Plutarch, Demetrius, chapter 26

(플루타르코스, Demetrius, chapter 26)

τότε δ’ οὖν ἀναζευγνύων εἰσ τὰσ Ἀθήνασ ἔγραψεν ὅτι βούλεται παραγενόμενοσ εὐθὺσ μυηθῆναι καὶ τὴν τελετὴν ἅπασαν ἀπὸ τῶν μικρῶν ἄχρι τῶν ἐποπτικῶν παραλαβεῖν. τοῦτο δὲ οὐ θεμιτὸν ἦν οὐδὲ γεγονὸσ πρότερον, ἀλλὰ τὰ μικρὰ τοῦ Ἀνθεστηριῶνοσ ἐτελοῦντο, τὰ δὲ μεγάλα τοῦ Βοηδρομιῶνοσ· ἐπώπτευον δὲ τοὐλάχιστον ἀπὸ τῶν μεγάλων ἐνιαυτὸν διαλείποντεσ. ἀναγνωσθέντων δὲ τῶν γραμμάτων μόνοσ ἐτόλμησεν ἀντειπεῖν Πυθόδωροσ ὁ δᾳδοῦχοσ, ἐπέρανε δὲ οὐδέν·

ἀλλὰ Στρατοκλέουσ γνώμην εἰπόντοσ Ἀνθεστηριῶνα τὸν Μουνυχιῶνα ψηφισαμένουσ καλεῖν καὶ νομίζειν, ἐτέλουν τῷ Δημητρίῳ τὰ πρὸσ Ἄγραν· καὶ μετὰ ταῦτα πάλιν ἐξ Ἀνθεστηριῶνοσ ὁ Μουνυχιὼν γενόμενοσ Βοηδρομιὼν ἐδέξατο τὴν λοιπὴν τελετήν, ἅμα καὶ τὴν ἐποπτείαν τοῦ Δημητρίου προσεπιλαβόντοσ. διὸ καὶ Φιλιππίδησ τὸν Στρατοκλέα λοιδορῶν ἐποίησεν·

ὁ τὸν ἐνιαυτὸν συντεμὼν εἰσ μῆν’ ἕνα, καὶ περὶ τῆσ ἐν τῷ Παρθενῶνι κατασκηνώσεωσ· ὁ τὴν ἀκρόπολιν πανδοκεῖον ὑπολαβὼν καὶ τὰσ ἑταίρασ εἰσαγαγὼν τῇ παρθένῳ.

일치하는 문장이 없습니다.

SEARCH

MENU NAVIGATION