헬라어 문장 검색 - Πλυταρ́Δεμετρί20́

(플루타르코스, Demetrius, chapter 20)

ἀλλὰ καὶ παρασκευάσασθαι δύναμιν ἢ χρήσασθαι βελτίων ἐδόκει στρατηγὸσ εἶναι, πάντα μὲν ἐκ περιουσίασ ὑπάρχειν βουλόμενοσ ἐπὶ τὰσ χρείασ, τῆσ δὲ περὶ τὰσ ναῦσ καὶ τὰ μηχανήματα μεγαλουργίασ καὶ καθ’ ἡδονήν τινα τοῦ θεωρεῖν ἀπλήστωσ ἔχων. εὐφυὴσ γὰρ ὢν καὶ θεωρητικὸσ οὐκ εἰσ παιδιὰσ οὐδ’ εἰσ διαγωγὰσ ἀχρήστουσ ἔτρεψε τὸ φιλότεχνον, ὥσπερ ἄλλοι βασιλεῖσ αὐλοῦντεσ καὶ ζωγραφοῦντεσ καὶ τορεύοντεσ. Αἔροποσ γὰρ ὁ Μακεδὼν τραπέζια μικρὰ καὶ λυχνίδια τεκταινόμενοσ, ὁπότε σχολάζοι, διῆγεν.

Ἄτταλοσ δὲ ὁ Φιλομήτωρ ἐκήπευε τὰσ φαρμακώδεισ βοτάνασ, οὐ μόνον ὑοσκύαμον καὶ ἐλλέβορον, ἀλλὰ καὶ κώνειον καὶ ἀκόνιτον καὶ δορύκνιον, αὐτὸσ ἐν τοῖσ βασιλείοισ σπείρων καὶ φυτεύων, ὀπούσ τε καὶ καρπὸν αὐτῶν ἔργον πεποιημένοσ εἰδέναι καὶ κομίζεσθαι καθ’ ὡρ́αν. οἱ δὲ Πάρθων βασιλεῖσ ἐσεμνύνοντο τὰσ ἀκίδασ τῶν βελῶν χαράττοντεσ αὐτοὶ καὶ παραθήγοντεσ. ἀλλὰ μὴν Δημητρίου καὶ τὸ βάναυσον ἦν βασιλικόν, καὶ μέγεθοσ ἡ μέθοδοσ εἶχεν, ἅμα τῷ περιττῷ καὶ φιλοτέχνῳ τῶν ἔργων ὕψοσ τι διανοίασ καὶ φρονήματοσ συνεκφερόντων, ὥστε μὴ μόνον γνώμησ καὶ περιουσίασ, ἀλλὰ καὶ χειρὸσ ἄξια φαίνεσθαι βασιλικῆσ.

μεγέθει μὲν γὰρ ἐξέπληττε καὶ τοὺσ φίλουσ, κάλλει δὲ καὶ τοὺσ πολεμίουσ ἔτερπε. τοῦτο δὲ ἔτι μᾶλλον ἀληθῶσ ἢ κομψῶσ εἴρηται. καὶ τὰσ μὲν ἑκκαιδεκήρεισ αὐτοῦ καὶ τὰσ πεντεκαιδεκήρεισ ἐθαύμαζον ἑστῶτεσ οἱ πολέμιοι παρὰ τὴν γῆν αὐτῶν πλεούσασ, αἱ δ’ ἑλεπόλεισ ὡσ θέαμα τοῖσ πολιορκουμένοισ ἦσαν, ὡσ αὐτὰ τὰ πράγματα μαρτυρεῖ.

Λυσίμαχοσ μὲν γάρ, ἔχθιστοσ ὢν Δημητρίῳ τῶν βασιλέων καὶ πολιορκοῦντι Σόλουσ τοὺσ Κιλικίουσ ἀντιτεταγμένοσ, ἔπεμψε παρακαλῶν ἐπιδεῖξαι τὰσ μηχανὰσ αὐτῷ καὶ τὰσ ναῦσ πλεούσασ· ἐπιδείξαντοσ δὲ θαυμάσασ ἀπῆλθε. Ῥόδιοι δὲ πολὺν χρόνον ὑπ’ αὐτοῦ πολιορκηθέντεσ, ἐπεὶ κατελύσαντο τὸν πόλεμον, ᾐτήσαντο τῶν μηχανῶν ἐνίασ, ὅπωσ ὑπόμνημα τῆσ ἐκείνου δυνάμεωσ ἅμα καὶ τῆσ αὑτῶν ἀνδραγαθίασ ἔχωσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Demetrius, chapter 20

(플루타르코스, Demetrius, chapter 20)

상위

목록

SEARCH

MENU NAVIGATION