Plutarch, Demetrius, chapter 21

(플루타르코스, Demetrius, chapter 21)

ἐπολέμησε δὲ Ῥοδίοισ Πτολεμαίου συμμάχοισ οὖσι, καὶ τὴν μεγίστην ἑλέπολιν τοῖσ τείχεσι προσήγαγεν, ἧσ ἕδρα μὲν ἦν τετράγωνοσ, ἑκάστην ἔχουσα τοῦ κάτω πλαισίου πλευρὰν ὀκτὼ καὶ τεσσαράκοντα πηχῶν, ἓξ δὲ καὶ ἑξήκοντα πηχῶν ὕψοσ εἶχεν, εἰσ κορυφὴν συννεύουσα ταῖσ ἄνω πλευραῖσ στενωτέραν τῆσ βάσεωσ. ἔνδοθεν μὲν οὖν στέγαισ διεπέφρακτο καὶ χώραισ πολλαῖσ, τὸ δὲ πρὸσ τοὺσ πολεμίουσ αὐτῆσ μέτωπον ἀνέῳκτο καθ’ ἑκάστην στέγην θυρίσιν, καὶ διὰ τούτων ἐξέπιπτε βέλη παντοδαπά·

μεστὴ γὰρ ἦν ἀνδρῶν μαχομένων πᾶσαν ἰδέαν μάχησ. καὶ τὸ μὴ κραδαινόμενον αὐτῆσ μηδὲ κλινόμενον ἐν ταῖσ κινήσεσιν, ἀλλ’ ὀρθὸν ἐν ἕδρᾳ καὶ ἀσάλευτον, ἰσορρόπωσ ἅμα ῥοίζῳ καὶ τόνῳ πολλῷ προχωροῦν, θάμβοσ ἅμα τῇ ψυχῇ καὶ χάριν τινα τῇ ὄψει τῶν θεωμένων παρεῖχε. πρὸσ δὲ τοῦτον τὸν πόλεμον αὐτῷ καὶ θώρακεσ ἐκομίσθησαν ἐκ Κύπρου δύο σιδηροῖ, μνῶν ὁλκῆσ ἑκάτεροσ τεσσαράκοντα.

δυσπάθειαν δὲ καὶ ῥώμην αὐτῶν ἐπιδεικνύμενοσ ὁ τεχνίτησ Ζωΐλοσ ἐκέλευσεν ἐξ εἴκοσι βημάτων ἀφεῖναι καταπελτικὸν βέλοσ, οὗ προσπεσόντοσ ἀρραγὴσ διέμεινεν ὁ σίδηροσ, ἀμυχὴν δὲ μόλισ ἔσχεν ἀμβλεῖαν, οἱο͂ν ἀπὸ γραφείου. τοῦτον αὐτὸσ ἐφόρει·

τὸν δ’ ἕτερον Ἄλκιμοσ ὁ Ἠπειρώτησ, ἀνὴρ πολεμικώτατοσ τῶν σὺν αὐτῷ καὶ ῥωμαλεώτατοσ, ὃσ μόνοσ ἐχρῆτο διταλάντῳ πανοπλίᾳ, τῶν ἄλλων χρωμένων ταλαντιαίᾳ· καὶ μαχόμενοσ ἐν Ῥόδῳ περὶ τὸ θέατρον ἔπεσεν.

일치하는 문장이 없습니다.

SEARCH

MENU NAVIGATION