Plutarch, Demetrius, chapter 53

(플루타르코스, Demetrius, chapter 53)

ἔσχε μέντοι καὶ τὰ περὶ τὴν ταφὴν αὐτοῦ τραγικήν τινα καὶ θεατρικὴν διάθεσιν. ὁ γὰρ υἱὸσ Ἀντίγονοσ, ὡσ ᾔσθετο τὰ λείψανα κομιζόμενα, πάσαισ ἀναχθεὶσ ταῖσ ναυσὶν ἐπὶ νήσων ἀπήντησε· καὶ δεξάμενοσ εἰσ τὴν μεγίστην τῶν ναυαρχίδων ἔθετο τὴν ὑδρίαν χρυσήλατον οὖσαν. αἱ δὲ πόλεισ αἷσ προσεῖχον, τοῦτο μὲν στεφάνουσ ἐπέφερον τῇ ὑδρίᾳ, τοῦτο δὲ ἄνδρασ ἐν σχήματι πενθίμῳ συνθάψοντασ καὶ συμπαραπέμψοντασ ἀπέστελλον.

εἰσ δὲ Κόρινθον τοῦ στόλου καταπλέοντοσ ἥ τε κάλπισ ἐκ πρύμνησ περιφανὴσ ἑωρᾶτο πορφύρᾳ βασιλικῇ καὶ διαδήματι κεκοσμημένη, καὶ παρειστήκεισαν ἐν ὅπλοισ νεανίσκοι δορυφοροῦντεσ. ὁ δὲ τῶν τότε αὐλητῶν ἐλλογιμώτατοσ Ξενόφαντοσ ἐγγὺσ καθεζόμενοσ προσηύλει τῶν μελῶν τὸ ἱερώτατον· καὶ πρὸσ τοῦτο τῆσ εἰρεσίασ ἀναφερομένησ μετὰ ῥυθμοῦ τινοσ, ἀπήντα ψόφοσ, ὥσπερ ἐν κοπετῷ, ταῖσ τῶν αὐλημάτων περιόδοισ·

τὸν δὲ πλεῖστον οἶκτον καὶ ὀλοφυρμὸν αὐτὸσ ὁ Ἀντίγονοσ τοῖσ ἠθροισμένοισ ἐπὶ τὴν θάλασσαν ὀφθεὶσ ταπεινὸσ καὶ δεδακρυμένοσ παρέσχεν. ἐπενεχθεισῶν δὲ τιμῶν καὶ στεφάνων περὶ Κόρινθον εἰσ Δημητριάδα κομίσασ ἔθηκε τὰ λείψανα, πόλιν ἐπώνυμον ἐκείνου, συνοικισθεῖσαν ἐκ μικρῶν τῶν περὶ τὴν Ιὠλκὸν πολιχνίων. ἀπέλιπε δὲ γενεὰν ὁ Δημήτριοσ Ἀντίγονον μὲν ἐκ Φίλασ καὶ Στρατονίκην, δύο δὲ Δημητρίουσ, τὸν μὲν Λεπτόν, ἐξ Ἰλλυρίδοσ γυναικόσ, τὸν δὲ ἄρξαντα Κυρήνησ ἐκ Πτολεμαΐδοσ, ἐκ δὲ Δηϊδαμείασ Ἀλέξανδρον, ὃσ ἐν Αἰγύπτῳ κατεβίωσε.

λέγεται δὲ καὶ Κόρραγον υἱὸν ἐξ Εὐρυδίκησ αὐτῷ γενέσθαι. κατέβη δὲ ταῖσ διαδοχαῖσ τὸ γένοσ αὐτοῦ βασιλεῦον εἰσ Περσέα τελευταῖον, ἐφ’ οὗ Ῥωμαῖοι Μακεδονίαν ὑπηγάγοντο. διηγωνισμένου δὲ τοῦ Μακεδονικοῦ δράματοσ ὡρ́α τὸ Ῥωμαϊκὸν ἐπεισαγαγεῖν.

일치하는 문장이 없습니다.

SEARCH

MENU NAVIGATION