헬라어 문장 검색 - Πλυταρ́Δεμετρί03́

(플루타르코스, Demetrius, chapter 3)

ἦν μὲν οὖν καὶ φιλοπάτωρ διαφερόντωσ· τῇ δὲ περὶ τὴν μητέρα σπουδῇ καὶ τὸν πατέρα τιμῶν ἐφαίνετο δἰ εὔνοιαν ἀληθινὴν μᾶλλον ἢ θεραπείαν τῆσ δυνάμεωσ. καί ποτε πρεσβείᾳ τινὶ τοῦ Ἀντιγόνου σχολάζοντοσ ἀπὸ θήρασ ὁ Δημήτριοσ ἐπέστη· καὶ προσελθὼν τῷ πατρὶ καὶ φιλήσασ, ὥσπερ εἶχε τὰσ βολίδασ, ἐκάθισε παρ’ αὐτόν. ὡσ ἰσχύν τινα πραγμάτων βασιλικῶν καὶ δυνάμεωσ ἐπίδειξιν οὖσαν τὴν πρὸσ υἱὸν ὁμόνοιαν καὶ πίστιν.

οὕτωσ ἄρα πάντη δυσκοινώνητον ἡ ἀρχή, καὶ μεστὸν ἀπιστίασ καὶ δυσνοίασ, ὥστε ἀγάλλεσθαι τὸν μέγιστον τῶν Ἀλεξάνδρου διαδόχων καὶ πρεσβύτατον ὅτι μὴ φοβεῖται τὸν υἱόν, ἀλλὰ προσίεται τὴν λόγχην ἔχοντα τοῦ σώματοσ πλησίον.

οὐ μὴν ἀλλὰ καὶ μόνοσ, ὡσ εἰπεῖν, ὁ οἶκοσ οὗτοσ ἐπὶ πλείστασ διαδοχὰσ τῶν τοιούτων κακῶν ἐκαθάρευσε, μᾶλλον δὲ εἷσ μόνοσ τῶν ἀπ’ Ἀντιγόνου Φίλιπποσ ἀνεῖλεν υἱόν. αἱ δὲ ἄλλαι σχεδὸν ἅπασαι διαδοχαὶ πολλῶν μὲν ἔχουσι παίδων, πολλῶν δὲ μητέρων φόνουσ καὶ γυναικῶν·

τὸ μὲν γὰρ ἀδελφοὺσ ἀναιρεῖν, ὥσπερ οἱ γεωμέτραι τὰ αἰτήματα λαμβάνουσιν, οὕτω συνεχωρεῖτο κοινόν τι νομιζόμενον αἴτημα καὶ βασιλικὸν ὑπὲρ ἀσφαλείασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Demetrius, chapter 3

(플루타르코스, Demetrius, chapter 3)

상위

목록

SEARCH

MENU NAVIGATION