헬라어 문장 검색 - Πλυταρ́Δεμετρί07́

(플루타르코스, Demetrius, chapter 7)

ἐκ τούτου δὲ τῶν Ἀράβων τοὺσ καλουμένουσ Ναβαταίουσ ὑπαγαγέσθαι πεμφθεὶσ ὁ Δημήτριοσ ἐκινδύνευσε μὲν εἰσ τόπουσ ἀνύδρουσ ἐμπεσών, τῷ δὲ μὴ διαταραχθῆναι μηδ’ ἐκπλαγῆναι καταπληξάμενοσ τοὺσ βαρβάρουσ, λείαν τε λαβὼν πολλὴν καὶ καμήλουσ ἑπτακοσίασ παρ’ αὐτῶν ἀνεχώρησεν. ἐπεὶ δὲ Σέλευκοσ, ἐκπεσὼν μὲν ὑπὸ Ἀντιγόνου τῆσ Βαβυλωνίασ πρότερον, ὕστερον δὲ ἀναλαβὼν τὴν ἀρχὴν δἰ αὑτοῦ καὶ κρατῶν, ἀνέβη μετὰ δυνάμεωσ, τὰ συνοροῦντα τοῖσ Ἰνδοῖσ ἔθνη καὶ τὰσ περὶ Καύκασον ἐπαρχίασ προσαξόμενοσ, ἐλπίζων Δημήτριοσ ἔρημον εὑρήσειν τὴν Μεσοποταμίαν καὶ περάσασ ἄφνω τὸν Εὐφράτην εἰσ τὴν Βαβυλωνίαν παρεισπεσὼν ἔφθη, καὶ τῆσ ἑτέρασ ἄκρασ ̔δύο γαρ ἦσαν’ ἐκκρούσασ τὴν τοῦ Σελεύκου φρουρὰν καὶ κρατήσασ ἰδίουσ ἐγκατέστησεν ἑπτακισχιλίουσ ἄνδρασ.

ἐκ δὲ τῆσ χώρασ ὅσα φέρειν ἢ ἄγειν ἠδύναντο τοὺσ στρατιώτασ ὠφελεῖσθαι καὶ λαμβάνειν κελεύσασ, ἐπανῆλθεν ἐπὶ θάλασσαν βεβαιοτέραν Σελεύκῳ τὴν ἀρχὴν ἀπολιπών·

ἐξίστασθαι γὰρ ἐδόκει τῷ κακοῦν ὡσ μηκέτι προσήκουσαν αὐτοῖσ. Πτολεμαίου μέντοι πολιορκοῦντοσ Ἁλικαρνασὸν ὀξέωσ βοηθήσασ ἐξήρπασε τὴν πόλιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Demetrius, chapter 7

(플루타르코스, Demetrius, chapter 7)

상위

목록

SEARCH

MENU NAVIGATION