헬라어 텍스트

Polybius, Histories, book 5, chapter 46

(폴리비오스, Histories, book 5, chapter 46)

λίμναισ, ἐξ ὧν ὁ μυρεψικὸσ κείρεται κάλαμοσ. ἐπίκειται δὲ τοῖσ στενοῖσ ἐκ μὲν θατέρου μέρουσ Βρόχοι προσαγορευόμενόν τι χωρίον, ἐκ δὲ θατέρου Γέρρα, στενὴν ἀπολείποντα πάροδον. ποιησάμενοσ δὲ διὰ τοῦ προειρημένου τὴν πορείαν αὐλῶνοσ ἐπὶ πλείουσ ἡμέρασ, καὶ προσαγαγόμενοσ τὰσ παρακειμένασ πόλεισ, παρῆν πρὸσ τὰ Γέρρα.

πλείω δὲ πάσχων ἢ ποιῶν κακὰ διὰ τὴν ὀχυρότητα τῶν τόπων καὶ διὰ τὸ μένειν ἔτι τὸν Θεόδοτον ἀκέραιον, ἀπέστη τῆσ ἐπιβολῆσ.

διὸ καὶ τοιαύτησ οὔσησ τῆσ περὶ τοὺσ τόπουσ δυσχρηστίασ, προσπεσόντοσ αὐτῷ Ξενοίταν ἐπταικέναι τοῖσ ὅλοισ καὶ τὸν Μόλωνα πάντων τῶν ἄνω τόπων ἐπικρατεῖν, ἀφέμενοσ τούτων ὡρ́μησε τοῖσ οἰκείοισ πράγμασι βοηθήσων.

Ὁ γὰρ Ξενοίτασ ὁ στρατηγὸσ ἀποσταλεὶσ αὐτοκράτωρ, καθάπερ ἐπάνω προεῖπα, καὶ μείζονοσ ἐξουσίασ ἢ κατὰ τὴν προσδοκίαν τυχών, ὑπεροπτικώτερον μὲν ἐχρῆτο τοῖσ αὑτοῦ φίλοισ, θρασύτερον δὲ ταῖσ πρὸσ τοὺσ ἐχθροὺσ ἐπιβολαῖσ.

οὐ μὴν ἀλλὰ καταζεύξασ εἰσ τὴν Σελεύκειαν, καὶ μεταπεμψάμενοσ Διογένην τὸν τῆσ Σουσιανῆσ ἔπαρχον καὶ Πυθιάδην τὸν τῆσ Ἐρυθρᾶσ θαλάττησ, ἐξῆγε τὰσ δυνάμεισ, καὶ λαβὼν πρόβλημα τὸν Τίγριν ποταμὸν ἀντεστρατοπέδευσε τοῖσ πολεμίοισ.

πλειόνων δὲ διακολυμβώντων πρὸσ αὐτὸν ἀπὸ τῆσ τοῦ Μόλωνοσ στρατοπεδείασ, καὶ δηλούντων ὡσ ἐὰν διαβῇ τὸν ποταμόν, ἅπαν ἀπονεύσει πρὸσ αὐτὸν τὸ τοῦ Μόλωνοσ στρατόπεδον ‐ τῷ μὲν γὰρ Μόλωνι φθονεῖν, τῷ δὲ βασιλεῖ τὸ πλῆθοσ εὔνουν ὑπάρχειν διαφερόντωσ ‐ ἐπαρθεὶσ τούτοισ ὁ Ξενοίτασ ἐπεβάλετο διαβαίνειν τὸν Τίγριν.

τὰ δὲ πλοῖα συνήθροιζε καὶ κατήρτιζε καὶ πολλὴν ἐπιμέλειαν ἐποιεῖτο περὶ τούτων.