Plutarch, Demetrius, chapter 43

(플루타르코스, Demetrius, chapter 43)

ὁ δ’ οὖν Δημήτριοσ ἐπισφαλέστατα νοσήσασ ἐν Πέλλῃ μικροῦ τότε Μακεδονίαν ἀπέβαλε, καταδραμόντοσ ὀξέωσ Πύρρου καὶ μέχρισ Ἐδέσσησ προελθόντοσ. ἅμα δὲ τῷ κουφότεροσ γενέσθαι πάνυ ῥᾳδίωσ ἐξελάσασ αὐτὸν ἐποιήσατό τινασ ὁμολογίασ, οὐ βουλόμενοσ ἐμποδὼν ὄντι συνεχῶσ προσπταίων καὶ τοπομαχῶν ἧττον εἶναι πρὸσ οἷσ διενοεῖτο. διενοεῖτο δὲ οὐθὲν ὀλίγον, ἀλλὰ πᾶσαν ἀναλαμβάνειν τὴν ὑπὸ τῷ πατρὶ γενομένην ἀρχήν.

καὶ τῆσ ἐλπίδοσ ταύτησ καὶ τῆσ ἐπιβολῆσ οὐκ ἀπελείπετο τὰ τῆσ παρασκευῆσ, ἀλλὰ στρατιᾶσ μὲν ἤδη συνετέτακτο πεζῆσ μυριάδασ δέκα δισχιλίων ἀνδρῶν ἀποδεούσασ, καὶ χωρὶσ ἱππέασ ὀλίγῳ δισχιλίων καὶ μυρίων ἐλάττουσ. στόλον δὲ νεῶν ἅμα πεντακοσίων καταβαλλόμενοσ τὰσ μὲν ἐν Πειραιεῖ τρόπεισ ἔθετο, τὰσ δὲ ἐν Κορίνθῳ, τὰσ δὲ ἐν Χαλκίδι, τὰσ δὲ περὶ Πέλλαν, αὐτὸσ ἐπιὼν ἑκασταχόσε καὶ διδάσκων ἃ χρὴ καὶ συντεχνώμενοσ, ἐκπληττομένων ἁπάντων οὐ τὰ πλήθη μόνον, ἀλλὰ καὶ τὰ μεγέθη τῶν ἔργων.

οὐδεὶσ γὰρ εἶδεν ἀνθρώπων οὔτε πεντεκαιδεκήρη ναῦν πρότερον οὔτε ἑκκαιδεκήρη, ἀλλ’ ὕστερον τεσσαρακοντήρη Πτολεμαῖοσ ὁ Φιλοπάτωρ ἐναυπηγήσατο, μῆκοσ διακοσίων ὀγδοήκοντα πηχῶν, ὕψοσ δὲ ἑώσ ἀκροστολίου πεντήκοντα δυεῖν δεόντων, ναύταισ δὲ χωρὶσ ἐρετῶν ἐξηρτυμένην τετρακοσίοισ, ἐρέταισ δὲ τετρακισχιλίοισ, χωρὶσ δὲ τούτων ὁπλίτασ δεχομένην ἐπί τε τῶν παρόδων καὶ τοῦ καταστρώματοσ ὀλίγῳ τρισχιλίων ἀποδέοντασ.

ἀλλὰ θέαν μόνην ἐκείνη παρέσχε·

καὶ μικρὸν ὅσον διαφέρουσα τῶν μονίμων οἰκοδομημάτων, φανῆναι πρὸσ ἐπίδειξιν, οὐ χρείαν, ἐπισφαλῶσ καὶ δυσέργωσ ἐκινήθη. τῶν δὲ Δημητρίου νεῶν οὐκ ἦν τὸ καλὸν ἀναγώνιστον, οὐδὲ τῷ περιττῷ τῆσ κατασκευῆσ ἀπεστεροῦντο τὴν χρείαν, ἀλλὰ τὸ τάχοσ καὶ τὸ ἔργον ἀξιοθεατότερον τοῦ μεγέθουσ παρεῖχον.

일치하는 문장이 없습니다.

SEARCH

MENU NAVIGATION