헬라어 문장 검색 - Πλυταρ́Δεμετρί35́

(플루타르코스, Demetrius, chapter 35)

ἐχομένων δὲ τῶν Ἀθηνῶν εὐθὺσ ἐπεβούλευε τῇ Λακεδαίμονι. καὶ περὶ Μαντίνειαν Ἀρχιδάμου τοῦ βασιλέωσ ἀπαντήσαντοσ αὐτῷ νικήσασ μάχῃ καὶ τρεψάμενοσ εἰσ τὴν Λακωνικὴν ἐνέβαλε. καὶ πρὸσ αὐτῇ τῇ Σπάρτῃ πάλιν ἐκ παρατάξεωσ ἑλὼν πεντακοσίουσ καὶ διαφθείρασ διακοσίουσ, ὅσον οὔπω τὴν πόλιν ἔχειν ἐδόκει μέχρι τῶν χρόνων ἐκείνων ἀνάλωτον οὖσαν. ἀλλ’ ἡ τύχη περὶ οὐδένα τῶν βασιλέων ἐοίκεν οὕτω τροπὰσ λαβεῖν μεγάλασ καὶ ταχείασ, οὐδ’ ἐν ἑτέροισ πράγμασι τοσαυτάκισ μικρὰ καὶ πάλιν μεγάλη καὶ ταπεινὴ μὲν ἐκ λαμπρᾶσ, ἰσχυρὰ δὲ αὖθισ ἐκ φαύλησ γενέσθαι.

διὸ καί φασιν αὐτὸν ἐν ταῖσ χείροσι μεταβολαῖσ πρὸσ τὴν τύχην ἀναφθέγγεσθαι τὸ Αἰσχύλειον· σύ τοί με φυσᾷσ, σύ με καταίθειν μοι δοκεῖσ. καὶ γὰρ τότε τῶν πραγμάτων οὕτωσ εὐπόρων αὐτῷ πρὸσ ἀρχὴν καὶ δύναμιν ἐπιδιδόντων ἀγγέλλεται Λυσίμαχοσ μὲν πρῶτοσ ἀφῃρημένοσ αὐτοῦ τὰσ ἐν Ἀσίᾳ πόλεισ, Κύπρον δὲ Πτολεμαῖοσ ᾑρηκὼσ ἄνευ μιᾶσ πόλεωσ Σαλαμῖνοσ, ἐν δὲ Σαλαμῖνι πολιορκῶν τοὺσ παῖδασ αὐτοῦ καὶ τὴν μητέρα κατειλημμένουσ.

οὐ μὴν ἀλλὰ καὶ ἡ τύχη, καθάπερ ἡ παρ’ Ἀρχιλόχῳ γυνὴ τῇ μὲν ὕδωρ ἐφόρει δολοφρονέουσα χειρί, τῇ δ’ ἑτέρῃ πῦρ, δεινοῖσ αὐτὸν οὕτω καὶ φοβεροῖσ ἀγγέλμασιν ἀποστήσασα τῆσ Λακεδαίμονοσ, εὐθὺσ ἑτέρασ πραγμάτων καινῶν καὶ μεγάλων ἐπήνεγκεν ἐλπίδασ ἐκ τοιαύτησ αἰτίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Demetrius, chapter 35

(플루타르코스, Demetrius, chapter 35)

상위

목록

SEARCH

MENU NAVIGATION