헬라어 문장 검색 - Πλυταρ́Δεμετρί34́

(플루타르코스, Demetrius, chapter 34)

οἱ δὲ Ἀθηναῖοι, καίπερ ψηφισάμενοι θάνατον εἰ μνησθείη τισ εἰρήνησ καὶ διαλλαγῆσ πρὸσ Δημήτριον, εὐθὺσ ἀνεῴγνυσαν τὰσ ἐγγὺσ πύλασ καὶ πρέσβεισ ἔπεμπον, οὐδὲν μὲν ἀπ’ ἐκείνου χρηστὸν προσδοκῶντεσ, ἐκβιαζομένησ δὲ τῆσ ἀπορίασ, ἐν ᾗ δυσχερῶν πολλῶν συμπεσόντων λέγεταί τι καὶ τοιοῦτον γενέσθαι· πατέρα καὶ υἱὸν ἐν οἰκήματι καθέζεσθαι τὰ καθ’ ἑαυτοὺσ ἀπεγνωκότασ, ἐκ δὲ τῆσ ὀροφῆσ μῦν νεκρὸν ἐκπεσεῖν, τοὺσ δέ, ὡσ εἶδον, ἀναπηδήσαντασ ἀμφοτέρουσ διαμάχεσθαι περὶ αὐτοῦ.

τότε καὶ τὸν φιλόσοφον Ἐπίκουρον ἱστοροῦσι διαθρέψαι τοὺσ συνήθεισ κυάμουσ πρὸσ ἀριθμὸν μετ’ αὐτῶν διανεμόμενον. οὕτωσ οὖν τῆσ πόλεωσ ἐχούσησ εἰσελθὼν ὁ Δημήτριοσ, καὶ κελεύσασ εἰσ τὸ θέατρον ἀθροισθῆναι πάντασ, ὅπλοισ μὲν συνέφραξε τὴν σκηνὴν καὶ δορυφόροισ τὸ λογεῖον περιέλαβεν, αὐτὸσ δὲ καταβάσ, ὥσπερ οἱ τραγῳδοί, διὰ τῶν ἄνω παρόδων, ἔτι μᾶλλον ἐκπεπληγμένων τῶν Ἀθηναίων τὴν ἀρχὴν τοῦ λόγου πέρασ ἐποιήσατο τοῦ δέουσ αὐτῶν.

καὶ γὰρ τόνου φωνῆσ καὶ ῥημάτων πικρίασ φεισάμενοσ, ἐλαφρῶσ δὲ καὶ φιλικῶσ μεμψάμενοσ αὐτοὺσ διηλλάσσετο, καὶ δέκα μυριάδασ σίτου μεδίμνων ἐπέδωκε, καὶ κατέστησεν ἀρχὰσ αἳ μάλιστα τῷ δήμῳ προσφιλεῖσ ἦσαν.

συνιδὼν δὲ Δρομοκλείδησ ὁ ῥήτωρ ὑπὸ χαρᾶσ τὸν δῆμον ἔν τε φωναῖσ ὄντα παντοδαταῖσ καὶ τοὺσ ἀπὸ τοῦ βήματοσ ἐπαίνουσ τῶν δημαγωγῶν ἁμιλλώμενον ὑπερβαλέσθαι, γνώμην ἔγραψε Δημητρίῳ τῷ βασιλεῖ τὸν Πειραιᾶ παραδοθῆναι καὶ τὴν Μουνυχίαν. ἐπιψηφισθέντων δὲ τούτων ὁ Δημήτριοσ αὐτὸσ ἐφ’ ἑαυτοῦ προσενέβαλε φρουρὰν εἰσ τὸ Μουσεῖον, ὡσ μὴ πάλιν ἀναχαιτίσαντα τὸν δῆμον ἀσχολίασ αὐτῷ πραγμάτων ἑτέρων παρασχεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Demetrius, chapter 34

(플루타르코스, Demetrius, chapter 34)

상위

목록

SEARCH

MENU NAVIGATION