호흡부호 보기
강세부호 보기
장단부호 보기
작은 Iota 보기
모든 부호 보기
ταῖσ δ’ ἑξῆσ ἡμέραισ οἵ τε Σαβῖνοι ἐν βουλῇ ἐγίνοντο πότερον ἀποίσουσιν ἐπ’ οἴκου τὰσ δυνάμεισ, ὅσα δύνανται τῆσ χώρασ τῶν πολεμίων κακώσαντεσ, ἢ προσμεταπέμπωνται στρατιὰν ἑτέραν οἴκοθεν καὶ προσμένωσι λιπαροῦντεσ ἑώσ τὸ κάλλιστον ἐπιθήσουσι τῷ πολέμῳ τέλοσ. πονηρὸν δὲ αὐτοῖσ καὶ τὸ ἀπιέναι μετ’ αἰσχύνησ τῆσ ἀπράκτου ἀναχωρήσεωσ ἐφαίνετο εἶναι καὶ τὸ μένειν οὐδενόσ σφισι χωροῦντοσ κατ’ ἐλπίδα.
συμβάσεωσ δὲ πέρι τὸ διαλέγεσθαι πρὸσ τοὺσ ἐχθρούσ, ἥνπερ ἐδόκουν εἶναι μόνην εὐπρεπῆ τοῦ πολέμου ἀπαλλαγήν, οὐχ ἑαυτοῖσ μᾶλλον ἢ Ῥωμαίοισ ἁρμόττειν ὑπελάμβανον· Ῥωμαῖοι δὲ οὐδὲν ἧττον ἀλλὰ καὶ μᾶλλον τῶν Σαβίνων εἰσ πολλὴν ἀπορίαν ἐνέπιπτον ὅ τι χρήσαιντο τοῖσ πράγμασιν.
οὔτε γὰρ ἀποδιδόναι τὰσ γυναῖκασ ἠξίουν οὔτε κατέχειν· τῷ μὲν ἧτταν ὁμολογουμένην ἀκολουθεῖν οἰόμενοι καὶ ἀναγκαῖόν σφισιν ἐσόμενον πᾶν ὅ τι ἂν ἄλλο ἐπιταχθῶσιν ὑπομένειν, τῷ δὲ πολλὰ καὶ δεινὰ ἐπιδεῖν χωρασ τε πορθουμένησ καὶ νεότητοσ τῆσ κρατίστησ ἀπολλυμένησ· πρὸσ τὸ ἀντίπαλον ἐπὶ θεραπείασ τραπόμενον ἀλλὰ βαρύτησ.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기