Dionysius of Halicarnassus, Antiquitates Romanae, book 2, chapter 60

(디오니시오스, Antiquitates Romanae, book 2, chapter 60)

τιμὴν διδομένην ἀπωθεῖσθαι, συνέγνω γενέσθαι βασιλεύσ· τοῖσ δὲ Ῥωμαίοισ πυθομένοισ ταῦτα παρὰ τῶν πρεσβευτῶν, πρὶν ὄψει τὸν ἄνδρα ἰδεῖν πολὺσ αὐτοῦ παρέστη πόθοσ, ἱκανὸν ἡγουμένοισ τεκμήριον εἶναι τῆσ σοφίασ, εἰ τῶν ἄλλων ὑπὲρ τὸ μέτριον ἐκτετιμηκότων βασιλείαν καὶ τὸν εὐδαίμονα βίον ἐν ταύτῃ τιθεμένων μόνοσ ἐκεῖνοσ ὡσ φαύλου τινὸσ καὶ οὐκ ἀξίου σπουδῆσ πράγματοσ καταφρονεῖ, παραγενομένῳ τε ὑπήντων ἔτι καθ’ ὁδὸν ὄντι σὺν ἐπαίνῳ πολλῷ καὶ ἀσπασμοῖσ καὶ ταῖσ ἄλλαισ τιμαῖσ παραπέμποντεσ εἰσ τὴν πόλιν.

ἐκκλησίασ δὲ μετὰ τοῦτο συναχθείσησ, ἐν ᾗ διήνεγκαν ὑπὲρ αὐτοῦ τὰσ ψήφουσ αἱ φυλαὶ κατὰ φράτρασ καὶ τῶν πατρικίων ἐπικυρωσάντων τὰ δόξαντα τῷ πλήθει καὶ τελευταῖον ἔτι τῶν ὀρνιθοσκόπων αἴσια τὰ παρὰ τοῦ δαιμονίου σημεῖα ἀποφηνάντων παραλαμβάνει τὴν ἀρχήν.

ὑπὲρ αὐτοῦ πολλοὺσ καὶ θαυμαστοὺσ λέγουσιν ἀναφέροντεσ τὴν ἀνθρωπίνην σοφίαν εἰσ θεῶν ὑποθήκασ.

νύμφην γάρ τινα μυθολογοῦσιν Ἠγερίαν φοιτᾶν πρὸσ αὐτὸν ἑκάστοτε διδάσκουσαν τὴν βασιλικὴν σοφίαν, ἕτεροι δὲ οὐ νύμφην, ἀλλὰ τῶν Μουσῶν μίαν.

καὶ τοῦτό φασι γενέσθαι πᾶσι φανερόν. ἀπιστούντων γὰρ, ὡσ ἐοίκε, τῶν ἀνθρώπων κατ’ ἀρχὰσ καὶ πεπλάσθαι νομιζόντων τὸν περὶ τῆσ θεᾶσ λόγον, βουλόμενον αὐτὸν ἐπιδείξασθαι τοῖσ ἀπιστοῦσιν ἐναργέσ τι μήνυμα τῆσ πρὸσ τὴν δαίμονα ὁμιλίασ διδαχθέντα ὑπ’ αὐτῆσ ποιῆσαι τάδε· καλέσαντα Ῥωμαίων πολλοὺσ καὶ ἀγαθοὺσ εἰσ τὴν οἰκίαν, ἐν ᾗ διαιτώμενοσ ἐτύγχανεν, ἔπειτα δείξαντα τοῖσ ἐλθοῦσι τὰ ἔνδον τῇ τε ἄλλῃ κατασκευῇ φαύλωσ κεχορηγημένα καὶ δὴ καὶ τῶν εἰσ ἑστίασιν ὀχλικὴν ἐπιτηδείων ἄπορα, τότε μὲν ἀπαλλάττεσθαι κελεύειν, εἰσ ἑσπέραν δὲ καλεῖν αὐτοὺσ ἐπὶ τὸ δεῖπνον·

παραγενομένοισ δὲ κατὰ τὴν ἀποδειχθεῖσαν ὡρ́αν ἐπιδεῖξαι στρωμνάσ τε πολυτελεῖσ καὶ τραπέζασ ἐκπωμάτων γεμούσασ πολλῶν καὶ καλῶν ἑστίασίν τε αὐτοῖσ παραθεῖναι κατακλιθεῖσιν ἁπάσησ ἐδωδῆσ, ἣν οὐδ’ ἂν ἐκ πολλοῦ πάνυ χρόνου παρασκευάσασθαί τινι τῶν τότε ἀνθρώπων ῥᾴδιον ἦν.

τοῖσ δὲ Ῥωμαίοισ κατάπληξίν τε πρὸσ ἕκαστον τῶν ὁρωμένων ὑπελθεῖν καὶ δόξαν ἐξ ἐκείνου τοῦ χρόνου παραστῆναι βέβαιον, ὅτι θεά τισ αὐτῷ συνῆν.

일치하는 문장이 없습니다.

SEARCH

MENU NAVIGATION