Plutarch, Demetrius, chapter 38

(플루타르코스, Demetrius, chapter 38)

οὕτω δὲ λαμπρᾷ κεχρημένοσ εὐτυχίᾳ πυνθάνεται μὲν περὶ τῶν τέκνων καὶ τῆσ μητρὸσ ὡσ μεθεῖνται, δῶρα καὶ τιμὰσ Πτολεμαίου προσθέντοσ αὐτοῖσ, πυνθάνεται δὲ περὶ τῆσ Σελεύκῳ γαμηθείσησ θυγατρὸσ ὡσ Ἀντιόχῳ τῷ Σελεύκου συνοικεῖ καὶ βασίλισσα τῶν ἄνω βαρβάρων ἀνηγόρευται. συνέβη γάρ, ὡσ ἐοίκε, τὸν Ἀντίοχον ἐρασθέντα τῆσ Στρατονίκησ νέασ οὔσησ, ἤδη δὲ παιδίον ἐχούσησ ἐκ τοῦ Σελεύκου, διακεῖσθαι κακῶσ καὶ πολλὰ ποιεῖν τῷ πάθει διαμαχόμενον, τέλοσ δ’ ἑαυτοῦ καταγνόντα δεινῶν μὲν ἐπιθυμεῖν, ἀνήκεστα δὲ νοσεῖν, κεκρατῆσθαι δὲ τῷ λογισμῷ, τρόπον ἀπαλλαγῆσ τοῦ βίου ζητεῖν καὶ παραλύειν ἀτρέμα καὶ θεραπείασ ἀμελείᾳ καὶ τροφῆσ ἀποχῇ τὸ σῶμα, νοσεῖν τινα νόσον σκηπτόμενον.

Ἐρασίστρατον δὲ τὸν ἰατρὸν αἰσθέσθαι μὲν οὐ χαλεπῶσ ἐρῶντοσ αὐτοῦ, τὸ δὲ οὗτινοσ ἐρᾷ δυστόπαστον ὂν ἐξανευρεῖν βουλόμενον ἀεὶ μὲν ἐν τῷ δωματίῳ διημερεύειν, εἰ δέ τισ εἰσίοι τῶν ἐν ὡρ́ᾳ μειρακίων ἢ γυναικῶν, ἐγκαθορᾶν τε τῷ προσώπῳ τοῦ Ἀντιόχου καὶ τὰ συμπάσχειν μάλιστα τῇ ψυχῇ τρεπομένῃ πεφυκότα μέρη καὶ κινήματα τοῦ σώματοσ ἐπισκοπεῖν.

ἐπὶ τούτοισ προσλογιζόμενον τὸν Ἐρασίστρατον κατὰ τὸ εἰκὸσ ὡσ οὐκ ἂν ἑτέρασ ἐρῶν βασιλέωσ υἱὸσ ἐνεκαρτέρει τῷ σιωπᾶν μέχρι θανάτου, χαλεπὸν μὲν ἡγεῖσθαι τὸ φράσαι ταῦτα καὶ κατειπεῖν, οὐ μὴν ἀλλὰ πιστεύοντα τῇ πρὸσ τὸν υἱὸν εὐνοίᾳ τοῦ Σελεύκου παρακινδυνεῦσαί ποτε, καὶ εἰπεῖν ὡσ ἔρωσ μὲν εἰή τοῦ νεανίσκου τὸ πάθοσ, ἔρωσ δὲ ἀδύνατοσ καὶ ἀνίατοσ.

"ἐρᾷ τῆσ ἐμῆσ γυναικόσ.

"ἐπιδοίησ, Ἐρασίστρατε, τῷ ἐμῷ παιδὶ φίλοσ ὢν τὸν γάμον, καὶ ταῦτα ὁρῶν ἡμᾶσ ἐπὶ τούτῳ μόνῳ σαλεύοντασ; "τοῦτο πατὴρ ὢν ἐποίησασ, εἰ Στρατονίκησ Ἀντίοχοσ ἐπεθύμησε. "ταχὺ μεταστρέψαι τισ ἐπὶ ταῦτα καὶ μεταβάλοι θεῶν ἢ ἀνθρώπων τὸ πάθοσ·

"ὡσ ἐμοὶ καὶ τὴν βασιλείαν ἀφεῖναι καλὸν Ἀντιόχου περιεχομένῳ. ταῦτα ἐμπαθῶσ σφόδρα τοῦ Σελεύκου μετὰ πολλῶν δακρύων λέγοντοσ, ἐμβαλόντα τὴν δεξιὰν αὐτῷ τὸν Ἐρασίστρατον εἰπεῖν ὡσ οὐδὲν Ἐρασιστράτου δέοιτο· καὶ γὰρ πατὴρ καὶ ἀνὴρ ὢν καὶ βασιλεὺσ αὐτὸσ ἅμα καὶ ἰατρὸσ εἰή τῆσ οἰκίασ ἄριστοσ. ἐκ τούτου τὸν Σέλευκον ἐκκλησίαν ἀθροίσαντα πάνδημον εἰπεῖν ὅτι βούλεται καὶ διέγνωκε τῶν ἄνω πάντων τόπων Ἀντίοχον ἀποδεῖξαι βασιλέα καὶ Στρατονίκην βασιλίδα, ἀλλήλοισ συνοικοῦντασ·

οἰέσθαι δὲ τὸν μὲν υἱὸν εἰθισμένον ἅπαντα πείθεσθαι καὶ κατήκοον ὄντα μηθὲν ἀντερεῖν αὐτῷ πρὸσ τὸν γάμον· εἰ δ’ ἡ γυνὴ τῷ μὴ νενομισμένῳ δυσκολαίνοι, παρακαλεῖν τοὺσ φίλουσ ὅπωσ διδάσκωσιν αὐτὴν καὶ πείθωσι καλὰ καὶ δίκαια τὰ δοκοῦντα βασιλεῖ μετὰ τοῦ συμφέροντοσ ἡγεῖσθαι.

τὸν μὲν οὖν Ἀντιόχου καὶ Στρατονίκησ γάμον ἐκ τοιαύτησ γενέσθαι προφάσεωσ λέγουσι.

일치하는 문장이 없습니다.

SEARCH

MENU NAVIGATION