호흡부호 보기
강세부호 보기
장단부호 보기
작은 Iota 보기
모든 부호 보기
ἡ μὲν οὖν νὺξ οἱο͂ν εἰκὸσ θόρυβον ἔσχεν. ἅμα δὲ ἡμέρᾳ ταραττομένοισ τοῖσ Μακεδόσι καὶ φοβουμένοισ τὴν τοῦ Δημητρίου δύναμιν, ὡσ ἐπῄει μὲν οὐδεὶσ φοβερόσ, ὁ δὲ Δημήτριοσ ἔπεμπε βουλόμενοσ ἐντυχεῖν καὶ περὶ τῶν πεπραγμένων ἀπολογήσασθαι, θαρρεῖν παρέστη καὶ δέχεσθαι φιλανθ ρώπωσ αὐτόν. ὡσ δὲ ἦλθεν, οὐ μακρῶν ἐδέησεν αὐτῷ λόγων, ἀλλὰ τῷ μισεῖν μὲν τὸν Ἀντίπατρον, φονέα μητρὸσ ὄντα, βελτίονοσ δὲ ἀπορεῖν, ἐκεῖνον ἀνηγόρευσαν βασιλέα Μακεδόνων, καὶ παραλαβόντεσ εὐθὺσ κατῆγον εἰσ Μακεδονίαν.
ἦν δὲ καὶ τοῖσ οἴκοι Μακεδόσιν οὐκ ἀκούσιοσ ἡ μεταβολή, μεμνημένοισ ἀεὶ καὶ μισοῦσιν ἃ Κάσανδροσ εἰσ Ἀλέξανδρον τεθνηκότα παρηνόμησεν. εἰ δέ τισ ἔτι μνήμη τῆσ Ἀντιπάτρου τοῦ παλαιοῦ μετριότητοσ ὑπελείπετο, καὶ ταύτην Δημήτριοσ ἐκαρποῦτο Φίλᾳ συνοικῶν καὶ τὸν ἐξ ἐκείνησ υἱὸν ἔχων διάδοχον τῆσ ἀρχῆσ, ἤδη τότε μειράκιον ὄντα καὶ τῷ πατρὶ συστρατευόμενον.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기