Plutarch, Demetrius, chapter 10

(플루타르코스, Demetrius, chapter 10)

ἐπεὶ δὲ πάλιν ἐπανελθὼν πρὸσ τὴν Μουνυχίαν καὶ στρατοπεδεύσασ ἐξέκοψε τὴν φρουρὰν καὶ κατέσκαψε τὸ φρούριον, οὕτωσ ἤδη τῶν Ἀθηναίων δεχομένων καὶ καλούντων παρελθὼν εἰσ τὸ ἄστυ καὶ συναγαγὼν τὸν δῆμον ἀπέδωκε τὴν πάτριον πολιτείαν· καὶ προσυπέσχετο παρὰ τοῦ πατρὸσ αὐτοῖσ ἀφίξεσθαι σίτου πεντεκαίδεκα μυριάδασ μεδίμνων καὶ ξύλων ναυπηγησίμων πλῆθοσ εἰσ ἑκατὸν τριήρεισ. Ἀθηναῖοι δὲ ἀπολαβόντεσ τὴν δημοκρατίαν ἔτει πεντεκαιδεκάτῳ, τὸν δὲ μέσον χρόνον ἀπὸ τῶν Λαμιακῶν καὶ τῆσ περὶ Κραννῶνα μάχησ λόγῳ μὲν ὀλιγαρχικῆσ, ἔργῳ δὲ μοναρχικῆσ καταστάσεωσ γενομένησ διὰ τὴν τοῦ Φαληρέωσ δύναμιν, οὕτω λαμπρὸν ἐν ταῖσ εὐεργεσίαισ καὶ μέγαν φανέντα τὸν Δημήτριον ἐπαχθῆ καὶ βαρὺν ἐποίησαν τῶν τιμῶν ταῖσ ἀμετρίαισ ἃσ ἐψηφίσαντο.

πρῶτοι μὲν γὰρ ἀνθρώπων ἁπάντων τὸν Δημήτριον καὶ Ἀντίγονον βασιλεῖσ ἀνηγόρευσαν, ἄλλωσ ἀφοσιουμένουσ τοὔνομα, καὶ τοῦτο δὴ μόνον τῶν βασιλικῶν ἔτι τοῖσ ἀπὸ Φιλίππου καὶ Ἀλεξάνδρου περιεῖναι δοκοῦν ἄθικτον ἑτέροισ καὶ ἀκοινώνητον·

μόνοι δὲ σωτῆρασ ἀνέγραψαν θεούσ, καὶ τὸν ἐπώνυμον καὶ πάτριον ἄρχοντα καταπαύσαντεσ ἱερέα σωτήρων ἐχειροτόνουν καθ’ ἕκαστον ἐνιαυτόν· καὶ τοῦτον ἐπὶ τῶν ψηφισμάτων καὶ τῶν συμβολαίων προέγραφον. ἐνυφαίνεσθαι δὲ τῷ πέπλῳ μετὰ τῶν θεῶν αὐτοὺσ ἐψηφίσαντο·

καὶ τὸν τόπον ὅπου πρῶτον ἀπέβη τοῦ ἁρ́ματοσ, καθιερώσαντεσ καὶ βωμὸν ἐπιθέντεσ Δημητρίου Καταιβάτου προσηγόρευσαν· ταῖσ δὲ φυλαῖσ δύο προσέθεσαν, Δημητριάδα καὶ Ἀντιγονίδα, καὶ τὴν βουλὴν τῶν πεντακοσίων πρότερον ἑξακοσίων ἐποίησαν, ἅτε δὴ φυλῆσ ἑκάστησ πεντήκοντα βουλευτὰσ παρεχομένησ.

일치하는 문장이 없습니다.

SEARCH

MENU NAVIGATION