헬라어 문장 검색 - Πλυταρ́Δεμετρί36́

(플루타르코스, Demetrius, chapter 36)

ἐπεὶ Κασάνδρου τελευτήσαντοσ ὁ πρεσβύτατοσ αὐτοῦ τῶν παίδων Φίλιπποσ οὐ πολὺν χρόνον βασιλεύσασ Μακεδόνων ἀπέθανεν, οἱ λοιποὶ δύο πρὸσ ἀλλήλουσ ἐστασίαζον, θατέρου δὲ αὐτῶν Ἀντιπάτρου τὴν μητέρα Θεσσαλονίκην φονεύσαντοσ, ἅτεροσ ἐκάλει βοηθοὺσ ἐκ μὲν Ἠπείρου Πύρρον, ἐκ δὲ Πελοποννήσου Δημήτριον. ἔφθασε δὲ Πύρροσ ἐλθών, καὶ πολὺ μέροσ Μακεδονίασ ἀποτεμόμενοσ τῆσ βοηθείασ μισθὸν φοβερὸσ μὲν ἦν ἤδη παροικῶν Ἀλεξάνδρῳ·

Δημητρίου δέ, ὡσ ἐδέξατο τὰ γράμματα, μετὰ τῆσ δυνάμεωσ προσιόντοσ, ἔτι μᾶλλον ὁ νεανίασ τοῦτον φοβηθεὶσ διὰ τὸ ἀξίωμα καὶ τὴν δόξαν ἀπήντησεν αὐτῷ περὶ Δῖον, ἀσπαζόμενοσ μὲν καὶ φιλοφρονούμενοσ, οὐδὲν δὲ φάσκων ἔτι τῆσ ἐκείνου δεῖσθαι τὰ πράγματα παρουσίασ. ἦσαν οὖν ἐκ τούτων ὑποψίαι πρὸσ ἀλλήλουσ αὐτοῖσ, καὶ βαδίζοντι Δημητρίῳ πρὸσ δεῖπνον ὑπὸ τοῦ νεανίσκου παρακεκλημένῳ μηνύει τισ ἐπιβουλήν, ὡσ ἐν αὐτῷ τῷ πότῳ μελλόντων αὐτὸν ἀνελεῖν.

ὁ δὲ μηδὲν διαταραχθείσ, ἀλλὰ μικρὸν ὑφεὶσ τῆσ πορείασ, ἐκέλευσε τοὺσ μὲν ἡγεμόνασ ἐν τοῖσ ὅπλοισ τὴν στρατιὰν ἔχειν, ἀκολούθουσ δὲ καὶ παῖδασ, ὅσοι περὶ αὐτὸν ἦσαν ἦσαν δὲ πολὺ πλείουσ τῶν Ἀλεξάνδρου, συνεισελθεῖν εἰσ τὸν ἀνδρῶνα καὶ παραμένειν ἄχρι ἂν ἐξαναστῇ. τοῦτο δείσαντεσ οἱ περὶ τὸν Ἀλέξανδρον οὐκ ἐτόλμησαν ἐπιχειρῆσαι.

καὶ ὁ μὲν Δημήτριοσ οὐκ ἔχειν αὐτῷ τὸ σῶμα ποτικῶσ σκηψάμενοσ διὰ ταχέων ἀπῆλθε· τῇ δὲ ὑστεραίᾳ περὶ ἀναζυγὴν εἶχε, πράγματα ϝεώτερα προσπεπτωκέναι φάμενοσ αὐτῷ, καὶ παρῃτεῖτο συγγνώμην ἔχειν τὸν Ἀλέξανδρον, εἰ τάχιον ἀπαίρει· συνέσεσθαι γὰρ αὐτῷ μᾶλλον ἄλλοτε σχολάζων. ἔχαιρεν οὖν ὁ Ἀλέξανδροσ, ὡσ οὐ πρὸσ ἔχθραν, ἀλλ’ ἑκουσίωσ ἐκ τῆσ χώρασ ἀπαίροντοσ αὐτοῦ, καὶ προέπεμπεν ἄχρι Θετταλίασ. ἐπεὶ δὲ εἰσ Λάρισσαν ἧκον, αὖθισ ἀλλήλοισ ἐπήγγελλον ἑστιάσεισ ἀντεπιβουλεύοντεσ·

ὃ δὴ μάλιστα τὸν Ἀλέξανδρον ὑποχείριον ἐποίησε τῷ Δημητρίῳ. φυλάττεσθαι γὰρ ὀκνῶν, ὡσ μὴ κἀκεῖνον ἀντιφυλάττεσθαι διδάξῃ, παθὼν ἔφθασε ̔δρᾶν μέλλοντοσ αὐτοῦ μὴ διαφυγεῖν ἐκεῖνον’ ὃ ἐμηχανᾶτο. κληθεὶσ γὰρ ἐπὶ δεῖπνον ἦλθε πρὸσ τὸν Δημήτριον. ὡσ δὲ ἐκεῖνοσ ἐξανέστη μεταξὺ δειπνῶν, φοβηθεὶσ ὁ Ἀλέξανδροσ συνεξανέστη καὶ κατὰ πόδασ αὐτῷ πρὸσ τὰσ θύρασ συνηκολούθει. αὐτὸσ μὲν ὑπεξῆλθεν, ὁ δὲ Ἀλέξανδροσ ὑπ’ ἐκείνων κατεκόπη καὶ τῶν φίλων οἱ προσβοηθοῦντεσ, ὧν ἕνα λέγουσι σφαττόμενον εἰπεῖν ὡσ ἡμέρᾳ μιᾷ φθάσειεν αὐτοὺσ ὁ Δημήτριοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Demetrius, chapter 36

(플루타르코스, Demetrius, chapter 36)

상위

목록

SEARCH

MENU NAVIGATION