Plutarch, Demetrius, chapter 42

(플루타르코스, Demetrius, chapter 42)

οὐ μόνον δὲ τούτοισ τοῖσ θεάμασιν ἐλύπει τοὺσ ἀνθρώπουσ ἀήθεισ ὄντασ, ἀλλὰ καὶ τρυφὴν καὶ δίαιταν ἐβαρύνοντο· καὶ μάλιστα δὴ τὸ δυσόμιλον αὐτοῦ καὶ δυσπρόσοδον. ἢ γὰρ οὐ παρεῖχε καιρὸν ἐντυχεῖν, ἢ χαλεπὸσ ἦν καὶ τραχὺσ ἐντυγχάνουσιν. Ἀθηναίων μὲν γάρ, περὶ οὓσ ἐσπουδάκει μάλιστα τῶν Ἑλλήνων, ἔτη δύο πρεσβείαν κατέσχεν· ἐκ Λακεδαίμονοσ δὲ ἑνὸσ πρεσβευτοῦ παραγενομένου καταφρονεῖσθαι δοκῶν ἠγανάκτησεν. "τί σὺ λέγεισ;

"ἕνα Λακεδαιμόνιοι πρεσβευτὴν ἔπεμψαν; "ὦ βασιλεῦ, πρὸσ ἕνα. δόξαντοσ δὲ αὐτοῦ ποτε δημοτικώτερον ἐξελαύνειν, καὶ πρὸσ ἔντευξιν ἔχειν οὐκ ἀηδῶσ, σννέδραμόν τινεσ ἐγγράφουσ ἀξιώσεισ ἀναδιδόντεσ. δεξαμένου δὲ πάσασ καὶ τῇ χλαμύδι συλλαβόντοσ ἥσθησαν οἱ ἄνθ ρωποι καὶ παρηκολούθουν· ὡσ δὲ ἦλθεν ἐπὶ τὴν τοῦ Ἀξιοῦ γέφυραν, ἀναπτύξασ τὴν χλαμύδα πάσασ εἰσ τὸν ποταμὸν ἐξέρριψε. καὶ τοῦτο δὴ δεινῶσ ἠνίασε τοὺσ Μακεδόνασ ὑβρίζεσθαι δοκοῦντασ, οὐ βασιλεύεσθαι, καὶ Φιλίππου μνημονεύοντασ, ἢ τῶν μνημονευόντων ἀκούοντασ, ὡσ μέτριοσ ἦν περὶ ταῦτα καὶ κοινόσ.

δηχθεὶσ σφόδρα καὶ πρὸσ τούτῳ γενόμενοσ ἀνέστρεψεν εἰσ τὴν οἰκίαν, καὶ πάντα ποιησάμενοσ ὕστερα, τοῖσ ἐντυχεῖν βουλομένοισ, ἀρξάμενοσ ἀπὸ τῆσ πρεσβύτιδοσ ἐκείνησ, ἐπὶ πολλὰσ ἡμέρασ ἐσχόλασεν.

οὐδὲν γὰρ οὕτωσ βασιλεῖ προσῆκον ὡσ τὸ τῆσ δίκησ ἔργον.

Ἄρησ μὲν γὰρ τύραννοσ, ὥσ φησι Τιμόθεοσ, νόμοσ δὲ πάντων βασιλεὺσ κατὰ Πίνδαρόν ἐστι· καὶ τοὺσ βασιλεῖσ Ὅμηρόσ φησιν οὐχ ἑλεπόλεισ οὐδὲ ναῦσ χαλκήρεισ, ἀλλὰ θέμιστασ παρὰ τοῦ Διὸσ λαμβάνοντασ ῥύεσθαι καὶ φυλάσσειν, καὶ τοῦ Διὸσ οὐ τὸν πολεμικώτατον οὐδὲ τὸν ἀδικώτατον καὶ φονικώτατον τῶν βασιλέων, ἀλλὰ τὸν δικαιότατον ὀαριστὴν καὶ μαθητὴν προσηγόρευκεν. ἀλλὰ Δημήτριοσ ἔχαιρε τῷ βασιλεῖ τῶν θεῶν ἀνομοιοτάτην ἐπιγραφόμενοσ προσωνυμίαν·

ὁ μὲν γὰρ Πολιεὺσ καὶ Πολιοῦχοσ, ὁ δὲ Πολιορκητὴσ ἐπίκλησιν ἔσχεν. οὕτωσ ἐπὶ τὴν τοῦ καλοῦ χώραν τὸ αἰσχρὸν ὑπὸ δυνάμεωσ ἀμαθοῦσ ἐπελθὸν συνῳκείωσε τῇ δόξῃ τὴν ἀδικίαν.

일치하는 문장이 없습니다.

SEARCH

MENU NAVIGATION