호흡부호 보기
강세부호 보기
장단부호 보기
작은 Iota 보기
모든 부호 보기
ἐνιαυτῷ δὲ ἕκτῳ περιίσταται πάλιν εἰσ ἕνα Ῥωμύλον ἡ τῆσ πόλεωσ ἀρχὴ Τατίου τελευτήσαντοσ ἐξ ἐπιβουλῆσ, ἣν συνέστησαν ἐπ’ αὐτῷ Λαουινιατῶν οἱ κορυφαιότατοι συμφρονήσαντεσ ἀπὸ τοιαύτησ αἰτίασ· τῶν ἑταίρων τινὲσ τοῦ Τατίου λῃστήριον ἐξαγαγόντεσ εἰσ τὴν Λαουινιατῶν χώραν χρήματά τε αὐτῶν ἡρ́πασαν πολλὰ καὶ βοσκημάτων ἀπήλασαν ἀγέλασ, τῶν δ’ ἐπιβοηθούντων οὓσ μὲν ἀπέκτειναν, οὓσ δ’ ἐτραυμάτισαν.
ἀφικομένησ δὲ πρεσβείασ παρὰ τῶν ἠδικημένων καὶ τὰ δίκαια ἀπαιτούσησ ὁ μὲν Ῥωμύλοσ ἐδικαίωσε παραδοῦναι τοὺσ δράσαντασ τοῖσ ἀδικηθεῖσιν ἀπάγειν, ὁ δὲ Τάτιοσ τῶν ἑταίρων περιεχόμενοσ οὐκ ἠξίου πρὸ δίκησ τινὰσ ὑπ’ ἐχθρῶν ἄγεσθαι καὶ ταῦτα πολίτασ ὄντασ ὑπὸ ξένων·
δικάζεσθαι δ’ αὐτοῖσ ἐκέλευε τοὺσ ἠδικῆσθαι λέγοντασ εἰσ Ῥώμην ἀφικομένουσ. οἱ μὲν δὴ πρέσβεισ οὐδὲν εὑρόμενοι τῶν δικαίων ἀγανακτοῦντεσ ἀπῄεσαν, ἀκολουθήσαντεσ δ’ αὐτοῖσ τῶν Σαβίνων τινὲσ ὑπ’ ὀργῆσ, ἐσκηνωμένοισ παρὰ τὴν ὁδόν ἑ̔σπέρα γὰρ αὐτοὺσ κατέλαβεν’ ἐπιτίθενται καθεύδουσι καὶ τά τε χρήματ’ αὐτοὺσ ἀφαιροῦνται καὶ ὁπόσουσ ἐν ταῖσ κοίταισ ἔτι κατέλαβον ἀποσφάττουσιν, ὅσοισ δὲ ταχεῖα τῆσ ἐπιβουλῆσ αὐτῶν αἴσθησισ ἐγένετο καὶ τοῦ διαφυγεῖν δύναμισ εἰσ τὴν πόλιν ἀφικνοῦνται.
μετὰ τοῦτο ἔκ τε Λαουινίου πρέσβεισ ἀφικόμενοι καὶ ἐξ ἄλλων πόλεων συχνῶν κατηγόρουν τῆσ παρανομίασ καὶ πόλεμον παρήγγελλον εἰ μὴ τεύξονται τῆσ δίκησ.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기