ τῷ τρίτῳ καὶ τοῦτ’ ἐγίνετο μέχρι τοῦ τελευταίου. διεξελθούσησ δὲ τοῖσ πρώτοισ δέκα τῆσ πεντηκονθημέρου προθεσμίασ ἕτεροι δέκα τὴν ἀρχὴν παρελάμβανον καὶ παρ’ ἐκείνων αὖθισ ἄλλοι. ἀχθομένῳ ταῖσ μεταβολαῖσ τῶν ἐξουσιῶν διὰ τὸ μήτε προαιρέσεισ ἅπαντασ ὁμοίασ ἔχειν μήτε φύσεισ, τότε δὴ συγκαλέσαντεσ εἰσ ἐκκλησίαν τὸ πλῆθοσ οἱ βουλευταὶ κατὰ φυλάσ τε καὶ φράτρασ ἀπέδωκαν αὐτῷ περὶ τοῦ κόσμου τῆσ πολιτείασ σκοπεῖν, εἴτε βασιλεῖ βούλεται τὰ κοινὰ ἐπιτρέπειν εἴτε ἀρχαῖσ ἐνιαυσίοισ.

οὐ μὴν ὅ γε δῆμοσ ἐφ’ ἑαυτῷ τὴν αἱρ́εσιν ἐποίησεν, ἀλλ’ ἀπέδωκε τοῖσ βουλευταῖσ τὴν διάγνωσιν ὡσ ἀγαπήσων ὁποτέραν ἂν ἐκεῖνοι δοκιμάσωσι τῶν πολιτειῶν·

τοῖσ δὲ βασιλικὴν μὲν ἐδόκει καταστήσασθαι πολιτείαν ἅπασι, περὶ δὲ τοῦ μέλλοντοσ ἄρξειν στάσισ ἐνέπιπτεν ἐξ ὁποτέρασ ἔσται τάξεωσ. οἱ μὲν γὰρ ἐκ τῶν ἀρχαίων βουλευτῶν ᾤοντο δεῖν ἀποδειχθῆναι τὸν ἐπιτροπεύσοντα τὴν πόλιν, οἱ δ’ ἐκ τῶν ὕστερον ἐπεισαχθέντων, οὓσ νεωτέρουσ ἐκάλουν.

일치하는 문장이 없습니다.

SEARCH

MENU NAVIGATION