헬라어 문장 검색 - Πλυταρ́Βρυτυσ́06́

(플루타르코스, Brutus, chapter 6)

γενομένησ δὲ τῆσ κατὰ Φάρσαλον ἥττησ καὶ Πομπηϊού μὲν ἐπὶ θάλασσαν διεκπεσόντοσ, πολιορκουμένου δὲ τοῦ χάρακοσ, ἔλαθεν ὁ Βροῦτοσ κατὰ πύλασ πρὸσ τόπον ἑλώδη καὶ μεστὸν ὑδάτων καὶ καλάμου φερούσασ ἐξελθών καὶ διὰ νυκτὸσ ἀποσωθεὶσ εἰσ Λάρισσαν. ἐκεῖθεν δὲ γράψαντοσ αὐτοῦ Καῖσαρ ἥσθη τε σωζομένῳ, καὶ κελεύσασ πρὸσ αὑτὸν ἐλθεῖν οὐ μόνον ἀφῆκε τῆσ αἰτίασ, ἀλλὰ καὶ τιμώμενον ἐν τοῖσ μάλιστα περὶ αὑτὸν εἶχεν.

οὐδενὸσ δ’ ὅπῃ φεύγοι Πομπήϊοσ εἰπεῖν ἔχοντοσ, ἀλλ’ ἀπορίασ οὔσησ, ὁδόν τινα σὺν τῷ Βρούτῳ βαδίζων μόνοσ ἀπεπειρᾶτο τῆσ γνώμησ. καὶ δόξαντοσ ἔκ τινων διαλογισμῶν ἄριστα περὶ τῆσ Πομπηϊού τεκμαίρεσθαι φυγῆσ, ἀφεὶσ τἆλλα τὴν ἐπ’ Αἰγύπτου συνέτεινεν. ἀλλὰ Πομπήϊον μὲν, ὥσπερ εἴκασε Βροῦτοσ, Αἰγύπτῳ προσβαλόντα τὸ πεπρωμένον ἐδέξατο.

Καίσαρα δὲ καὶ πρὸσ Κάσσιον ἐπράϋνε Βροῦτοσ. καὶ δὴ καὶ τῷ τῶν Λιβύων βασιλεῖ προηγορῶν μὲν ἡττᾶτο τοῦ μεγέθουσ τῶν κατηγοριῶν, δεόμενοσ δὲ καὶ παραιτούμενοσ περὶ τούτου πολλὴν αὐτῷ διέσωσε τῆσ ἀρχῆσ, λέγεται δὲ Καῖσαρ, ὅτε πρῶτον ἤκουσεν αὐτοῦ λέγοντοσ, εἰπεῖν πρὸσ τοὺσ φίλουσ· "οὗτοσ ὁ νεανίασ οὐκ οἶδα μὲν ὃ βούλεται, πᾶν δ’ ὃ βούλεται σφόδρα βούλεται.

τὸ γὰρ ἐμβριθὲσ αὐτοῦ καὶ μὴ ῥᾳδίωσ μηδὲ παντὸσ ὑπήκοον τοῦ δεομένου πρὸσ χάριν, ἀλλ’ ἐκ λογισμοῦ καὶ προαιρέσεωσ τῶν καλῶν πρακτικόν, ὅποι τρέψειεν, ἰσχυραῖσ ἐχρῆτο ταῖσ ὁρμαῖσ καὶ τελεσιουργοῖσ. πρὸσ δὲ τὰσ ἀδίκουσ δεήσεισ ἀκολάκευτοσ ἦν, καὶ τὴν ὑπὸ τῶν ἀναισχύντωσ λιπαρούντων ἧτταν, ἣν ἔνιοι δυσωπεῖσθαι καλοῦσιν, αἰσχίστην ἀνδρὶ μεγάλῳ ποιούμενοσ εἰώθει λέγειν ὡσ οἱ μηδὲν ἀρνεῖσθαι δυνάμενοι δοκοῦσιν αὐτῷ μὴ καλῶσ τὴν ὡρ́αν διατεθεῖσθαι.

μέλλων δὲ διαβαίνειν εἰσ Λιβύην Καῖσαρ ἐπὶ Κάτωνα καὶ Σκηπίωνα Βρούτῳ τὴν ἐντὸσ Ἄλπεων Γαλατίαν ἐπέτρεψεν εὐτυχίᾳ τινὶ τῆσ ἐπαρχίασ·

τὰσ γὰρ ἄλλασ ὕβρει καὶ πλεονεξίᾳ τῶν πεπιστευμένων ὥσπερ αἰχμαλώτουσ διαφορούντων, ἐκείνοισ καὶ τῶν πρόσθεν ἀτυχημάτων παῦλα καὶ παραμυθία Βροῦτοσ ἦν. καὶ τὴν χάριν εἰσ Καίσαρα πάντων ἀνῆπτεν, ὡσ αὐτῷ μετὰ τὴν ἐπάνοδον περιϊόντι τὴν Ἰταλίαν ἥδιστον θέαμα τὰσ ὑπὸ Βρούτῳ πόλεισ γενέσθαι, καὶ Βροῦτον αὐτόν, αὔξοντα τὴν ἐκείνου τιμὴν καὶ συνόντα κεχαρισμένωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Brutus, chapter 6

(플루타르코스, Brutus, chapter 6)

상위

목록

SEARCH

MENU NAVIGATION