Plutarch, Demetrius, chapter 33

(플루타르코스, Demetrius, chapter 33)

οὐ μὴν ὑπέπτηξε Δημήτριοσ, ἀλλὰ φήσασ οὐδ’ ἂν μυριάκισ ἡττηθῇ μάχασ ἄλλασ ἐν Ἴψῳ γαμβρὸν ἀγαπήσειν ἐπὶ μισθῷ Σέλευκον, τὰσ μὲν πόλεισ ἐκρατύνατο φρουραῖσ, αὐτὸσ δὲ πυθόμενοσ Λαχάρη στασιάζουσιν Ἀθηναίοισ ἐπιθέμενον τυραννεῖν, ἤλπιζε ῥᾳδίωσ ἐπιφανεὶσ λήψεσθαι τὴν πόλιν. καὶ τὸ μὲν πέλαγοσ ἀσφαλῶσ διεπεραιώθη μεγάλῳ στόλῳ, παρὰ δὲ τὴν Ἀττικὴν παραπλέων ἐχειμάσθη καὶ τὰσ πλείστασ ἀπέβαλε τῶν νεῶν, καὶ συνδιεφθάρη πλῆθοσ ἀνθρώπων οὐκ ὀλίγον. αὐτὸσ δὲ σωθεὶ͂͂͂σ ἥψατο μέν τινοσ πολέμου πρὸσ τοὺσ Ἀθηναίουσ, ὡσ δ’ οὐδὲν ἐπέραινε, πέμψασ ναυτικὸν αὖθισ ἀθροίσοντασ αὐτὸσ εἰσ Πελοπόννησον παρῆλθε καὶ Μεσσήνην ἐπολιόρκει.

καὶ προσμαχόμενοσ τοῖσ τείχεσιν ἐκινδύνευσε, καταπελτικοῦ βέλουσ εἰσ τὸ πρόσωπον αὐτῷ καὶ τὸ στόμα διὰ τῆσ σιαγόνοσ ἐμπεσόντοσ. ἀναληφθεὶσ δὲ καὶ πόλεισ τινὰσ ἀφεστώσασ προσαγαγόμενοσ πάλιν εἰσ τὴν Ἀττικὴν ἐνέβαλε, καὶ κρατήσασ Ἐλευσῖνοσ καὶ Ῥαμνοῦντοσ ἔφθειρε τὴν χώραν, καὶ ναῦν τινα λαβὼν ἔχουσαν σῖτον καὶ εἰσάγουσαν τοῖσ Ἀθηναίοισ ἐκρέμασε τὸν ἔμπορον καὶ τὸν κυβερνήτην, ὥστε τῶν ἄλλων ἀποτρεπομένων διὰ φόβον σύντονον λιμὸν ἐν ἄστει γενέσθαι, πρὸσ δὲ τῷ λιμῷ καὶ τῶν ἄλλων ἀπορίαν.

ἁλῶν γοῦν μέδιμνον ὠνοῦντο τετταράκοντα δραχμῶν, ὁ δὲ τῶν πυρῶν μόδιοσ ὤνιοσ ἦν τριακοσίων. μικρὰν δὲ τοῖσ Ἀθηναίοισ ἀναπνοὴν παρέσχον ἑκατὸν πεντήκοντα νῆεσ φανεῖσαι περὶ Αἴγιναν, ἃσ ἔπεμψεν ἐπικούρουσ αὐτοῖσ Πτολεμαῖοσ.

εἶτα Δημητρίῳ πολλῶν μὲν ἐκ Πελοποννήσου, πολλῶν δὲ ἀπὸ Κύπρου νεῶν παραγενομένων, ὥστε συμπάσασ ἀθροισθῆναι τριακοσίασ, ἔφυγον ἄραντεσ οἱ Πτολεμαίου, καὶ Λαχάρησ ὁ τύραννοσ ἀπέδρα προέμενοσ τὴν πόλιν.

일치하는 문장이 없습니다.

SEARCH

MENU NAVIGATION